تم حكم علي بالمؤبد
خسرت حياتي بسبب النذاله الي كانت بداخلي
ما كنت متوقع الحقد والنذاله الي بداخلي بتكون نهايتها مؤبد
الجريمة الي سويتها ما كنت متخيل انها راح تنكشف
ما فكرت مني لي جدام شنو راح يصير فيني اذا انكشفت فعلتي
فكرة اني اتخلص من فراس منعني من التفكير بالمستقبل
سنين عمري الباجيه راح اقضيها بالسجن
دمرت حياتي ودمرت حياة الناس الي حولي
ندمت ؟ ف اي ندمت
بس مهما الندم راكبني من راسي لي ساسي
مارح يغير ندمي شي
مارح يرجع فراس
مارح يطلعني من المكان الي انا فيه
لو بقعد اندم مني لي دهر
مارح يتغير شي
بفعلتي هذي حرمت نفسي من الزواج
من اني اكون اب
بالوقت الي كنت العب مع ولد الجازي
تمنيت يكون لي ولد من لحمي ودمي
بس هالامنيه مارح تتحقق
استاهل ؟ ف اي استاهل
استاهل كل الي يصير معاي
منو انا ؟
منو انا عشان افكر اخذ روح انسان
وايد غاضب على نفسي لاني ما فكرت
ما فكرت بالنتايج
سمحت للشيطان يدمر حياتي
والشيطان المقصود انا
انا اسف بحق نفسي
لاني دمرت حياتي بيدي
ف اي وللمره المليون بقولها
استاهل
.
.
وعدت نفسها
بعد ما يتم سجني
راح تزور فراس لاول مره
الخوف متملكها من وجودها بالقبر
بس الي كان معطيها الامان
ابوها ابو فراس الي راح معاها
كانت عيونه تدور على الشاهد
وخلال ثواني بسيطه شافه
اتجهوا ل فراس
كانت هناي بعيونها الدمعه
بس مسكت نفسها
حاولت تبين انها قويه جدام ابوها
خاصه من بعد كلامه
شدت على اسنانها لتمنع دموعها تنزل
ابو فراس : سلام عليكم فراس تطمن كلنا بخير ولله الحمد بس مشتاقين لك وايد
لف وجهه لايمنه
مسح دمعته بطرف ابهامه
عباله ب هالحركة هذا هناي ما شافت دمعته
لكنها شافت وناطره اللحظه الي
ابوها يروح ويتركها مع فراس
عشان تقدر تنزل دموعها
كمل كلامه بعد ما مسح دمعته : اختك هناي الي سولفت عنها لك موجوده معاي
ابتسم رغم كسرت قلبه الي تحرقه : هذي اختك الي خذت حقك من الي ما يتسمى اختك الي كانت من زمان حابه تشوفك هذاهي جدامك
التفت عليها : بخليج مع اخوج من تخلصين دقي علي
اتجهه لسيارته والدموع الي مسكهم عشان لا ينزلون جدام هناي
عطاهم الضوء الاخضر للنزول
ونفس الحاله مع هناي
الي مجرد ما راح ابوها
سمحت لدموعها بالنزول
نطقت بنبرتها الحزينه والشوق هاللحظه الي كانت ناطرتها من فترة طويله
ما كانت تتخيل انه لقاءها مع فراس
بتكون بالمقبره ويكون هو تحت الارض : فراس ياخوي
حطت كفوفها على وجهها وبدت بالصياح
كملت كلامها وجهها تحت كفوفها : آخخخ ياخوي آخخخ ليت فكرة من زمان بلقاءك ليت ما اجلت لين ما اخلص دراسة ليت ليت ياخوي ليت
بعدت كفوفها من وجهها : تدري اني مشاقه لك على اني ما اعرفك بس اعرف انك اخوي بس حيل مشتاقه لك
اخذت نفس عميق : وعدت نفسي ازورك بعد ما ادخل سلطان السجن نجحت ياخوي نجحت وحالياً اهو محكوم عليه بالمؤبد خذيت حقك ياخوي يا روح اختك انت
ابتسمت : تصدق كنت مسويه قائمة بالاشياء الي كنت بسويها معاك
طلعت الورقة من جنطتها
حضنت الورقه ما قدرت تنطق من صيحتها وغصتها
كانت تنطق جم كلمة ويستوقفها دموعها : كنت اتخيل اقرا لك هالقائمة وانت تضحك علي وتقول لي تم على كل شي ما كنت اتخيل اني بقرا لك هالقائمة وانت تحت الارض
مسحت دموعها وهزت راسها بالنفي : بقراهم لك وبتخيلك تضحك لي
وفعلاً كانت تتخيل فراس يقولها تم على كل فعل تتمناه تسويه معاه
وكانت تبتسم كأنه فعلاً فراس جدامها
: ودي اروح معاك السينما بفلم من اختيارك
ودي العب معاك بلاستيشن وتكون اللعبه فيفا وانت تختار برشلونة وانا اختار مدريد عاد مالي شغل اذا كنت مو برشلوني انا مدريديه ومارح اخليك تختاره
ودي اروح معاك مطعم من اختياري وطبعاً انا الي اعزمك
ودي العب معاك كوره بس عاد ما اعرف احرس الكوره عاد انت شوي شوي من تلعب
ودي …..
ادركت المكان الي اهي فيه
ادركت انها هي بالمقبره مو بالصالة وفراس جدامها
ادركت انه كل الي تبي تسويه معاه مارح تقدر
طلعت التلفون من جنطتها
وعلى طول اتصلت على ابوها : يبا تكفى تعال اخذني ماني قادره والله تكفى
.
.
كانت تلعب مع فراس الصغير
اتجهت لها الجازي ونطقت بهدوء : قاعد مع ابوي مو ناويه تروحين ؟
هزت راسها بالنفي : لأ خليني العب مع حبيب خالته
قعدت : يا سمره ما ينفع لازم تروحين تشوفين شنو بقول وانتي قولي الي عندج ان كان رجعه قولي وان كان طلاق هم قولي ما يصير تخلين جي الريال ما يدري اذا بترجعين ولا خلاص
سمره بحده : اظن وجودي ببيت ابوي هو جوابي
قامت من مكانها
تقدمت لها
اخذت فراس من بين احضانها : اقول قولي لا يعصب عليج ابوي مادري منو الاخت الكبيره انا ولا انتي
عقدت حواجبها : شكو هذا ب هذا ؟
ВЫ ЧИТАЕТЕ
عقارب الساعة
Детектив / Триллерعندما يجتمع قلبان بوسط عادات وتقاليد قبيله من عاداتها تكون بنت العم ملك لولد عمها وهالعاده بتكون نهاية هالقلبين بسبب خباثة ولد العم عندما تكون عقارب الساعة سلاح للانتقام من ولد العم شخص واحد قدر يحطم علاقات كثيره اتمنى الرواية تنال على اعجابكم
