- အကုန်လုံး ကျောင်းထုတ်
ဌာနမှူးက သူတို့ သုံးယောက်ကို ခေါ်သွားတော့ လူအုပ်က အုတ်အော်သောင်းနင်းဖြစ်ကုန်ကြသည်။
"ဘုရားရေ! မျက်စိနှစ်ပေါက်ကို ကျယ်ကျယ်ဖွင့်ပေးလိုက်သလိုဘဲ! ငါ အဲ့လိုကိစ္စတွေကို တီဗီထဲမှာဘဲရှိတယ်ထင်နေတာ!"
"အဲ့ကောင်မလေး....သူမက အရင်အပတ်ကမှ တောင်းပန်ထားတာ မဟုတ်ဘူးလား? ဘာလို့ ဒီကိစ္စတွေက ဆက်တိုက်ဖြစ်နေရတာလဲ?"
"သူမကြည့်ရတာ ဆင်းရဲတဲ့ပုံလည်း မပေါ်ပါဘူး! သူမဘာလို့ သူမကိုယ်သူမ ရောင်းစားနေရတာလဲ?"
"မင်းက အရမ်းတွေးနေတာကို သူမမိဘတွေ နှစ်ယောက်လုံးက လက်ဆုပ်လက်ကိုင်ပြစရာ အလုပ်မရှိဘူး သူတို့ ဝင်ငွေကလည်း အရမ်းနည်းတယ် ငါတောင် သူမက ငါတို့ထက်ပိုပြီး ဝတ်ကောင်းစားလှတွေဝတ်ပြီး အစားကောင်းတွေ စားနေလဲတောင် စဉ်းစားမိသေးတယ် ငါက သူမကို ယန်ရွှမ်ဆင်ပေးနေတယ်ထင်တာ အဲ့ထက်ပိုတယ်ဆိုတာ ဘယ်သူက သိမှာလဲ?!"
"ကြောက်စရာကြီး!"
"ရွံစရာကောင်းတာ ဟုတ်ပြီလား?"
အချို့လူတွေကလည်း ယန်ရွှမ်၏ ကိစ္စကို စိတ်ဝင်စားကြသည်။ သူတို့ စုန့်ကျားရန်၏ မျက်နှာအမူအရာကို ကြည့်ပြီး သူမ စိတ်မတိုနေဘူးဆိုတာ သေချာမှ သူမဆီလျှောက်သွားလိုက်သည်။
"နင်တို့ ပြောတာ ယန်ရွှမ်လား? သူငါ့ကို အရင်က လိုက်ချင်နေတာ ဒါပေမယ့် သူ ငါ့ကို လှေနံနှစ်ဖက်နင်းတာတွေ့သွားလို့တောင် ငါ သူ့ကို ရိုက်ထားသေးတယ် အဲ့တာကြောင့် သူက ငါနဲ့ ဘာမှမဆိုင်ဘူး" စုန့်ကျားရန် လှောင်ပြုံးပြုံးလိုက်သည်။ "သူ သူများကို လင်ငယ်ဖြစ်အောင်လုပ်မယ်ဆိုတာတော့ ငါလည်း မထင်ထားဘူး သူက တကယ်ဘဲ စက်ဆုပ်စရာကောင်းတာဘဲ! သူ့အတွက်ကတော့ ဘယ်ဟာကမှ လုပ်ဖို့ မနိမ့်ကျဘူး!"
"မှန်တယ်! အဲ့လိုလူမျိုးက အရမ်း ရွံစရာကောင်းတာဘဲ! သူနဲ့ ကျင်ယာကျန်းက တကယ်ဘဲ ပြည့်စုံတဲ့ အတွဲဘဲ သူတို့နှစ်ယောက်လုံး အရှက်မရှိကြဘူး!"
သူတို့နှစ်ယောက်ကိုေပြာေသာ အကုန်လုံး၏ ရှုံ့ချမှုတွေကြောင့် စုန့်ကျားရန်၏ အပြုံးက ပိုမိုတောက်ပလာသည်။
သူမက သူတို့အတွက် မမေ့နိုင်ဖွယ် သင်ခန်းစာကို ပေးဖို့ ကြိုးစားနေဆဲပင်။ မထင်မှတ်စွာပင် ကိုကြီးလျန်က အရင်လုပ်တာတာကြောင့် သူတို့ လွယ်လွယ်နှင့် လွတ်သွားသည်ပင်။
စုန့်ကျားရန် ကျောင်းက သူတို့ကို ဘယ်လို ဆုံးဖြတ်မလဲဆိုတာ သိချင်နေသည်။
သူမ နောက်နေ့တွင် အသေးစိတ်ကို ကြားသိခဲ့ရသည်။
ကျင်ယာကျန်းက အထိခိုက်ခံရဆုံးပင်။
ထိုကိစ္စမျိုးကို လုပ်ပြီး သူမ ကျောင်းမှာဘဲ ဆက်နေနေရင် အခြားကျောင်းသားတွေကိုပါ ထိခိုက်မည်ပင်။
အရင်ကိစ္စပြီးတော့ အခုလည်း ဒရာမာတွေ နောက်ရက်တွေမှာ ဘာဖြစ်မယ်ဆိုတာ ဘယ်သူသိမလဲ?
ထို့ကြောင့် ကျောင်းအုပ်နှင့် ဌာနမှူးတို့က စိတ်ဆုံးဖြတ်ပြီးသွားပြီ။ သူတို့ ကျင်ယာကျန်းမိဘတွေကို ကျောင်းခေါ်ပြီး သူတို့ကို ဘာဖြစ်လဲပြောပြကာ သူမကို ကျောင်းထုတ်စေသည်။
ကျင်ယာကျန်းမိဘတွေ သူတို့သမီးက ထိုကဲ့သို့ ရှက်စရာကောင်းသာ ကိစ္စ လုပ်ခဲ့သည်ကို သိလိုက်ရတော့ သူတို့ ဒေါသထွက်လာကာ ရုံးခန်းထဲတွင်ပင် ရန်ဖြစ်ကြတော့သည်။
ဆရာတွေဆီက အကူအညီသာမပါရင် ကျင်ယာကျန်း နေရာတွင် အသတ်ခံရနိုင်သည်။
ယန်ရွှမ့်အတွက်ကတော့ သူ ကျင်ယာကျန်းနှင့် တွဲတုန်းက သူမကအခြားသူနှင့် တွဲနေသည်ဆိုတာကို သူမသိတာကြောင့် သူလည်း နစ်နာသူဖြစ်ကြောင်း ပြန်ငြင်းခုံသည်။
သို့ပေမယ့် ကျောင်းက ခွင့်မပြုသည့် ရည်းစားထားခြင်းကို သူတို့ ကျူးလွန်တာကြောင့် ဤ အကျိုးဆက်တွေ ဖြစ်လာ၍ ကျောင်းက သူ့ကို သတိကြီးကြီး ပေးလိုက်သည်။
ကိုကြီးလျန်အတွက်ကတော့ သူလုပ်ခဲ့သည့် ကိစ္စတွေက အရေးသိပ်မကြီး။ သူ ယန်ရွှမ့်ကို နည်းနည်း ထိုးကြိတ်လိုက်ရုံတင်ဖြစ်ကာ တစ်ခါလေးမှ ဆိုးဆိုးရွားရွားမဖြစ်။ ရဲတွေကို ခေါ်ပြီးတော့ သူ လေးနက်စွာ သတိပေးခံရပြီး ယန်ရွှမ့်ကို ဈေးဖိုးဝါးခ ယွမ်ရာပိုင်းလောက်ဒဏ်ကြေးပေးလိုက်ရသည်။ သူတို့ သူ့ကို ကျောင်းကို နောက်တစ်ခါလာဖို့လည်း ပိတ်ပင်လိုက်ပြန်သည်။
ကိုကြီးလျန် ထိုဖြေရှင်းချက်နှင့် ပတ်သက်၍ မကျေနပ်။
ကျင်ယာကျန်း ကျောင်းထုတ်ခံရကတော့ ကောင်းပါတယ် ဒါပေမယ့် ယန်ရွှမ်က ကျောင်းမှာ ဘာလို့ ရှိနေရသေးတာလဲ?
ထို့ကြောင့် သူ ယန်ရွှမ် လူအများကြီးကို ငါးရံ့အများကြီးဖမ်းသည့်ကိစ္စကို သက်သေနှင့် တကွ မြန်မြန်ပြလာသည်။
ကိုကြီးလျန် သက်သေကို ဘယ်လိုရလာလဲဆိုတာ ဘယ်သူကမှ မသိပေမယ့် တိကျနေသည်။
ယန်ရွှမ် ပြုလုပ်သည့်အရာက အရမ်းလွန်သည်။ သူက အန္တရာယ်ကောင်ဘဲ!
ကျောင်းခေါင်းဆောင်တွေက အကုန်လုံးကို ဆွေးနွေးပြီးတော့ သူတို့ ယန်ရွှမ့်ကိုလည်း ကျောင်းထုတ်ဖို့ ဆုံးဖြတ်လိုက်ကြသည်။
ကိုကြီးလျန် ဤဆုံးဖြတ်ချက်ကို ကျေနပ်သွားသည်။
သူ ထိုခွေးနှစ်ကောင် ကျောင်းထုတ်မခံရမချင်း နားနိုင်မှာမဟုတ်။
ဒါပေါ့ သူတို့ ကျောင်းထုတ်ခံရပြီးသည့်တိုင် မပြီးသေးဘူး!
သူ အစီအစဉ်တွေကို ဆွဲပြီးပြီ။
ယန်ရွှမ်နှင့် ကျင်ယာကျန်းတို့ အခြားကျောင်းတွေကို ပြောင်းသွားရင်တောင် သူ သူတို့ထိုနေရာတွင်လည်း မနေနိုင်အောင် လုပ်မှာ!
.....