The Last Elysian Oracle (Soon to be Published under PSICOM)

Returned

Cesia's POV

"Eh bawal ba yun?" tanong ni Art habang kumakain ng popcorn.

Nasa clinic kami ngayon nanonood ng movie.

Busy daw yung boys kaya napagdesisyunan nilang dito sa clinic magtambay, mag movie mara.

"Cesia... usog ka nga ng konti..." tumabi sa'kin si Ria.

Abnormal din ang babaeng 'to. Ako pa yung pina adjust niya eh ako nga tong naka confine sa clinic.

"Teka nga. Ba't ba kayo andito? Kung sa dorm kaya kayo manood?" tinignan nila ako na tila nairita sa sinabi ko.

Lah.

"No... we're fine..." ani Kara na umiinom ng soda.

Umupo ako. "pati ba naman ikaw Kara?" saka bumagsak ulit sa higaan.

Napahawak ako sa noo ko. Grabe.

Ang sabi ni doc okay na daw ako.

Aside na malapit na naman akong mamatay dahil sa power limit na yan.
This time, hindi brain yung nag lock down. Yung heart na mismo kaya nanghina kaagad ako.

Pagkatapos ang isang oras na lecture tungkol sa power limit na yan, biglang sumulpot ang mga babaeng 'to. Complete with foods and drinks.

Hays.

Wala na akong choice kundi makiisa sa kanila.

"Pakipasa nga yung fries.."

Habang kumakain, napaisip ako sa bato. Wala na akong alam kung saan napunta yun. Pero alam kong bumagsak nga siya.

Mamaya tatanungin ko si Doc kung may nakita ba siyang bato. Baka nasa kanya lang yun.

•••

"Mamaya niyo nalang ho sila gisingin." nag bow akong bilang thank you kay Doc.

Naaalimpungatan parin ako pero kinaya kong tumayo. Nakatulog kasi kami habang nanonood.

Tinignan ko sila na mahimbing na natutulog. Si Ria at Art na ang pumalit sa'kin sa bed ko. Habang si Kara nakaupo lang.

Ewan ko ba sa mga babaeng 'to. May excuse naman kaming maging abnormal kasi hindi naman talaga kami normal.

Napagod ako sa kakahiga kaya tumayo na ako.

I also decided na pumunta muna sa library.

Katatapos lang daw ng examinations ng Beta Class kaya di na gaano karami ang mga estudyante doon.

"Remember what I told you?" binuksan ni Doc Liv ang pinto.

Tumango ako. "Mmm... more training"

Nag nod siya saka ngumiti. Lalabas na sana ako nang may naalala ako "Umm.. doc.. wala ka bang napansin na bato na dala-dala ko papunta rito?"

Umiling siya.

Naghuhula muna ako kung saan yun napunta nang pumasok sa isip ko ang lalaking nagdala sa'kin rito.

Baka nasa kanya nga.

Nagpaalam na ako saka lumabas. Hindi ko pinansin ang mga tingin ng ibang estudyante. Mukhang tama nga sila noon. Masasanay ka lang sa school na'to.

Dumaan ako sa office kung saan nakasalubong ko yung mga bagong Alphas.

Napangiti ako matapos makita ang pins sa uniform nila.