The Last Elysian Oracle (Soon to be Published under PSICOM)

The First Wave

Jamie's POV

"Surround the tree. Don't let any creature pass you." utos ni Trev.

Tumango kami at agad pinalibutan ang kahoy. Napaatras ako nang isang malaking kamay ang napunta sa paanan ko.

Tinignan ko ito at nakita si Kara na isa-isang tinatanggalan ng mga paa't kamay ang gigantes.

Napailing nalang ako saka hinagis ang labrys pataas.

Nasilawan ako ng kaunti dahil sa pinagsama-samang abilities ng dalawang kambal.

Nagliliwanag yung buong katawan nila. Pareho rin silang nakahawak ng mga pana. Mukhang signature weapon na talaga yan sa mga anak ni Apollo.

Hinagis ko ang labrys sa tatlong gigantes at pinaikot ito sa kanila. Sinadya kong ibaon ang paa ko sa lupa para mahila ko sila papalapit sa'min.

Narinig ko ang hiyaw nila nang mahila ko nga sila sa direksyon ko. Parang acido na kumapit ang chain ng labrys ko sa balat nila.

Ampotek. Nakakadiri.

"Tangina." napamura ako nang sinunggab ako ng isa sa nakatali na gigantes.

Ihahagis nya sana ako papalayo nang tumigil ako at lumutang ng ilang segundo bago bumagsak sa lupa. Tinignan ko si Cesia na ginamit ang weapon niya para kontrolin ako.

Nice.

Tinanguan ko siya.

Nagkasangga ang blade ng labrys at ang silver bracelet ng isang monster. Napansin ko lang. Halos lahat ng nilalang dito may putol na posas sa mga kamay nila.

Hmm. Nakatakas nga.

"Oww-" napakamot ng ulo si Ria.

Isang sanga ng kahoy ang tumama sa ulo niya. Nakita ko ang pag-iba ng kulay ng mga mata niya nang nilingon niya ang gigantes sa likod.

Supreme Divination...

Nabasa ko na'to sa libro na ipinagkatiwala sa'kin ni Kara. Lumalamang ang imortal na dugo ng isang semideus sa tuwing nag-iiba ang mga mata niya.

Si Kara rin.

Halos silang lahat maliban sa'min ni Sebastian.... at Cesia?

Ahh... bago rin pala siya dito so kailangan niya pa ata ng time para mag activate yung dugo ng deity niya.

Eh yung akin- napatigil ako sa pag-iisip nang tumilapon ako sa kahoy.

Agad akong nakaramdam ng bigat dahil malapit lang ako sa opening ng portal.

Takte.

Tumakbo ako sa direksyon nila nang nag land ang isang malaking ibon sa harap namin. Isang segundo lang at nag anyo itong tao.

Nanlaki ang mga mata ko.

Ria?!

"No monster has left the island yet." pagbibigay-alam niya.

"Copy." nawala si Chase sa tabi ko.

Teka.

Ilan nga bang Chase ang nandito...

Umiling ako. Mamaya nalang ako magbibilang pag tapos na kami dito. Tsk.

Natumba ako dahil sa pagyanig ng buong isla. Hindi ako na orient na pati isla kayang galawin ng mga kasama ko.

Hay nako.

Tumayo ako at tinulungan sila laban sa mga weirdong nilalang. Weirdo kasi may ibang marami ang mga kamay... may mga pinaglihi rin sa octopus na may kasaling tentacles yung mga paa. Tas yung iba pinaglihi sa pinya sa sobrang dami ng mga mata.