كانت ب مستودع
وكان داخل المستودع في غرفة
وهالغرفة الي انا فيها
كان في كاميرا تراقبني
ولي كان برا الغرفة
وقاعد يراقبني بالشاشة بعد ما اغمى علي
اهو ابو فراس
رن تلفونه
بعد نظره من الشاشة ل تلفونه
كان المتصل وسام
شال تلفونه من على الطاولة ورد عليه : الو
وسام : عمي انا عند باب المستودع
ابو فراس : يلا الحين اخلي هناي تفتح لك الباب
بعد التلفون من اذنه ونطق : وسام وصل روحي فتحي له الباب
قامت من على الكرسي واتجهت للباب
فتحته له
وسام : سلام
هناي : وعليكم السلام
اتجهه ل ابو فراس : سلام عمي
ابو فراس : وعليكم السلام شلي قاعد يصير هناك ؟
وسام : قاعد يبحثون عنه والصراحة حاس انهم بيروحون للشرطة
ابو فراس : الشرطة مارح تسوي شي الا اذا مر ٢٤ ساعة على اختفاءه
وسام : زين تلفونه وينه ؟
هناي : عندي بس من اغمى عليه شلت الشريحة وحذفتها من الدريشة
وسام : اي زين
ابو فراس : الجازي وينها ؟
وسام : عندنا خذيتها معاي على اي اساس تتم ببيت عمي وسلطان مو موجود
ابو فراس : انت الحين اخذ هناي رجعها للفندق ودايركت ارجع للبيت لحد يحس بغيابك
وسام : ان شاءالله بس سلطان الحين شقاعد يسوي ؟
اشر على الشاشة : هذا هو من سمع صوت عقارب الساعة اغمى عليه
ابتسم : قلت لك عمي عنده فوبيا من صوت عقارب الساعة مارح يتحمل يسمع الصوت
ابو فراس : كنت اعرف انه واهو صغير ما يحب يسمع صوت عقارب الساعة بس ما توقعت اخذ هالخوف لي الكبر
هناي : شنو سبب خوفه من صوت عقارب الساعة ؟
وسام : حسب الي اذكر انه كان في واحد بالمدرسة يتنمر عليه ودايم يمسكه من ياقته ف كان يلبس ساعة ومن يمسك سلطان من ياقته تكون الساعة قريبه من اذن سلطان
ابو فراس : من بعد الي صار معاه صار كل ما يسمع صوت عقارب الساعة يذكر الي صارله بس للامانة ما توقعت للحين يخاف
وسام : ولا انا بس طلع للحين
ابو فراس : خلاص انتو روحوا انا اهني بقعد اعذبه ب هالصوت من يقعد
وسام : تمام
اتجهوا للباب
التفت وسام ل ابو فراس : عمي تعال سكر ورانا الباب
ابو فراس : يلا الحين
طلعوا من المستودع
قبل لا هناي تركب السيارة
نطقت : بالمناسبة انا هناي
وسام ب احراج : السموحة ما عرفتج على نفسي انا وسام اخو الجازي
هناي : تشرفت بمعرفتك
وسام : وانا بعد
...
صار الضحى وللحين مافي اي خبر عني
امي بغرفتها طول اليوم تبجي لين ما نامت
ابوي واخواني ما قدروا ينامون وانا للحين مافي خبر عني
كان ابوي وذياب قاعدين بالصالة
دخل عليهم منصور
قعد بالجلسة بعصبيه : مو موجود كأنه الارض انشقت وبلعته
ابوي بنبرة حزن : مالنا غير ننطر لين ما يمر على غيابه ٢٤ ساعة ونروح نبلغ الشرطة عن اختفاءه
ذياب : يبا شنطرنا لين ما يمر ٢٤ ساعة هل نروح الحين ونجرب حظنا
ابوي : يا ولدي مارح يتحركون اذا ما مر على غيابه ٢٤ ساعة
منصور : يبا انا اعرف منو ممكن يكون له مصلحة ب اختفاء سلطان
ابوي : منو ؟
ذياب : منو يعني ؟
منصور : وين امي ؟
ابوي : نايمه اخلص قول منو ؟
منصور : شاك بواحد ومتأكد انه اهو
نطق ابوي بعصبيه : اخلص قول منو ؟
منصور : ابو فراس
توسعت عيون ذياب بصدمه : انت شلي قاعد تقول ما لقيت غير ابو فراس وبعدين شلي يخليك تتوقع انه اهو
منصور : انا مو متوقع انا متأكد انه اهو
ابوي بغضب على منصور : انت يا تتكلم يا تسكت وما تقول شي
منصور ب استغراب : هو يبا ليش ؟
ابوي : يا تقول الي عندك من غير لف ودوران يا انطم
منصور : يبا تبيها من الاخر ؟
ابوي : اي ؟!
منصور : انا مادري اذا ابو فراس يعرف الي انا اعرفه بس يبا …
التزم الصمت
ذياب بحده : اخلص منصور لا تنرفز ابوي
منصور : مو قاعد انرفز ابوي بس شلون اقوله
ابوي بنبره شبهه عاليه : تكلم يا ولد
منصور : يبا سلطان اهو الي قتل فراس
توسعت عيونهم بصدمه من الي سمعوه
هز ذياب راسه بالنفي : مستحيل انت شقاعد تقول مستحيل اهو كان بالسينما والشرطة اثبتت هالشي مستحيل شنو وين احنا قاعدين !!
هز ابوي راسه ب عشوائية : رد على اخوك الشرطة اثبتت انه كان بالسينما شلون اهو ؟
منصور بغصه : يبا سلطان بنفسه اعترف لي
ابوي بعدم تصديق وبنبره عاليه: لا تجذب
ذياب ب انفعال : يعني صديقي الي طاح على احضاني والدم غارقه سببه سلطان يعني سلطان اخذ منا فراس ما اصدق ومثل ما قال ابوي لا تجذب لا تستغل غياب سلطان وتتهمه بشي اهو ما سواه
منصور بعصبيه : استح على وجهك انا الحين استغل غيابه واتهمه بشي اهو ما سواه ؟
ابوي بعصبيه : خلاص بس وانت قول سلطان شنو قالك ؟
منصور : تمام بعد ملجته بجم يوم دق علي كنت توني راجع من الدوام وداش البيت سألني ويني قلت توني داخل البيت
قال اطلع من البيت روح لمكان هادي انطرني بالسيارة ودز لي اللوكيشن
YOU ARE READING
عقارب الساعة
Mystery / Thrillerعندما يجتمع قلبان بوسط عادات وتقاليد قبيله من عاداتها تكون بنت العم ملك لولد عمها وهالعاده بتكون نهاية هالقلبين بسبب خباثة ولد العم عندما تكون عقارب الساعة سلاح للانتقام من ولد العم شخص واحد قدر يحطم علاقات كثيره اتمنى الرواية تنال على اعجابكم
