His Howling Voice (Gazellian Series #1)

Chapter 43

"No, not there.." inilipat niya ako sa kaliwang dibdib niya bago niya marahang hinaplos ang buhok ko.

"Claret cried there, ikaw naman sa kaliwa..." kung may lakas lang ako ng mga oras na ito siguradong tumilapon na ang katawang ito ni Rosh. He's trying to be a knight in shinning amor and it is damn good for his overflowing ego.

"Nadagdagan na naman ba ang pagiging makisig mo? Dalawang babae na ang yumakap sa'yo ng araw na ito mahal na prinsipe.." sarkastikong sabi ko habang lumuluha. Sa halip na sumagot sa akin ay narinig ko lang siyang mahinang tumawa.

Hinayaan ko siyang haplusin ang buhok ko ng ilang minuto. I just want to cry and cry and cry. I've never been comforted since Zen's death, we are all mourning on our own. At hindi ako makapaniwalang matatanggap ko pa ito mula sa kilalang baliw na prinsipe ng Deltora.

"Maybe I can handle girl's heart but I can't handle their tears Lily.." hindi ko inaasahang maririnig ko ito mula sa kanya. Magsasalita na sana ako nang muli siyang magsalita.

"Hindi ko rin kailangan ng yakap ng isang babae para kumisig ako. Pinanganak na akong makisig kaya niyayakap ako ng mga babae.." kumalas na ako sa yakap niya. Siguro ay talagang limang minuto lamang ang tagal para makausap ko siya ng maayos dahil sa huli mauuwi at mauuwi ang pag uusap namin sa kanyang kakisigan.

"Babalik na ako sa palasyo.." tumango ito sa akin. Hinanap ko ang kabayong sinakyan ko at nang akmang sasakay na ako ay may narinig akong usapan na nagpainit ng lahat ng dugo ko sa katawan.

"Hindi ba at ang kakayahan ng babaeng itinakda ay alisin ang lahat ng kahit anong sumpa? Papaanong hinayaan niyang malusaw ang prinsipe kung may kakayahan naman siyang putulin ito?" nagsalita ang walang alam!

Hinanap ng mata ko ang bampirang nagsabi nito at wala pang isang iglap ay napapangibabawan ko na siya habang mariin kong sinasakal ang leeg niya.

"Inutil! Bago ka magsalita mag isip ka muna! Tanga ka ba?! HINDI LANG SI ZEN ANG ISINUMPA! DALAWA SILA! PAANO MASASABING SUMPA KUNG HINDI KASAMA SI CLARET?!" ilang beses ko nang pilit sinasakal ang bampira. Kung si Zen lang ang isinumpa, hindi sana siya patay ngayon.

"Lily!" inaawat na ako ni Rosh pero masyado akong matigas at pilit ko nang pinapatay ang bampirang walang alam.

"Bago kayo magsalita alamin nyo muna ang lahat! Ano ba ang sumpang dumapo sa kanila? Ito ang sumpang kapag naghawak sila ay may isang malulusaw! Papaano mo nasabing si Zen lang ang naisumpa kung ang magiging dahilan ng pagkalusaw nito ay ang paglapat ng balat niya kay Claret?! Anong tawag nyo sa magiging epekto ni Claret kapag nahawakan niya si Zen? Hindi 'yon sumpa?! Tanga!" pinaka ayaw kong makarinig ng mga salita mula sa mga walang alam na bampira.

"Huwag mo akong pigilan Rosh!" sigaw ko dito habang pilit niya akong inaawat. Pulang pula na ang mga mata ko sa harap ng bampirang sinasakal ko.

"Pareho silang may sumpa at sa kapatid ko ang epekto! Oo at may kakayahan si Claret na tanggalin ang sumpa pero hindi niya ito kayang gawin sa sumpang dumapo sa kanila ni Zen dahil isa siya sa isinumpa! Bakit ba hirap na hirap kayong unawain? Hindi lang ikaw ang bampirang narinig kong nagsabi niyan. Papaano malulusaw ang kapatid ko kung hindi rin naisumpa si Claret? Ano pa ang silbi ng sumpa kong walang malulusaw kapag naglapat ang kanilang mga balat? Kung walang sumpa si Claret,ano pa ang magiging sumpa? Malulusaw ba si Zen kung walang sumpa si Claret?! Sa tingin nyo ba ay hahayaan naming humatong sa kamatayan kung may magagawa rin naman pala kami? Pero wala! Wala na kaming magagawa! Dahil ang bampirang siyang kaisa isahang kayang sumugpo ng mga sumpa ay siyang itinali kasama ng kapatid ko sa isang sumpang kailanman ay hindi natalo ng ating kasaysayan!" mapapatay ko na yata ang bampirang sinasakal ko.

"Lily! Stop!" marahas na akong hinila ni Rosh habang walang tigil sa pag ubo ang bampirang babaeng sinakal ko.

"Damn it, kasalanan ko ang lahat ng ito dapat ay hinayaan ko na lang si Zen na ibalik nang mas maaga si Claret! Sana hindi na lang ako nakisali sa lahat! Sana hindi na lang ang kapatid ko ang nalusaw! Sana si Claret na lang ang nalusaw!" humagulhol na naman ako ng pag iyak.

"Lily!"

"What? Oo, ako na ang masama Rosh! Masama na ako! Pero kapatid ko 'yon, masama ba na hilingin ko na sana ay nabaliktad ang sitwwasyon? Na sana hindi ang kapatid ko ang nalusaw?" hindi nakapagsalita sa akin si Rosh. Tumakbo na ako sa aking kabayo at pinatakbo ko na ito nang napakabilis.

Wala akong tigil sa kakahagupit sa kabayo para lamang mas bumilis ang pagtakbo nito. Alam kong hindi lang ako ang nagluluksa ngayon pero sinisisi ko ang aking sarili, kung sana ay hinayaan ko nang makatawid sa kabilang mundo si Claret nang mas maaga hindi sana malulusaw ang kapatid ko.

"Fvck!" magpapatuloy sana ang kabayo ko sa pagtakbo nang mapansin kong may isa pang kabayo na nakaharang sa dadaanan ko.

It's Leon, Claret's grandfather.

Pinabagal ko ang pagpapatakbo ng kabayo at hinarap ko siya. Anong kailangan nito sa akin? Narinig niya ba ang mga sinabi ko?

"Anong kailangan mo?" tanong ko dito.

"Huwag ka nang tumuloy sa palasyo.." kumunot ang noo ko sa sinabi nito.

"Ano?"

"Ipinaparating ng hari na huwag ka nang tumuloy sa palasyo. Kinabuksan ay darating ang dalawang prinsipe mula sa magkaibang imperyo.." hindi na niya kailangang sabihin ang lahat dahil naiintindihan ko na.

"Salamat.." muli kong pinakbo ang kabayo pero sa pagkakataong ito ay sa ibang direksyon.

Gusto kong pasalamatan si Dastan pero mukhang wala na akong panahon para muling bumalik pa sa palasyo.

Saan ako pupunta? Tatanggapin pa kaya ako ni Adam sa sandaling magpakita ako sa kanya?

Para hindi na ako masundan ng mga bampirang maaaring humabol sa akin ay pinili ko nang patakbuhin ang kabayo pabalik nang makalayo na ako. Sinimulan ko nang maglakad patungo sa kagubatan.

Papunta sa lugar kung saan ko ipinangakong magkikita kami ni Adam, sa lugar kung saan ko siya iniwan. Pinahid ko ang takas na luha sa aking mga mata nang sulyapan ko ito, parang bigla na lamang bumalik ang oras nang mangako akong babalikan ko siya. I'm sorry Adam..

"Akala ko ay hindi mo na ako babalikan.. "

--

VentreCanard