عقارب الساعة

الجزء الثالث

رغم رجفة ايدي الا اني كنت احاول امنع اذني من سماع هالصوت
لكن كل محاولاتي بادت بالفشل
لانه صوت عقارب الساعة كان عالي
زادت الدوخه علي وماهي الا ثواني واغمى علي
...

بالدور الاول كانوا البنات مجتمعين هناك ناطرين خبر منا
كانت الفرحه ماليا وجوههم
كانوا مشغلين اغاني بصوت واطي عشان لا ينزل الصوت عندنا
وقاعدين يرقصون ومن بينهم الجازي الي ما تدري شقاعد يصير
وقفت ثريا وهي عاقده حواجبها
انتبهت عليها وصيف
نطقت وهي ترقص ب ايدها : شفيج وقفتي ؟
تركت وصيف واتجهت بخطوات سريعه وسكرت الاغاني
التفتوا عليها البنات وتساؤلوا ليش سكرت الاغاني
وقبل لا تنطق ثريا الكل سمع صوتنا
صوت الهواش الي قاعد يصير تحت من بعد ما رفضت يتم هالزواج
تملكهم الخوف وخاصه الجازي
لاحظت امي صوتي من بين الاصوات كلها:هذا جنه صوت ولدي سلطان !!
ولاحظت الجازي صوت فراس:وفراس بعد صار شي اكيد سلطان سوه شي
طبعاً امي سمعت ب اسمي والاكيد بتدافع عني:بس هو موافق على الزواج على اي اساس يسوي شي ؟
طبعاً امي ما تدري اني من زمان مخطط اني ارفض زواجهم عشان جي حبيبة قلبي قاعده تدافع عني
الجازي ما ردتت على امي لانه لو شنو ما تقول بتدافع لانه صج ما كانت تدري ولا احد كان يدري اني برفض
اتجهت الجازي ل وصيف وطلبت منها تدق على سهيل وتعرف منه شنو صار
وفعلاً دقت عليه لكن ما كان يشيله
طلبت منها تدق عليه بعد مره وهم ما شاله
اكيد مارح يشيله الريال لاهي بلي قاعد يصير
تقدمت الجازي من ديبا وطلبت منها تدق على وسام
ديبا هذي اختي وحبيبة قلبي
دقت على وسام وشاله بس ما قدرت تقول كلمه
كل الي قاله بعدين اكلمج وسكره
الجازي :شنو ما شاله ؟
ديبا:امبلا بس قال بعدين اكلمج
امي : شنو كنتي تسمعين غير صوت زوجج ؟
ديبا : مادري يمه ما مداني اركز بالاصوات قال جملته وسكرته
ام فراس بخوف : شلون يعني بتم جي قاعدين ما نسوي شي ؟
زوجة عمي : يختي شنسوي اكيد في رياييل تحت فشله ننزل
الجازي بنبره شبه عاليه : اذا انتو تتفشلون تنزلون انا راح انزل
مسكت سمره الجازي من ايدها : انتي مينونه شلون تنزلين وانتي جي عالاقل يمه انتي وخالاتي نزلوا
بعدت الجازي ايدها ونطقت بحده : امي تقول فشله ننزل وشكله لا خالتي ام فراس ولا ام سلطان بسوون شي ف انا الي راح انزل
زوجة عمي : عالاقل تستري بالعباية
ما سمعت كلام زوجة عمي ونزلت
الفضول والخوف لاعبين فيها
تبي تعرف شلي قاعد يصير
شلي قاعد يصير باليوم الي المفروض تفرح فيه لانها راح تملج على الشخص الي تحبه ويحبها
دخلت علينا الصالة وشافت فراس يتهاوش معاي والكل يحاول يهدي بينا

انتبهه عليها اخوها وسام
اتجهه لها بخطوات سريعه : انتي شقاعده تسوين اهني روحي روحي
الجازي بحده : ما اروح مكان لين ما اعرف شلي قاعد يصير
التفت وسام علينا بعدها وقف جدام الجازي عشان يغطيها من الضيوف : الجازي لا تخليني اعصب روحي وانا الحين الحقج واقولج شقاعد يصير
هزت راسها بالنفي : ابي اعرف الحين ماقدر اتحمل ابي اعرف ليش اسعد يوم بحياتي يبلش بهواش بين سلطان وفراس شلي صار
عرف وسام انه الجازي مارح تصعد لو شنو ما قال لها
ما كان عنده حل الا انه يطلب من الضيوف يمشون
بس قبلها شال غترته من راسه وغطى فيها الجازي
بعدها راح للضيوف وطلب منهم يمشون بسبب مسئله العائله الي صارت
بعد ما راحت الضيوف
شالت الغتره واتجهت لهم
تكلم ابوي بصوت شبهه عالي : بسسسسس خلاص استحوا على ويهكم فشلتونا جدام الناس
فراس بعصبيه : انا فشلتك ياعمي ولا ولدك الي فشلنا من غير رايهه
اهني عرفت الجازي الي صار
كانت بحالة صدمه لدرجه ما قدرت تقول شي
فراس بقهر : عمي يعني يرضيك الي سواه ولدك ؟ اهو من اخذ الفلوس قال انه موافق ليش الحين غير رايهه ؟
ابو فراس : صح يا ابو سلطان الي قاعد يصير ما ينسكت له
طالعني ابوي بنظرات غضب ونطق بعصبيه : سلطان ليش غيرت رايك ؟
نزلوا باجي الحريم والبنات للصالة
بالوقت الي كنت بفجر فيه قنبلة
تكلمت بعصبيه : الكل معصب علي عشاني ليش رفضت بعد ما قلت اني موافق بس مو لازم تعرفون ليش انا رفضت شنو ممكن يكون مسوي فراس الي يخليني ارفض
فراس بكل ثقه : شنو مسوي ممكن اكون مسوي شي وانا مادري لاني عارف نفسي عدل ما سويت شي وانت لانك نذل والحقاره تمشي بدمك قمت رفضت بعد ما خذيت لفلوس انت كان همك انك تذلني بس عشان اخليك توافق على هالزواج
ضحكت بخفه : انت اول اسمع انا شنو بقول بعدين قول الي تقوله
عمي بعصبيه: سلطان تقول الي عندك ولا شلون ؟ 
هزيت راسي بالايجاب : تمام عمي بقول بس في ضيفه ناطره برا ما يصير اخليها تنطر كل هالوقت
رحت وفتحت باب البيت
واشرت لها تيي
نزلت من سيارتها واتجهت بخطوات هاديه
دخلت البيت وانظار الكل عليها
ب استغراب
ابوي:سلطان شلي قاعد تسويه ؟
نطقت : يبا انت كنت تبي تعرف ليش انا رفضت بعد ما كنت موافق عدل ؟
ابوي بطولة بال : عدل اخلص !
اشرت على البنت : هالبنت الي جدامي
بعدها بعدت ايدي واشرت على فراس:تكون حبيبة فراس الي كان بيتزوج بنت عمي
دخلت البيت وانظار الكل عليها
ب استغراب
ابوي:سلطان شلي قاعد تسويه ؟
نطقت : يبا انت كنت تبي تعرف ليش انا رفضت بعد ما كنت موافق عدل ؟
ابوي بطولة بال:عدل اخلص !
اشرت على البنت ..