Oh my Angel!

-90-

[Gail]
Lunch break na, kaya nagsimula na kaming mag ayos ni Cindy. Usapan kasi na magkita-kita ulit sa may garden.

Tara na Gail. Pag yaya sakin ni Cindy kaya tinanguan ko ito. Nag usap lang kami ni Cindy habang palabas ng room. Nagulat naman ako ng may biglang humigit ng kamay ko at hinila ako palayo.

X-Xave??! Gulat kong tawag sa kanya. Pilit kong hinahatak ang kamay ko pabalik kaso desidido itong wag akong bitawan.

Nakarating kami sa tambayan niya, kaya malakas kong hinatak ang kamay ko. Hindi pa ako lubos na nakakabawi ng lakas kaya sigurado ako na kukunin na naman nito ang lakas ni Xave at mababawasan na naman ang life span niya. Kaya medyo lumayo ako sa kanya.

Ano bang kailangan mo?! Bakit bigla-bigla ka nalang nanghahatak?!! Galit na tanong ko sa kanya. Nabakas sa mukha niya ang pagkagulat marahil hindi niya inaasahan ang sinabi ko sa kanya. Wala akong magagawa kailangan ko itong gawin.

...para sa kanya.

I need to talk to you. Naging seryoso ang mukha niya. Hindi naman ako nagpatinag ginantihan ko din siya. Walang emosyon ko siyang tiningnan. Nung gabing iyon, I saw what you did. Ikaw ang gumamot sa akin that time. Nakita ko kung paano lumiwanag ang mga kamay mo na nakatapat sa sugat ko and Reign told me na you save her and she also saw your wings. Nagulat man ako sa narinig ko mula sa kanya ay pinanatili ko ang sarili ko na walang emosyon.

Naniniwala ka doon Xave? Peke akong tumawa. Xave, bata lang si Reign lahat ng—

Then how can you explain what I saw that night? Pagputol niya sa sinabi ko.

Halusinasyon mo lamang iyon Xave, dala ng nangyari sayo. Masama na ang pakiramdam mo ng mga oras na iyon kaya kung ano-ano na ang nakikita mo. Malamig ko siyang tiningnan. Patawad Xave hindi mo maaring malaman ang totoo. Iyan lang ba ang sasabihin mo? Kung ganun aalis na ako. Tumalikod na ako at nag umpisang maglakad paalis ng magsalita siya.

I know na hindi ka tao, and hindi ka rin nanggaling sa mundo namin that's why wala akong mahanap na information about sayo. Maybe isa kang angel na may misyon dito sa mundo namin, pwede din na tagasundo ka o kaya ay guardian angel gaya ng kinuwento sakin ni Nana noon bata pa ako. Natigilan naman ako sa sinabi niya. Alam na niya?

Hindi ko alam ang sinasabi mo. Bahala ka kung iyan ang gusto mong isipin. Malamig ko paring sabi at tuluyan ng umalis sa lugar na iyon.
——————————————————
[Xave]
I know na isa ka sa mga binanggit ko. Hindi ako titigil hanggat hindi ko ito napapatunayan.
——————————————————
(Fast Forward)
(Another week passed)
[Gail]
Isang linggo na akong hirap na hirap. Hirap na hirap sa patuloy na panghihina ko at sa patuloy na pangungulit ni Xave sa akin. Buong linggo niya akong kinukulit tungkol sa nalaman niya kaya hirap na hirap akong magpanggap na walang pakialam sa kanya.

Nabalitaan ko kina Seven na may sakit si Xave  nung nakaraang araw, matapos kaming mag usap at alam ko na ako ang dahilan dahil nakabawi ako ng lakas nung araw na iyon.

Sa loob din ng isang linggong iyon ay napapansin ni Trixie ang kinikilos ni Xave.

Mabuti nalang tinutulungan ako ni Sky at ng 7aces na mapalayo kay Xave.

Gail, sigurado ka bang okay ka na? Nagiging sakitin ka ngayon ah. Masyado mo kasi inaabala ang sarili mo sa mga activities kaya sinisingil ka ng katawan mo.

Alam mo naman ang dahilan diba? Kailangan kong maghabol sa mga lessons at activities na nakaligtaan ko nung absent ako. Ayos lang ako Cindy pagod lang ito. Nginitian ko naman siya.