His Howling Voice (Gazellian Series #1)

Chapter 8

Chapter 8

Nakatulala na lang ako sa buong pinangyarihan. Wala na ang mga lobo tangay ang lahat ng kayaman ng malaking kubong ito, nagkalat ang mga katawang walang buhay, mga dumadaing na boses ng mga nasugatan, nagsabog na sariwang dugo at hagulhol na pag iyak ng babaylan na nakilala ko.

Bakit umatake ang mga lobo? Papaanong sila lamang ang nakakagamit ng kanilang mga kakayahan sa kubong ito? Talaga ba na ginawa nila ito dahil lamang sa mga ginto at dyamante?

Ito ba talaga ang gawain ng lalaking itinakda para sa akin? Papaano niya nababato ng masasamang salita ang mga bampira kung mas masahol pa ang ginagawa niyang ito kaysa sa amin?

Narinig ko na lamang ang paglaglag ng mga espadang hawak ni Finn at Evan. Maging ang hawak na bote ni Rosh ay nabasag na rin, sabay sabay lang naman silang nagtumbahang tatlo.

Mabilis ko silang dinaluhan tatlo na may kaba sa aking dibdib. At napahinga ako nang maluwag nang malamang inabot lamang ang mga ito ng tulog dahil sa dami ng kanilang nainom na alak. Siguro ay ito ang kauna unahang beses na makikita kong lasing ang mga kapatid ko.

Vampires can't be drunk. At kahit isang drum pa ang inumin namin ay hindi kami malalasing, mukhang nasa ilalim pa rin kami ng kapangyarihan ni Geane.

Hinayaan ko muna ang tatlong matulog habang nagsisimula na akong maglakad papalapit kay Geane. Hanggang ngayon ay nagtataka pa rin ako sa mga nangyayari, nag uusap sila ni Adam at kung hindi ako nagkakamali ay magkaibigan pa sila, papaano niya ito nagawa sa isang kaibigan? Papaano niya naatim patayin ang lalaking minamahal ng kanyang kaibigan?

"Geane.." mahinang tawag ko sa kanya habang kalong niya ang walang buhay niyang asawa. Pakiramdam ko ay nadudurog ang aking puso, how I hate this kind of scene.

"I told you, dapat ibinalik mo na sa kanila. Dapat ibinalik mo na sa kanila, ayos lang naman ako. Masaya na akong makasama ka sa maiksing panahon. Dapat ibinalik mo na lang sa kanila, hindi sila nakakalimot..hindi.." mahinang sabi niya sa lalaking niyayapos niya ng mahigpit.

"Geane. I don't understand, bakit nagkakaganito?" naguguluhang tanong ko sa kanya.

"Mahal na prinsesa, maaari ka bang lumapit?" kahit nag aalinlangan ako ay marahan akong yumuko para lumapit sa kanya.

Nagulat na lang ako nang kabigin niya ang batok ko dahilan para mas magkalapit ang mukha namin dalawa. Pinilit kong magpumiglas pero higit na mas malakas siya sa akin sa loob ng kubong ito. Kusa na lang umawang ang bibig ko nang makita kong may kulay puting usok na lumalabas sa bibig niya na unti unting pumapasok sa bibig ko.

What the hell is she doing?! Anong inilalagay niya sa akin? Muli kong sinubukang magpapalag pero nararamdaman ko ang paghigpit ng paghawak niya sa akin. Unti unti ko nang nararamdaman ang pag iinit ng aking buong katawan ko dahil sa hindi pamilyar na enerhiyang pumapasok sa akin.

Sinubukan ko muling manlaban pero wala pa rin akong nagawa, napansin kong nagkukulay ginto na ang kanyang mga mata, mga mata na tanging mga lobo lamang ang mayroon. Bakit siya may mga matang ganito? She's not a werewolf at nararamdaman ko ito. Anong mayroon sa mga mata niya?

Nang bitawan niya ako ay muntik na akong mapasubsob sa sahig kung hindi ko lamang maaagap na naihawak ang aking mga kamay bilang suporta. Ramdam na ramdam ko ang pangangatal ng aking mga katawan. Nahihirapan na rin ako sa aking paghinga at nararamdaman kong may kung anong bago sa loob ng sistema ko.