Mi Querido, Espérame

Capítulo 12

***

Война и миръ

Napamasahe naman ako sa aking ulo kung nasaan ang bukol na ibinigay sa akin ni Natalia.

~

"Vojna i mir."  basa ni Natalia sa pamagat ng libro na nasa ibabaw ng mesa. Ito rin ang libro na kaniyang inihampas sa akin kahapon nang nasurpresa namin siya ni Isagani habang naglilibot kami sa buong unibersidad.

"War and Peace." pagsalin ko sa pamagat ng libro mula Ruso sa Ingles. Tumingin naman siya sa akin, at hindi makapaniwalang ngumiti dahil marunong akong magbasa ng Ruso.

Ngumiti rin ako sa kaniya, at ibinaling muli ang aking tingin sa libro na nasa aming harapan. "Have you read it?"

Umiling-iling naman si Natalia, kaniyang mga labi ay nakanguso habang tinititigan ang libro. Bahagya naman akong napaalik-ik dahil sa kaniyang nakakaakit na personalidad. Siya nama'y nabigla, tumingin sa akin at napalunok. Ngumiti na lamang ako sa hindi ko maalam na dahilan. May anumang kakaibang kaba at saya na namamayani sa aking dibdib. Hindi ko ito maintindihan, ngunit gusto ko ito.

"It is about the stories of five aristocratic families of Russia. The story revolves in the Napoleonic era and the French invasion, and how it affects the Tsarist society, Russia is today." ani ko kay Natalia. Nahimasmasan na naman siya kaya't tumingin ulit siya sa akin, at tumango. Muli siyang tumingin sa akin na para bang naghihintay na aking ikuwento ang mga pangyayari sa librong 'War and Peace'.

Ngumiti naman ako ng marahan at bahagya, bago nagpatuloy sa aking pagsasalaysay. "The first scene unravels in a society party where Tolstoy introduced most of the characters."

"Pierre Bezukhov, the illegitimate son of an aristocrat who will not acknowledge him. Prince Andrei Nikolayevich Bolkonsky, husband of Lise, and a close friend of Pierre. Mary, Prince Andrei's sister. The Rostovs, a noble Moscow family, Count Ilya Andreyevich Rostov and Countess Natalya Rostova with their four children. Their lively daughter, Natasha. Her brother, Nikolai Ilyich who is in love with their fifteen-year old cousin, Sonya. Vera Ilyinichna, their eldest. And the youngest of the bunch, nine-year old Petya. Tolstoy also introduced the Kuragin family, Vasili Kuragin. His fortune-hunter son, Anatole. And his daughter, Helene."

Tumango naman si Natalia, at isinaulo ang mga tauhan sa istorya. Halos umabot na kami ng dalawang oras dito sa loob ng silid-aklatan. Sa loob naman ng dalawang oras na iyon habang ako'y nagsasalaysay, kami'y nagkatinginan, nagkatitigan, at nagsusulyapan galing sa libro na aking binabasa.

Sa tuwing pinapahinga ko naman ang aking boses ay siya naman ang magbabasa sa mga pangyayari na nasa libro. At ako naman ang dalubhasang sumusulyap kay Natalia, at napapangiti na lamang na parang baliw.

Isang linggo ang inabot naming dalawa para aming matapos basahin ang 'War and Peace'. Sa katunayan ay nabasa ko na ito nang ito'y hiniram ni Felipe noong nakaraang buwan. Ang tanging dahilan ko lamang kung bakit ko muli ito binasa ay ang aking pambihirang nararamdaman sa tuwing kasama ko si Natalia.