Endless Second Chances (Book 2 of My Firsts With Him)

35

Back to real life, back to reality and everything. At least for me. Ewan ko lang kay Dan at Georgina, Aaron at Arvin.

Kaunti nalang at matatapos na ang pagiging freshmen College ko. Ang bilis ng panahon. Napabuntong-hininga ako. Hindi ko inaasahan na magiging ganito ang takbo ng first year ko. Exciting, nakakaloka dahil ang daming nangyayari.

Dumaan ako ng library para manghiram ng isang libro. Pagkalabas ko, nakaabang si Dan.

“Bakit?” tanong ko.

“Wala, gusto lang kitang makita.” sabi niya. Sumunod siya sa paglalakad ko.

“Kamusta?” tanong ko.

“Eto, normal.”

“Normal,” pag-uullit ko. Tumungo siya, yakap-yakap ko ang libro sa dibdib ko.

“Eh ikaw?”

“Stressed as ever. Always.” sagot ko. Ngumiti si Dan.

“Ang sipag mo naman kasing mag-aral. Pauwi ka na ba? Sabay ka na s’akin.”

“Dan, can we talk about something?” Napatigil kami sa paglalakad.

“Oo naman.”

“It’s not about us actually,”

“Okay.” Napabuntong-hininga ako.

“It’s about Arvin and Aaron. Arvin’s acting weirdly. Parang bipolar, masaya dahil nandiyan si Aaron, tapos biglang iritable kasi nandiyan si Aaron.”

Napangiti si Dan. “Inaasahan ko nang mangyayari ‘yun pero ‘di ba, matagal na siyang ganoon?”

Tumungo lang ako. “Pero mas weird eh, mas matindi. Kumbaga dati, slight lang. Ngayon, matindi na. Uncontrollable na!”

“Tara, sa kotse tayo magkuwentuhan.”

“May sasabihin ako.” halos sabay kaming nagsalita pagkasakay sa kotse.

“Ikaw muna,” sabi niya.

Huminga muna ako ng malalim. “Ikaw na.”

“Ano ba ‘yan, ikaw na nga.”

“Dan, pag-aawayan pa ba natin ito? Ikaw na nga muna.”

“Nasaktan ako doon sa nakita ko sa Laguna. Alam mo, tama ka. Manhid ako sa sarili kong feelings. Ngayon lang ulit ako nasaktan, kasing sakit ng break-up natin. Actually, hindi eh, alam mo ‘yun parang mas masakit ito.”

“Sorry, Dan.” nasabi ko.

“’Di mo kailangang mag-sorry. Ako dapat mag-sorry sa sarili ko. Ang tanga ko eh. Nasa harap ko na pinakawalan ko pa.”

Nanahimik ako. Hindi ko kasi alam ang sunod na sasabihin.

“Flash news, break na ang parents namin ni Georgina.”

“Ohhh, ‘yun naman pala eh!”

“Ano’ng ‘yun naman pala?”

“Wala, akala ko kasi natatakot kang ligawan si Georgina dahil may affair parents n’yo.”

“Ewan ko ba, basta. Tanga ako pagdating sa mga babaeng mahal ko eh.”

Nanahimik ako. Hindi ko ulit alam ang sasabihin.

“Dan, bakit nagbago si Arvin pagdating ni Aaron? Bakit ganoon? Ang weird niyang kumilos.” tanong ko, sudden change topic.

Napabuntong-hininga si Dan.

“Sorry to disappoint you Colleen but I’m not the person to answer that.”

Nanahimik nalang ako at sumimangot. I know the person to answer that question. I just don’t know if he’s willing to answer.