Like Love But Not [ Myanmar Translation ]

Chapter - 12.4

Unicode

မြေခွေးဖန်း ,တံခါးအပြင်ဘက်သို့ ကသုတ်ကရက် ထွက်ပြေးသွားသည်ကို မြင်တော့ ဒီလူဆိုးခမျာ ဒင်းကျူးလွန်ခဲ့တဲ့ ရာဇဝတ်မှုမှ လွတ်မြောက်နိုင်တော့မည် မဟုတ်ကြောင်း ငါ့စိတ်ထဲတွေးမိလိုက်တယ်။

မနေ့ညနှောင်းပိုင်းလောက်မှာ ငါ လောင်ယွီချန်ကို ထားခဲ့ပြီး အိပ်ပျော်နေချိန် တစ်လအတွင်း ဖြစ်ပျက်ခဲ့တာတွေကို သိခဲ့ရတယ်။

လောင်ယွီချန် ခံစားရတဲ့ ထိုးနှက်ချက်က တော့ကြီးမားတယ်။ အဲ့ဒီညက သူ့ကို ရေကန်ထဲကနေကယ်တင်ပြီး ငါရုတ်တရက်‌ ပျောက်ကွယ်သွားခဲ့တဲ့အခါ သူမြင်ခဲ့ရတာတွေကို မယုံနိုင်ဖြစ်ပြီး ဖန်းရှဲ့ယီဆီ သွားပြီး မေးခဲ့တယ်တဲ့။ ဒါပေမယ့် ဖန်းရှဲ့ယီ က ငါသေသွားပြီလို့ သူ့ကို ပြောလိုက်တယ်။

လောင်ယွီချန်က ငါသေသွားတာအမှန်ဆိုရင် သူမြင်ခဲ့တာကရောတဲ့။ ဖန်းရှဲ့ယီကလည်း အဲ့ဒါက ငါ့ဝိညာဉ် ဖြစ်ကောင်းဖြစ်နိုင်တယ်ဆိုတဲ့ အပြုံးနဲ့ ပြန်ဖြေပြီး လောင်ယွီချန်ကို ငါ့သင်္ချိုင်းဆီ ဆုတောင်းဖို့ လာလည်ချင်လားလို့ တောင်မေးခဲ့သေးတယ်။

သူ့ကိုယ်သူ ဒီလို ကြမ်းတမ်းပြီး မယုံနိုင်စရာကောင်းတဲ့ အမှန်တရားကို အတည်ပြုပြီးတဲ့အခါမှာတော့ လောင်ယွီချန်က အဲ့ဒါကို မခံစားနိုင်တော့ပဲ ငါနဲ့ ထပ်တူညီ မိုက်မဲတဲ့လုပ်ရပ်ကို လုပ်ခဲ့လေတယ်။

ကံကောင်းထောက်မစွာနဲ့ပဲ တစ်ခုခုယူဖို့ပြန်လာခဲ့တဲ့ ရှမင်ရှု ကသူ့ကို အချိန်မီတွေ့ရှိခဲ့ပါတယ်။

ထို့နောက်တွင်တော့ လောင်ယွီချန်တစ်ယောက် ဆေးရုံတက်နေချိန်မှာလည်း အခြေခံအားဖြင့်တော့ ရူးသွပ်သွားခဲ့ပြီး ထပ်ခါတလဲလဲ ထိုအရာကို ဆက်လက်လုပ်ဆောင်နေပြန်တယ်။

ငါ ,နားထောင်နေခဲ့ရင်းနဲ့ စိတ်ပျက်စရာကောင်းတဲ့ အဲ့ဒီလို မြင်ကွင်းမျိုးကို စိတ်ကူးမယဉ်ရဲတော့ဘူး။ လောင်ယွီချန်ကို သာပိုမို တင်းကျပ်စွာဖက်ထားလိုက်တယ်။