Unicode
ရှမင်ရှုက ခါတိုင်းလိုပဲ အေးဆေးတည်ငြိမ်ပြီး နူးညံ့သိမ်မွေ့နေတုန်းဆိုပေမယ့် သူတို့ရဲ့တစ်ချိန်က လုံးဝကို အတွဲညီတဲ့ဆက်ဆံရေးဟာ အခုအချိန်မှာ မရှိတော့ဘူးဆိုတာကို ငါ မြင်နေရတယ်။
လောင်ယွီချန်က ဖြည်းဖြည်းချင်း ဖျက်ဆီးပစ်နေတာကို ငါ့မျက်လုံးတွေနဲ့ မြင်တွေ့လိုက်ရတယ်။
ဒါဟာ မထိုက်တန်တဲ့ငါ့ကြောင့်လား။
ဒါပေမယ့် လောင်ယွီချန် သူ့မှာရှိနေတာကို မမြတ်နိုးတဲ့အတွက် ငါ မဆူငေါက်နိုင်တော့ဘူး။ ရှမင်ရှုရဲ့ ကံမကောင်းတဲ့အချိန်အတွက် အပြစ်တင်နေလို့မရဘူးလေ။ ငါ့ရဲ့သူတော်ကောင်းယောင်ဆောင်ထားတဲ့ဆုတောင်းတွေကိုလည်း သူတို့ကို ဆက်ပြီး ပေးလို့မရတော့ဘူး။
လောင်ယွီချန်ဟာ အရာအားလုံးကို ဖျက်ဆီးပစ်နေတာကို ငါ တွေ့လိုက်ရတယ်။ ဒါဟာ တုန်လှုပ်ချောက်ချားစရာကောင်းပြီး နားမလည်နိုင်ဘူးဆိုပေမယ့် ငါ ခံစားခဲ့ရသမျှကတော့ ဝမ်းနည်းစရာတွေပါပဲ။
လောင်ယွီချန်က ပုံမှန်အတိုင်း ရိုးရိုးရှင်းရှင်းပါပဲ။ သူဘာပဲလုပ်လုပ် တခြားသူတွေရဲ့ခံစားချက်ကို ဂရုမစိုက်ဘဲ သူလုပ်ချင်တာကို လုပ်ခဲ့တယ်။
အခုချိန်ကစပြီး သူဘာဆက်လုပ်မှာလဲ?
ငါ အဲ့ဒါကို မတွေးရဲဘူး။
နောက်ဆုံးမှာတော့ ရှမင်ရှုက လောင်ယွီချန်ကို စိတ်ရောဂါကုဆရာဝန်ဆီ ဆွဲခေါ်သွားခဲ့တယ်။ ရလဒ်ကတော့ လောင်ယွီချန်ဟာ ထိုးနှက်ချက်က ကြီးမားလွန်းတာကြောင့် လက်တွေ့ကို မသိစိတ်ကနေ လွတ်မြောက်သွားတာဖြစ်ပြီး သူ့ရဲ့အလွန်အကျွံအပြစ်တင်နေမှုကြောင့် အနည်းငယ်ကယောင်ချောက်ချားဖြစ်သွားတာဖြစ်တယ်။
ရလဒ်အပေါ် မှာ လောင်ယွီချန်ရဲ့တုံ့ပြန်မှုကတော့ စကားလုံးလေးလုံးသာဖြစ်တယ် - သူက အဓိပ္ပါယ်မရှိတာတွေ ပြောနေတာတဲ့။
လောင်ယွီချန်က အမှန်တရားကို လက်ခံနိုင်မှာမဟုတ်ဘူးဆိုတာ ငါသိတယ်။ ဒါပေမယ့် သူ ကယောင်ချောက်ချား ဖြစ်နေတာတော့ မဟုတ်ဘူး။
YOU ARE READING
Like Love But Not [ Myanmar Translation ]
RomanceHello... This is just a translation! Original author is Orange Rain and we translated from novelupdates.com. Here is the link of the E-translated work from the website - https://www.novelupdates.com/series/like-love-but-not/ All credit to the origin...