Mi Querido, Espérame

Capítulo 16

***

Alas nuwebe y medya ng umaga, kami'y nagtungo rito sa plaza ng San Juan pagkatapos ng misa. Sina Christian at Hannah ay kasalukuyang namamasyal dito sa ciudad, samantalang sina Tía Claudia at Ginoong Lorenzo naman ay mayroong pinuntahan. Kami lamang dalawa ni Isabella ang naririto, nakaupo sa mahabang upuan sa gilid ng puno ng narra.

Tiningnan ko si Isabella ngunit diretso lamang siyang nakatitig sa nakahilerang mga kakanin na nasa gilid ng plaza. Tumayo ako, at humarap sa kaniya na labis niyang pinagtaka. Ngumiti lamang ako, at inilahad ang aking kamay sa kaniya na nakakunot ang noo. Nagtataka niya namang tiningnan ang aking kamay, at muling tumingala sa akin.

"Vamos"

Nakakunot ang kaniyang noo, ngunit kaniyang kinuha ang aking kamay.  Dinala ko si Isabella sa mga nakahilerang mga pamilihan ng iba't ibang kakanin na kanina niya pa tinititigan. Tumigil kami malapit sa isang tolda kung saan may mga iilang tao na kumakain. Tiningnan ako ni Isabella na nakakunot ang noo.

"¿Qué estamos haciendo aquí? ¿Tienes hambre?"

What are we doing here? Are you hungry?

Nagtatakang tanong niya sa akin. Ngumiti lang ako sa kaniya, at mag-isang lumakad sa toldang iyon. Bumili ako ng isang pulutong ng kakanin na kanilang ibinibenta, at lumakad pabalik kay Isabella na kunot-noo pa ring nakatayo.

"Prueba esto. Comí esto una vez cuando fuimos a Binondo."

Try this. I ate this once when we went to Binondo.

Inilahad ko kay Isabella ang aking binili na siomai, ngunit tiningnan niya lamang iyon. Tumingin siya sa akin, at tiningnan ako ng isang mapaghinalang tingin.

"¿Qué?"

What?

Tanong ko sa kaniya, ngunit mas lalo pang dumiin ang kaniyang pagtitig sa akin.

"¿De dónde sacaste el dinero para esto?"

Saan ka kumuha ng pera para rito?

Bigla na lamang akong napatawa habang tinitingnan si Isabella na naghihinala sa akin.

"¿Crees que robé el dinero por eso?"

Akala mo nagnakaw ako ng pera para riyan?

Mas lalo pa niya akong tinitigan kung kaya't sumuko na lamang ako.

"Mi amigo me envió dinero."

Pinadalhan ako ng pera ng isang kaibigan.

"¿Quién?"

Who?

"Isagani Domingo. No soy un ladrón, señorita. Si es posible, lo probarás te he comprado por ti."

Isagani Domingo. Ako'y hindi isang magnanakaw, binibini. Kung maaari, tikman mo na sana itong aking binili para sa iyo.

Nakangisi kong tugon kay Isabella. Ang laman ng isang sobre na pinadala sa akin ni Isagani ay ang kaniyang mensahe, samantalang sa isa naman ay mga makabagong pera na kakailanganin ko raw sa panahong ito kung kaya't iyon ang aking ginamit ngayon. Kinuha na ni Isabella ang papel na platito kung saan naroon nakalagay ang limang siomai na nagkakahalagang dalawampu't-limang piso, na kung sa aming panahon ay limampung sentimo lamang. Nagbago na rin pala ang kalakaran ngayon ng pera, mas mahal at magastos ang makabagong panahong ito comparar sa aming panahon. Kaya pala malaking halaga ng pera ang pinadala ni Isagani sa akin.