روايه جابك اللي جاب لكفوف الصحاري غيمه عقب البطى يحيي شجنها

البارت الرابع والعشرين

-----

الديره
على المغرب انهو كل الشغل القهوه جاهزه والمجالس والحلا وكل شي فعليا جاهز وبعد الصلاه دخلو العيال وما احكيكم عن الفوضى اللي صايره اللي يدور ثوبه واللي مايدري اي ثوب يلبس واللي مضيع شوزه " الله يكرمكم " واللي ماخذ كبك الثاني وغرفتهم بمعنى الكلمه فـ ـو ضـ ـى وما اكلها الا كيان المسكينه اللي صدعت من كثر ما نادوها شوي زياد اللي قرر يلبس ثوب غير الثوب اللي كاويته لأن فصل الشتاء على الابواب والجو بارد وصار يبي يلبس ثوب اسود شتوي وحاتم اللي ما يدري وين علبه الكبك والقلم حقته ومانع اللي مو جايب ثوب وأخذ ثوب من حاتم وحاتم يدور له ثوب ثاني
واصواتهم العاليه كل واحد يسولف مع الثانيه والمشكلة كلهم محشورين بغرفه وحده علشان ام فهد وضحى وام راكان !
وما اكلتها الا كيان اللي تحلّ للكل علشانهم اخوانها واول ما خلصو العيال وطلعو دخلت غرفتها كيان وكانت ضحى جالسه على السرير رمت نفسها وغمضت عيونها بتعب : اسوء شي يكون عندك اخوان وانتي الاخت الوحيده
ضحكت ضحى : يحياتي تنرحمين الحمدلله ما أحل للكل ولا كنت كليتها معك
فتحت عين كيان : اصبري علي والله لا اكرفك الحين بعزيمه الحريم كلها بتشيلينها لحالك
هزت أكتافها بعدم اهتمام ضحى وقالت : ماعندي مشكله اهم شي ما اعلق مع طلبات العيال لأنهم مارح يخلصون اليوم !
كيان رجعت غمضت عيونها تريح قبل يجون الحريم وتنهدت : الله يعين بس

------

الديـره
بيت ابو محمد
بدو الناس يجون وكيان وضحى يحاولون فعلا ما ينقص شي اللي استلمت القهوة واللي استلمت الحلا وكيان اللي كل شوي تروح تشيك إذا العيال جو يبون شي او لا وضحى اللي استلمت الحلا تحلي الحريم وشوي تقهوي وكانت منغثه أكثر شي من عبير اللي جالسه وحاطه رجل على رجل وكاشخه اخر كشخه وحاطه ميكب وامها واختها جنبها وما وقفو سوالف من جو وغصب ماسكه نفسها من القهر لا تروح تصفقها قدام الناس زفرت وهي تحط القهوه على الطاوله وهي تستغفر بداخلها وتفكر كيف كيان قادره تتحمل هالمستفزه حتى صوتها مستفز !
شافت كيان جايه ابتسمت بحنيه اول ما شافتها صح انهم مو خوات من نفس الام بس يكفي انهم خوات من الرضاعه !
لفت على عبير بعد ما حست أن في أنظار موجهه عليهم ولقتها تناظر كيان بحقد ونظره شر بعينها خصوصا بعد موقف كيان معاها حقدت عليها من قلب وتدور سالفه تتهاوش مع كيان عليها عرفت أن عبير مو ناويه تمشي العزيمه على خير سحبت كيان من يدها وهمست ب أذنها : كيان انتبهي من عبير باين ناويه على شي
ابتسمت كيان بلعانه عمدا بوجه عبير ولفت على ضحى وبحنيه : لا تخافين علي ما بصير لي شي
ضحى : طيب بس انتبهي
ضحكت كيان على خوف ضحى واعطتها دله القهوه : امسكي قهوي مره ثانيه وانا بروح اشوف الشاهي خلص او لا
ابتسمت ضحى رغم الخوف اللي بداخلها على  كيان ما تستبعد شي عن عبير تدري ان بتسوي اي شي علشان كيان لا تضرها بالموضوع اللي تعرفه !
مشت كيان متجهه للمطبخ وهي فعلا خايفه من نظرات عبير وميقنه داخلها أن عبير مجنونه وممكن تسوي اي شي لها وقفت قدام ابريق الشاي واللي كان يغلي وما حست الا بيد  عبير اللي دخلت وراها على طول على فمها وسحبتها لعند الباب الخارجي اللي داخل المطبخ وكانت تناظرها بحقد والشر يلمع بعيونها