البارت الاول
بسم الله عند الابتداء وعند الانتهاء
تاريخ كتابه البارت الاول 2 / 8 / 2023
في احد البيوت بحائل الحبيبه وعروس الشمال
بيت فهد وامه
: يافهد يايمه يلا رجال المركز على الباب يبغونك !!
فهد قام من مكانه بهدوء وباس راس أمه : ادري يمه عندنا مداهمه اليوم لا تنتظريني نامي
ام فهد مسكت يده : مارح انام ولا تنسى اخوك يايمه حاول تطلعه
فهد ببرود : كأنه بريء بيطلع يايمه واذا أنه مجرم بيتعاقب زي غيره باس راس أمه
: ادعيلي يمه
ام فهد : الله يسهل دربك يايمه
طلع فهد للعساكر وسرحت ام فهد ورجعت بذاكرتها
لـ قبل كم سنه
قبل ٢٧ سنه
بيت سعود ونوره
ام فهد "نوره " بصراخ : اذنك تسمع اللي ينطقه لسانك؟؟؟ مستوعب اللي قاعد تقوله
لي؟
ابو فهد "سعود" : خلاص يا مره مو اول رجال يتزوج على حرمته
ام فهد بعصبيه : اي مو اول رجال يتزوج ولا أنا اول مره تتطلق طلقني ياسعود
ابو فهد بصدمه وهو كان متوقع تعصب وتهاوشه بس مو لذي الدرجه: نعمم!؟
ام فهد ب إصرار : طلقني
ابو فهد بعصبيه : ماني مطلق واجلسي فكري بطلبك الغبي ذا
وطلع ابو فهد وترك نوره اللي ازداد إصرارها على الطلاق واتصلت ب اخوها
تطلب فزعته !
------
وتطلقو نوره وسعود بعد ثلاث سنين زواج وبينهم فهد بس
ورغم وجود فهد إلا أن سعود قطع علاقته فيهم تماما وانشغل بحياته
ولا سأل عن ولده ألين و تحديدا قبل اسبوعين
في مكان شغل فهد
مركز الأمن العام
دخل العسكري لمكتب فهد اللي كان أعلى منه رتبه أدى تحيته العسكريه
وعقبها قال : الفريق فهد عندنا متهم بقضيه حياز سلاح غير مرخص ولكن
فهد عقد حواجبه لأن بالعاده هالقضايه مو هو اللي يحقق فيها : كمل
غياث : المتهم من نفس عايلتك ونفس اسم الاب
فهد عدل جلسته بصدمه : ايش اسم المتهم
غياث : سلطان بن سعود بن فهد ال....
وقف فهد بسرعه وهو مصدوم من وين طلع هالاخ : امش معاي وديني لغرفه التحقيق
اللي هو فيها
دخل غرفه التحقيق ولأول مره يشوف واحد من اخوانه
صح أنه قد بحث بسجل عايله أبوه وشاف كم اخ واخت عنده
بس بحياته م توقع يقابل واحد من اخوانه وخصوصا بهالمكان
بغرفه التحقيق كانت غرفه فاضيه م فيها إلا طاوله وكرسيين متقابلين
وكاميرا بزاويه الغرفه تسجل
أمر فهد غياث أنه يطلع وهو بيكمل تحقيق
جلس بالكرسي المقابل ل سلطان وقال بسخريه : لا والله واضح تربيه ابوك
ما فادت فيك
ناظره سلطان بصدمه وعقب ضحك ب استهزاء : لا يكون واحد من أعداء ابوي انت
فهد وهو رافع حاجبه : تقدر تقول إنه ألد اعدائي مسك فهد ببرود الملف اللي
فيه قضيه سلطان وفتحه وبدأ يقرأ بصوت عالي ؛
سلطان بن سعود بن فهد متهم بحياز سلاح غير مرخص وبمكان عام
سكر الملف بقوه وضرب الطاوله ب ايده وهو يقول: سود الله وجهك وش هالتهمه
اللي جاي فيها للمركز تدري انك احتمال تنسجن سنه هالتهمه ؟
سلطان : هذا سلاح عويد ومرخص وخذ السلاح منهم وتأكد هم ماكلفو على أنفسهم
يتأكدون فتحو وشافو أن مافي سلاح مرخص ب اسمي ولا سألوني ولا شي
ضرب فهد الطاوله بقوه : وانت من سمح لك تأخذ سلاح مو لك
سلطان بغضب : وانت وش دخلك علشان تجي تحاسبني اصلا قضيتي مو انت
اللي ماسك التحقيق فيها
فهد بضحكه وعيونه تشتعل من العصبيه والقهر اللي داخله : معك الفريق فهد اي قضيه تجي لهالقسم يحق لي احقق فيها ومنصبي هو اللي يسمح لي احقق مع من م ابغى لا تحسب نفسك انك بتطلع من القضيه إذا قلت السلاح لعويد ومرخص القانون م يسمح لك
تحمل سلاح مو ملكك وتتمشى وهو بسيارتك
سلطان ناظره بغضب وهو يحاول يمسك لسانه عن هالمستفز اللي قدامه
فهد ناظره ببرود ونادا : ياغيااث
دخل غياث و ناظره فهد : خذه للتوقيف لين نخلص تحقيق ولف على سلطان وب ابتسامه ساخره : إذا طلعت من هنا فكر المره الجايه مليون مره قبل تخلي معك سلاح مو لك
طلع فهد وغياث خذا سلطان للتوقيف
-----
----
فيه قضيه سلطان وفتحه وبدأ يقرأ بصوت عالي ؛
سلطان بن سعود بن فهد متهم بحياز سلاح غير مرخص وبمكان عام
سكر الملف بقوه وضرب الطاوله ب ايده وهو يقول: سود الله وجهك وش هالتهمه
اللي جاي فيها للمركز تدري انك احتمال تنسجن سنه هالتهمه ؟
سلطان : هذا سلاح عويد ومرخص وخذ السلاح منهم وتأكد هم ماكلفو على أنفسهم
يتأكدون فتحو وشافو أن مافي سلاح مرخص ب اسمي ولا سألوني ولا شي
ضرب فهد الطاوله بقوه : وانت من سمح لك تأخذ سلاح مو لك
سلطان بغضب : وانت وش دخلك علشان تجي تحاسبني اصلا قضيتي مو انت
اللي ماسك التحقيق فيها
فهد بضحكه وعيونه تشتعل من العصبيه والقهر اللي داخله : معك الفريق فهد اي قضيه تجي لهالقسم يحق لي احقق فيها ومنصبي هو اللي يسمح لي احقق مع من م ابغى لا تحسب نفسك انك بتطلع من القضيه إذا قلت السلاح لعويد ومرخص القانون م يسمح لك
تحمل سلاح مو ملكك وتتمشى وهو بسيارتك
سلطان ناظره بغضب وهو يحاول يمسك لسانه عن هالمستفز اللي قدامه
فهد ناظره ببرود ونادا : ياغيااث
دخل غياث و ناظره فهد : خذه للتوقيف لين نخلص تحقيق ولف على سلطان وب ابتسامه ساخره : إذا طلعت من هنا فكر المره الجايه مليون مره قبل تخلي معك سلاح مو لك
طلع فهد وغياث خذا سلطان للتوقيف
✨نرجع للأن✨
في الشمال بديره ال..
تحديداً ببيت ابو محمد
: يااا كياننن اخلصي ابوتس بيجي وانتي باقي م قضيتي
كيان : يايمه وبعدين مع هالحاله ذيك اربع وعشرين ساعه بغرفتها وحنا
نكرف ونطبخ ولا كأنها عايشه معنا بالبيت! شلون بلحق كل ذا انا لحالي
ام محمد : وبعدين مع هالسالفه ياكيان خلاص اسكتي ولا تكثرين هرج الحين يجيتس ابوتس ويلعن خيرتس أن سمع حستس طالع
نظفت الحوش وهي تتأفأف من زوجه اخوها عبير اللي مالها شغل بشي وشايله يدها من شغل البيت وتاركه كل الكرف على كيان والمشكله امها ساكته لها وأخوها م يتدخل
خلصت تنظيف واول م انتهت من فرش الجلسه وتو بتحط الصينيه اللي فيها الفناجيل ودله
القهوه انفتح باب الشارع و لفت ب ابتسامه اول م دخل ابوها وأخوها محمد اللي عبير تكون زوجته
ابو محمد ب ابتسامه : السلام عليكم
كيان : وعليكم السلام مشت لعنده وباست رأسه
حط يده ابو محمد على كتفها ومشى معاها للجلسه وهو يسألها عن حالها
ومحمد على طول توجه لغرفته هو وزوجته !
--
نرجع لفهد اللي بالتوقيت هذا كانو طالعين مع أكثر من ١٠ عساكر يداهمون بيت
واحد بعد بلاغ ان موجود مخد.رات داخل بيته
فهد : بعد للثلاث واول م اقول ثلاث نداهم مع بعض
م ابي أوصيكم م نبي مصابين قبل كل شي احمو أنفسكم
واحد
اثنين
ثلاث
اول م قال ثلاث الكل داخل وحاوطو المكان وبدو يدورون عن المخدر.ات ومنصور
فهد كان يدور بالغرف على منصور اللي فص ملح وذاب ولا كأنه كان موجود بهالبيت
بعد ساعه اجتمعو العساكر بالصاله بعد تفتيش تام للبيت ولا حصلو شي البيت
كان نظيف ولا فيه اي دليل على وجود مخدرا.ت ولا وجود منصور
غياث : مالقينا احد والبيت فاضي
فهد واللي كان واقف ويناظر الصاله قال : كنت متوقع هالشي اكيد مارح يترك اثر
لشي ببيته على العموم بنستضيفه عندنا كم يوم بس يرجع ونشوف وش بنسوي معه
سيف : المشكله هذا ثالث بلاغ يوصلنا عن أنه يهرب ولحد الان ما صدنا عليه شي
ضرب فهد طاوله الاكل ب ايده وهو يقول بغضب : بنلقى عليه وبنجيبه لو هو تحت سابع ارض مشى وهو يقول : اطلعوا وقفلو البيت واتجهو للمركز وكملو شغلكم .