"ပါးပါး ပါးပါး ကိုရင်လူထွက်လို့ မရသေးဘူးလား "
"အယ် ကိုရင် ပါးပါးလို့ မခေါ်ရဘူးလေ "
"အာ ဟို ဒါယိကာမကြီး ကိုရင် လူထွက်လို့မရသေးဘူးလား "
အချိုရည်ဘူးကို လက်ကကိုင်ထားရင်း သနားစရာမျက်ဝန်းလေးတွေဖြင့် ကြည့်ကာ ပြောလာတဲ့
ဉာဏ်အလင်းထင်လေးကြောင့် ချစ်လွန်း တင်းထားသမျှ ပြိုပျက်တော့မလိုပါပဲ။ ဒါပေမယ့်လည်း မဖြစ်သေးဘူး မဟုတ်လားလေ။
"ခုနှစ်ရက်ပြည့်အောင် ဝတ်မယ်လို့ ကတိပေးထားတယ်လေ လူထွက်ပြီးရင် သင်္ကြန်ကျပြီမို့ ကွက်တိပါပဲ ကိုရင်ရယ် အောင့်အီးသည်းခံလိုက်ပါအုံး "
ချစ်လွန်းက နားချကာ ပြန်လျှောက်တော့ ကိုရင်မှာ မျက်နှာစူပုတ်ပုတ်ဖြင့် ထွက်သွားတော့သည်။စိတ်မကောင်းစွာဖြင့် လိုက်ကြည့်နေမိပြီးမှ အမြန်ပြန်ဖို့ပဲ တွေးလိုက်မိသည်။ ကိုယ့်ကိုတွေ့နေရင် ပြန်လိုက်ချင်နေအုံးမှာ။အမှန်တော့ သူတို့အပြစ်နဲ့ သူတို့ပါပဲ။ သင်္ကြန်တွင်း သားအဖနှစ်ယောက်လုံးကို သင်္ကန်စီးပေးမယ်လို့ ချစ်လွန်းက ပြောတော့ သားအဖနှစ်ယောက်လုံးက သင်္ကြန်တွင်းကို လည်ချင်လို့ ကြိုဝတ်ထားပါ့မယ်တဲ့လေ။အခုတော့ဖြင့် ခုနှစ်ရက်တောင် မပြည့်သေး လူပြန်ထွက်ချင်နေရှာပြီ။
"ဒါယိကာမလေး "
"တင်ပါ့ဘုရား "
"မိုးချုပ်တော့မယ် ပြန်တော့လေ "
"တင်ပါ့ဘုရား ကိုရင်လေးက လူထွက်ချင်နေပြီ မပျော်ဘူးလား မသိဘူးဘုရား မေးကြည့်ပြီး ဂရုစိုက်လိုက်ပါအုံးဘုရား "
ပြန့လျှောက်တင်တဲ့အသံက ငိုတော့မလိုဖြစ်နေတာကြောင့် မနည်းစိတ်ထိန်းလိုက်ရသည်။ ဦးဇင်းဉာဏကလည်း ခေါင်းညိတ်ကာ စိတ်ချဖို့ပြောရင်း ပြန်ဖို့တိုက်တွန်းလာသည်။
"မေးကြည့်လိုက်ပါမယ် စိတ်ချပါ ဂရုစိုက်ပြီး ပြန်ပါ "
"အစ်မလှလှပြီးရင် အတူပြန်မှာမို့ စိတ်ချပါ ဘုရား "
ရုတ်တရက်ထပြီး စီစဥ်လိုက်ရတာမို့ အကျဥ်းချုပ်သာ လုပ်ဖြစ်သွားတဲ့ အလှူပွဲဖြစ်သည်။ ဉာဏကတော့ နောက်နှစ်မှာ မတည်အလှူရှင်လုပ်ပြီး ရှင်မပြုနိုင်တဲ့ကလေးတွေကို ရှင်ပြုပေးပါမယ်တဲ့လေ။ မွန်မြတ်တဲ့ အလှူမို့ ချစ်လွန်းလည်း ဖြစ်အောင်လုပ်ဖို့ ဆုံးဖြတ်ချက် ချထားသည်။ ဒီနှစ်မှာတော့ ဘယ်သူမှ မပါဘဲ သူတိူ့သားအဖနှစ်ယောက်သာ။ ရွှေတောင်ဦးကုန်းပေါ်က ဘုန်းကြီးကျောင်းမှာ ရဟန်းလာခံတာမို့ ချစ်လွန်းလည်း အိမ်ပြန်မအိပ်တော့ဘဲ အစ်မလှလှတို့ အိမ်မှာသာ တည်းဖြစ်နေသည်။
YOU ARE READING
// ရင်ခွင်ညှာရယ် ချစ်လွန်းပို၏ //
Romanceမချစ်ဘဲနဲ့ လက်ထပ်လိုက်ရပြီး အတူတူရှာဖွေလုပ်ကိုင်စားသောက်ကြတဲ့ marriage life ဇာတ်လမ်းလေးပါ uke က sissy typeပါ M-preg ပါ သဘောကျမှ ဖတ်ပါရှင် ဉာဏထင် ချစ်လွန်းပိုပိုမောင် 16.5.2023 Mirella_vc
