- လုယက်မှု
လမ်းလျှောက်လာပြီးနောက် ရှရှီပေ သူမကို ကြည့်နေသည့် သက်သောင့်သက်သာမဖြစ်စေသော အကြည့်တို့ကိုသတ်ိထားမိလိုက်သည်။
မကြာခင်ပင် အရပ်ရှည်ရှည်လူအများက ခုန်ထွက်လာသည်။
"ပိုက်ဆံထုတ်စမ်း" ခေါင်းဆောင်က ယုတ်မာသော အပြုံးဖြင့် ပြုံးလိုက်သည်။
ထိုအချိန်တွင် နောက်ကျနေပြီဖြစ်၍ လူသွားလူလာလည်းမရှိ။
ရှိရင်တောင် သူတို့ ထိုနေရာတွင် ဘာဖြစ်နေလဲသိရင် လာကူမှာမဟုတ်။
ရှရှီပေ သူမကို ဒီနေရာမှာ လာပြီး ဓားပြတိုက်မယ်ဆိုတာကို မထင်ထားဘူး။
ထူးဆန်းသည်။
ဤနေရာက လုံခြုံရေးက အကောင်းဆုံးမဟုတ်ပေမယ့်လည်း အကြာကြီးနေလာသည့် လူတွေအကုန်လုံးကြောင့် ပတ်ဝန်းကျင်က ကောင်းသေးသည်။
ဤအရာတွေ ဖြစ်ဖူးပေမယ့်လည်း ရှရှီပေ သူမတွင် လာဖြစ်မယ်ဆိုတာကို မမျှော်လင့်ထား။
"ဘရို ငါတို့ သိုးလာဖို့ အချိန်အကြာကြီးစောင့်လာရတာ ငါတို့ သူမကို အလွတ်မခံနိုင်ဘူး" ခေါင်းဆောင်ဘေးက လူငယ်လေးက မနှစ်မျို့ဖွယ် ပြောလိုက်သည်။
မီးရောင် မှိန်မှိန်အောင်တွင် ထိုလူများက နှာဘူးများနှင့် တူနေသည်။
ရှရှီပေ မျက်မှောင်ကြုံ့လိုက်သည်။ "ရှင်တို့ကို ဘယ်သူလာခိုင်းတာလဲ?"
သူတို့အုပ်စု အံ့ဩသွားကာ နှာမှုတ်လိုက်သည်။ "ဘယ်သူကမှ ငါတို့ကို မလာခိုင်းဘူး ဒါပေမယ့် ဘယ်သူကမှလည်း မင်းကို မသွားခိုင်းဘူး!"
"ကျွန်မ ထွက်သွားချင်တယ်ဆိုရင်ရော?" ရှရှီပေ တည်ငြိမ်နေဆဲပင်။
"မင်း ငါတို့ပြောတာဘဲ လုပ်သင့်တယ်ထင်တယ် မင်းရဲ့ မျက်နှာလှလှလေး နာကျင်သွားရင် ဆိုးဆိုးရွားရွားတွေ ဖြစ်ကုန်လိမ့်မယ်! ဒီကလူတွေက ချမ်းသာတော့မှာ မင်းတကယ် ပိုက်ဆံကို လက်လွှတ်ခံနိုင်လို့လား?"
ရှရှီပေ ဒီလူတွေက လျော်ကြေးငွေအတွက် လာမှန်း နားလည်လိုက်သည်။
"ကျွန်မ ရှင်တို့ကို ပိုက်ဆံမပေးရင်ရော?"
"ဒါဆို မင်းက အနာေတာင်းေနတာဘဲ! သွား!"
အသံထွက်လာသည်နှင့် သူတို့ ရှရှီပေကို ဝိုင်းလိုက်သည်။
ရှရှီပေ အေးစက်စွာ ပြုံးလိုက်သည်။ သူတို့ လာသည်နှင့် သူမ တစ်ပတ်လှည့်ပြီး တစ်ယောက်ကို ကန်လိုက်သည်။
သူတို့က သူမ၏ တိုက်ခိုက်မှုစွမ်းရည်ကြောင့် အံ့ဩဘနမ်းဖြစ်သွားကြသည်။
မိန်းမငယ်လေးက အဲ့လို အားတွေ ရှိတယ်ပေါ့?
"တိုက်!"
သူတို့ ရမယ့်ငွေကို စဉ်းစားပြီး လက်မလျှော့ချင်။
သို့ပေမယ့် သူတို့ အကုန်လုံးပေါင်းရင်တောင် သူတို့ ရှရှီပေ တိုက်ခိုက်မှုကို မရပ်နိုင်။
မကြာမီပင် လူအများကြီး မြေပြင်ပေါ်ကျကာ မဆုံးနိုင်သော အသံတို့ဖြင့် အော်နေကြတော့သည်။
ယောက်ျားတစ်ယောက်က အပြန်အလှန်ဆက်သွယ်သည့် ကိရိယာကို ထုတ်လိုက်ပြီး အခြားတစ်ဖက်ကို အော်လိုက်သည်။ "ဘော့စ် ကျွန်တော်တို့ အကူအညီလိုနေပြီ!"
အများကြီးရှိသေးတယ်ပေါ့?
ရှရှီပေ ထွက်မသွားဘဲ သူတို့ လာသည်ကို စောင့်နေလိုက်သည်။
သူမ ဤလူတွေ ဒီကို ဘာလို့ လာတယ်ဆိုတာ တကယ် သိချင်နေသည်။
ခဏကြာတော့ ယောက်ျားများများ ရောက်လာသည်။ ထိုလူများက ကြမ်းပြင်က လူတွေထက် ပိုပြီး အရပ်ရှည်ကာ ကြမ်းတမ်းသည့်ပုံပေါ်သည်။ သူတို့ မျက်လုံးများက ရန်လိုကာ သူတို့ ဘဝမှာ အများကြီး ကြုံတွေ့ခဲ့ရပြီးပြီဆိုတာကို ပြောနိုင်သည်။
"ဘော့စ် ဒီကောင်မလေးက တစ်ခုခုမှားနေတယ်! သတိထား!" သူတို့ ရှရှီပေ ဘာလို့ မပြေးတာလဲဆိုတာကို နားမလည်ေပမယ့် သူမ မသွားမှတော့ သူမ လုံးဝ ထွက်သွားလို့မရအောင် လုပ်ရလိမ့်မယ်!
ဘော့စ်က သူ၏ အသုံးမကျတော့ လက်အောက်ငယ်သားများကို ကြည့်ပြီးနောက် ရှရှီပေကို ကြည့်လိုက်သည်။ သူ ဘာမှမပြောဘဲ ပြေးဝငမလိုက်သည်။
ဤလောကတွင် နှစ်ပေါင်းများစွာ ရှိနေပြီးနောက် စကားများရင် သေရတတ်သည်ဆိုတာ သူတို့ အကုန်သိသည်။
ပြီးနောက် ဘယ်သူကမှ ရဲမခေါ်ဘူးဆိုတာ ဘယ်သူက အာမခံနိုင်လဲ?
ဤကောင်မလေးကို ရဲတွေ မလာခင် ဖြေရှင်းရမည်။
ရှရှီပေလည်း အရမ်း အံ့ဩသွားသည်။ သူတို့က သူမထင်ထားသည်ထက်ပင် ပိုပြီး စွမ်းအားရှိကာ အရင်လူတွေထက်ပင် ပိုကောင်းသည်။
နောက်ရောက်လာသည့် ယောက်ျားများက ပိုပြီး ရှော့ရသွားသည်။
သာမန်မိန်းကလေးလို ထင်ရသည့် ကောင်မလေးက ဤကဲ့သို့ စကေးရှိသည်လား?
ယောက်ျားထဲက တစ်ယောက်က ဓားထုတ်ကာ ရှရှီပေဆီ ပြေးသွားလိုက်သည်။
ထိုအချိန်တွင် ရှရှီပေ လူဝိုင်းခံထားရပြီး ခြေလက်တွေကို လှုပ်လို့မရ။
ဓားက ရှရှီပေကို ထိုးတော့မည့်အချိန် ယောက်ျားက လမ်းတစ်ဝက်မှာ ရပ်လိုက်သည်။ သူ့လက်ကောက်ဝတ်နာသွားကာ ဓားက ကြမ်းပြင်ပေါ်ကျသွားသည်။
"ချောင်ရန်ကျွယ်!"
ချောင်ရန်ကျွယ် လက်က သွေးစက်တွေကို ကြည့်ပြီး ရှရှီပေ ပင့်ငက်ရှိုက်လိုက်သည်။
......