روايه جابك اللي جاب لكفوف الصحاري غيمه عقب البطى يحيي شجنها /للكاتبه :عايشه

البارت الثالث

اليوم التالي
بالديـره عنـد بطـلتي كـيان /:
بعد ما حطت الفطور وفطرو الكل شالت الفطور
ورتبت المطبخ وراحت ترتب باقي البيت علشان يمديها
تطلع قبل الظهر
وعلـى الساعه ١٠ خلصت وراحت عند امها
كيان : يمه تكفين بروح عند انجود وغصون ابي اتحرك شوي
ام محمد بحنيه وخصوصا وهي شايفتها كل اليوم تكرف لحالها : روحي
وارجعي قبل الظهر تعرفين ابوتس واخوتس يجون ١ يتغدون
كيان : ابشري يمه وراحت لغرفتها تلبس عباتها وعقب وهي طالعه من غرفتها تصادفت
مع عبير اللي تو طالعه من غرفتها اللي كانت قريبه لغرفه كيان
زفرت كيان بصبر وجت بتمشي طالعه سمعت صوت عبير من وراها واللي كانت تقول
عبير : على وين أن شاء الله
خذت نفس كيان وهي تحاول م تعصب وابتسمت ب استفزاز وهي تلف عليها وقالت :
بسير على المقبره تبين تسيرين معاي ؟
عبير تكتف : شقلة الادب هاذي قاعده اسألتس وين رايحه
ناظرتها كيان من فوق لتحت ب استحقار واعطتها ظهرها ومشت
لحقتها عبير بعصبيه وسحبت شعرها وقالت  : وبعدين معتس انتي متى بتتعلمين
تردين زي الاوادم !!
وقتها كيان كل جنون الأرض تناقز قدامها وخصوصا انها كانت شايله بقلبها كل الفتره اللي طافت على عبير وعلى تصرفاتها لفت عليها ومسكت شعرها بقوه وشدته وهي تطلع كل حرتها وضربتها كم ضربه على يدها واخر شي دفتها لين طاحت على الأرض وتكلمت كيان بعصبيه : سكت لتس كثير لكن هين من اليوم م رح تعينين خير مني يا عبيروه يا كشه
والله م اسكت لتس عقب اليوم تراني من مده ساكتتن لتس ولكن واضح انتي تماديتي
تحسبيني ساكته ضعف وانا كل همي محمد لا يضيق خلقه لكن هييين يا عبير ولفت وطلعت تاركه عبير تفور وتغلي من ضربها قامت لغرفتها وهي حالفه م تعديها لكيان كذا

---

اما بالنسبه لــ كــيـان
اللي كانت واصله حدها من زمان من عبير واليوم زادتها عبير وطلعت حرتها كلها
بضربها حست بشي يحرقها ناظرت يدها وانصدمت يوم شافت شرخ كبير ومحمر
والدم خفيف وعرفت انه من اظافر عبير انقهرتتت زياده ومشت بسسرعه متجهه لبيت
انجود و غصون قبل تنقهر زياده وترجع البيت تكفخ عبير زياده.

وصلت كيان لبيت غصون وانجود

--
نتعرف على هالثنتين؟
انجود : عمرها ١٩ سنه نفس وضع كيان خلصت ثانوي وجلست بالبيت 
اما غصون : أخت انجود وعمرها ٢٣ سنه تقدمو لها كثير لكن رفضت أتزوج منهم
وف مره كان ابوها بيغصبها تتزوج واحد متقدم لها اكبر منها ب ٩ سنين ومتزوج
لكن ربي رحمها والرجال هون ومن وقتها طلعت اشاعه ان غصون فيها بلاء علشان كذا م تبي تتزوج وبرأيهم خلاص صارت خلاص عانس ما يمديها تتزوج ولا احد رجع طق بابهم رغم جمال غصون وانجود اللي كانو شعورهم طويله وملامحهم ناعمه وحلوه ولكن محد طق بابهم وخصوصا ان الناس ماصارو يشوفونهم بعد موت امهم ولا ماصارو يطلعون لمكان ولا احد يشوفهم ولا يزورهم ومحد مونسهم غير كيان واخوهم الوحيد معاذ .
--