Oh my Angel!

-21-

Gail's POV
Kinaumagahan, nagising nalang ako na mag-isa sa bahay. Nang may mapansin akong sulat sa ibabaw ng lamesa.

Gail,
       Hindi na kita ginising dahil alam kong pagod ka sa school kahapon. Maaga ako umalis dahil madami akong dadalhin kay Xave. Babalik din ako mamayang gabi. Iniwanan kita ng almusal sa lamesa, wag mo kalimutan kumain iha.
                                           -Nana Ising

Nag abala pa si Nana na ipaghanda ako. Agad ko naman kinain ang hinanda niya at nag ayos papasok sa school.

Pagkatapos ko mag ayos sinara ko na ang bahay sinigurado kong nakakandado ito ng maigi.

Dahil maaga pa naman, pinili ko nalang maglakad papasok. Si Sky kasi pinasakay pa ako ng sasakyan eh kaya naman lakarin. Hindi naman ganoon kalayo ito.

Nang mapansin na malapit na ako sa gate ng school agad akong napangiti ng makita si manong na nagbabantay na agad.

Magandang umaga manong. Bati ko kay manong.

Nagulat pa siya sa pag bati ko pero gumanti din ito ng bati.

Magandang umaga din iha. Ngumiti lang ako at pumasok na ako sa loob. Habang naglalakad ako papunta sa silid ko ay naisip kong itext si Cindy, pero agad din ako nadismaya ng maalalang wala pala akong number nito. Bakit kaya di ko ito nakuha kahapon. Sa sobrang pag iisip ko sa nalaman ko ang dami kong nalimutan.

Naglalakad na ako sa may locker area ng makatanggap ako ng text galing kay Sky.

From: Sky
Gail, magkita tayo ngayon.

Yun lang ang laman ng mensahe niya sa akin. Kala ko ba abala siya ngayon at maraming gagawin.

Mamaya ko nalang siya rereplyan, pagdating ko nalang siguro sa silid. Pinagpatuloy ko na ang paglalakad ko ng may biglang humila sa akin agad naman akong napasigaw.

Gulat kong tiningnan ang taong humatak sa akin habang hawak niya ang bibig ko.

Gail, ako ito si Sky. Tatanggalin ko na ang kamay ko. Pabulong niyang sabi. Naguguluhan man ay tumango ako.

Pasensya ka na. Nagulat ba kita? Kamot sa ulo niyang sabi.

Hindi ko itatangging nagulat ako sa ginawa mo. Sino ba kasing matinong tao ang bigla nalang manghahatak at dito pa sa tagong lugar?.

Tumawa lang ito sa sinabi ko. Naalala ko na naman ang tungkol sa kaniya, sa kanila.

Sky, may hindi ka ba sinasabi sa akin? Mukhang nagulat ko naman siya sa tanong ko.

Napabuntong hininga lang ito.

Alam kong imposibleng hindi mo malaman ang tungkol sa amin. Pero sana wag mag iba ang tingin mo sa amin. Seryosong tingin ni Sky.

Pero bakit hindi ninyo pinaalam sa akin? Kaya ba hindi kayo pumupunta ng tambayan ay dahil ayaw ninyong malaman ko.

Hindi sa ganoon Gail, may ibang dahilan kung bakit hindi kami bumabalik ng tambayan. Kaya hindi namin pinaalam sayo ay dahil ayaw ka namin madamay sa gulo na dala namin. Sana maintindihan mo. Sige na bumalik ka na sa silid mo. Malalate ka na sa klase.