Against All Odds (Playboy Series #2)

Chapter 18

Chapter 18
Scared

"Where are you?" ani Travis sa kabilang linya.

"Nasa cafe kami ni Sadie malapit lang riyan. Magsisimula na ba?"

Today is Sunday, Race Day for F1 racing. As promised, he brought me to his Grand Prix (the term for each race in a season in F1 racing) so I could watch. It's really a good thing since I have nothing to do in the house. May summer class si Kuya. Dad's busy with the firm. Si Mommy naman ay laging may lakad kasama si Tita Jackie at Tita Lorna.

Gaya ng sinabi niya noon, kahit nagtatrabaho na siya, he still finds a way to do his hobbies. Hindi gaya ni Trevor na inialay na yata ang buong sarili sa trabaho. Hindi siya sumali sa season na ito.

"Hindi pa naman. I'm just worried you won't come on time. I reserved seats for you, though," he said.

I chuckled. "I know. Don't worry, dumaan lang kami rito saglit para bumili ng drinks. Didiretso na kami riyan pagkatapos. We won't miss your event,"

"Tss." I could almost see him shake his head while trying to stop a smirk. "Ingat kayo papunta rito. Tell Sadie to not drive recklessly."

Tumawa ako. "Grabe ka talaga sa kanya! Maingat kaya siya,"

Nauna na siya sa venue. Kailangan kasing maaga si Travis roon dahil kasali siya. Sabay-sabay dapat kaming tatlo na pupunta roon pero naisip namin ni Sadie na wala naman kaming gagawin roon kung sobrang aga namin. Kaya sinabi namin na magsasabay na lang kaming dalawa. Pumayag naman si Travis. Para na rin daw hindi ako makita ng ibang racers. He just didn't like the idea of Sadie driving her car to get us there. The ever paranoid Travis.

"Stop defending her. It's useless,"

My lips protruded. "Fine. Ibaba mo na 'to para makapag-prepare ka ng maayos."

"Okay. Call me when you get here so I could go to you-"

"Ha? Huwag na!" agap ko. He should just focus on his event.

Natigilan siya saglit. "Why? Who are you with? May kasama ba kayong lalaki?" his voice turned dark.

Kumunot ang noo ko. "Wala, ah,"

Pinagsasasabi nito?

"Bakit ayaw mo akong puntahan kayo, kung ganoon?"

My shoulders fell. Iba na naman pala ang nasa isip niya.

"Give the phone to Sadie-"

"Travis!" saway ko. Papagalitan na naman ang mahal kong kaibigan. "Wala, okay? What I mean is that, huwag mo na kaming puntahan mamaya at mag-focus ka na lang sa event mo. We'll just see you after,"

Ang tagal bago ko siya nakumbinsi. Saka lang siya nagpaalam nang start na ng warm-up lap nila, which means 30 minutes na lang ay magsisimula na ang race. Umiiling kong ibinaba ang phone ko.

Saktong pagkababa ko ng phone ay siyang pag-upo naman ni Sadie sa harap ko dala ang order naming frappe.

Kinuha ko ang akin at ininom.

"Travis?" she said.

Tumango ako.

Hindi na kami nagtagal roon sa cafe dahil malapit nang magsimula ang race. Hawak ko ang tali ni Lulu nang magtungo kami sa oval track racing kung saan gaganapin ang kompetisyon. Ni-request talaga ni Travis na dalhin ko si Lulu ngayon para raw full support sa kanya ang mag-ina niya. Umiinit ang pisngi ko tuwing naaalala ang sinabi ni Travis na anak raw namin si Lulu! He finds Sadie's idea cute! The hell?

Wearing a crop top, a skater skirt, and a visor, we strutted through the venue, finding our seats. Sadie's very sporty chic today with her choice of clothes.