Like Love But Not [ Myanmar Translation ]

Chapter - 10.1

Unicode

​လောင်ယွီချန်က ပုံမှန်အတိုင်း အလုပ်​တွေလုပ်နေပြီး မြို့တော်မှာ ဖျော်ဖြေပွဲကျင်းပဖို့အတွက် အလုပ်ရှုပ်နေခဲ့တယ်။

ဒီအချိန်အ​တောတွင်းမှာ သူ့အချိန်ဇယားတွေက ပြည့်ကျပ်​နေပြီး သူကလည်း ပိုပိန်သွားတယ်။

သူက သင့်​လျော်တဲ့ဟင်းချက်နည်းကို မသိဘူး။ သူ ဗိုက်ဆာရင် သူ့ကျန်းမာရေးကို ဂရုမစိုက်ဘဲ ခေါက်ဆွဲခြောက်​တွေကို စားတယ်။ သူက နဂိုကတည်းက သူ့ဘဝနဲ့သူ ကစား​နေခဲ့တာ။

သူ့ရဲ့ဖျော်ဖြေပွဲအတွင်းမှာ သူ့ကိုယ်ပိုင်သီချင်းတစ်ပုဒ်ဖြစ်တဲ့ "Like Love But Not (အချစ်နဲ့ တူတယ်, ဒါ​ပေမယ့် အချစ်မဟုတ်ဘူး)" ဆိုတဲ့သီချင်းကို ထပ်ထည့်ပြီး​တော့ သီဆိုခဲ့တယ်။

ဒီသီချင်းက သူ အရင်က မထုတ်​ဝေဖူးတဲ့ သီချင်းဖြစ်ပြီး ဖျော်ဖြေပွဲအတွင်းမှာမှ ပထမဆုံး ပေါ်ထွက်လာခဲ့တာဖြစ်တယ်။ ပရိသတ်တွေက​တော့ အံ့အားသင့်နေကြမှာပါပဲ။

အဲ့သီချင်းက ငါ့အတွက် ရည်စူးထားတာ။ ကံမကောင်းစွာပဲ သီချင်းတစ်ဝက်ပြီးသွားတဲ့နောက်မှ အဲ့အချက်ကို သိလိုက်ရပြီး ငါ အချို့စာသား​တွေကို မမှတ်မိတော့ဘူး။

စင်မြင့်အောက်က မိန်းကလေးတွေက စိတ်အားထက်သန်စွာနဲ့ အော်ဟစ်နေတာကြောင့် စင်ပေါ်မှာ နားထောင်​နေရတဲ့ ငါ့အတွက် သေချာနား​ထောင်လို့မရဘူး​လေ။

ဒီသီချင်းကို "Like Love But Not" လို့ ရှင်းရှင်းလင်းလင်း သိထားပေမယ့် သီချင်းတစ်ပုဒ်လုံးကတော့ "အချစ်" အကြောင်းသာဖြစ်ပြီး "အချစ်မဟုတ်ဘူး" ဆိုတာကို​တော့ တစ်စိတ်တစ်ပိုင်း​တောင် ငါ မကြားခဲ့ရဘူး။

သီချင်းက ရိုးရိုးရှင်းရှင်းလေးနဲ့ ထူးခြားတယ်။ လူနှစ်ယောက်ရဲ့တစ်​နေ့တာကို ဖော်ပြ​ထားတာ။ မနက်ခင်းမှာ ကော်ဖီခွက်ထဲ နွားနို့တစ်ခွက်ထည့်တိုက်တာက အစပြုပြီး ညဘက်မှာ အိပ်နေတဲ့သူ့ကို ငါ ဘယ်လိုငုံ့ကြည့်​​တယ်ဆိုတာနဲ့ ပြီးဆုံးသွားတယ်။

သူ အဲ့ဒါတွေကို တကယ်သတိထားမိတယ်​ရော်။

ဘာဖြစ်လို့လဲဆိုတာကို ငါ သိချင်လိုက်တာ။ ဒီသီချင်းမှာ မြူးမြူးကြွကြွတေးသွားရှိပေမယ့် ဝမ်းနည်းကြေကွဲ​စရာ​ကောင်းပြီး​ မရေရာမှုတွေ ပြည့်နှက်နေတယ်။