عقارب الساعة

الجزء 17

وصيف : ارجع قول الكلام الي قلته
ذياب بنبره شبهه عاليه : انا وثريا تزوجنا
جمعت اصابعها بقبضة ايدها ونطقت : تزوجتها من غير علمنا يا ذياب هااا قدرت تلعب بعقلها وتزوجتها …
قاطعتها ثريا ونطقت : وصيف اهدي …
تجاهلت وصيف كلام ثريا ونطقت : انت لو ريال جان ما تزوجتها من غير علمنا
ذياب طلع عن طوره بعد الكلمة الي قالتها ونطق : شوفي انا ساكت لاني معطيج الحق بس انج تقللين من رجولتي لا عاد ما اسمح لج
وصيف : وشنو …..
قاطعها ونطق بنبره شبه عاليه : اسمعيني لا تقاطعيني هالريال الي مو عاجبج اخذ شور ابوج قبل لا يتزوج اختج
عقدت حواجبها وهي تهز راسها بالنفي : مستحيل ابوي يوافق على زواجكم من غير لا يقول لنا مثل ما قال لنا عن زواج فراس والجازي
ذياب : في فرق بينا وبينهم الجازي وفراس الكل كان يدري عن حبهم وكانوا بيتزوجون اما انا وثريا محد يعرف عن علاقتنا غيرج
وصيف بقهر : ودام بس غيري ليش ما عطيتوني خبر ابوي مستحيل ما يقول ما اصدقكم
ثريا : والله العظيم انه ابوي له علم بكلشي قعدي واهدي عشان نقولج كلشي
قعدت على طرف السرير : يلا قعدت قولوا الي عندكم
…
من قبل يومين
كانت ثريا طايره من الفرحة
لانها بتتزوج ذياب
راحت لبيت ابوها واخذت اثباتاتها
وجم غرض لها واتجهت ل ذياب
والفرحة مو شايلتها
بكل حماس نطقت : يلا انا جاهزه خل نروح
ذياب بنبره هاديه : ثريا انا ماقدر اتزوجج من غير علم احد
انطفى حماسها بعد الي سمعته
ونطقت بنبرة حزن : شنو يعني غيرت رايك ؟ ودامك بتغير رايك ليش وافقت من الاساس ؟!
ذياب : يقلبي انتي ما غيرت رايي ولاشي بس ما ابي اطيح من عين ابوج ، شوفي والله راضي اطيح من عين ابوي بس اطيح من عين ابوج صعبه علي
ثريا بغضب : لا تعطي اعذار قول ما ابي …
قاطعها : ياربي لا تخليني اعصب عليج فهمي اول شنو ابي اقول سمعيني بالاول
ثريا : شنو بتقول اكثر من كلامك هذا
ذياب بصبر : حبي لا تخليني اعصب خليني اتكلم
ثريا من غير نفس : يلا تكلم
ذياب : دقي على ابوج الحين وقولي له انج انتي بروحج رايحه البحرين وطلبي منه يلحقج واذا سأل ليش قولي له من توصل البحرين راح اعلمك على كلشي
ثريا : وانت ؟
ذياب : انا بكون معاج حبي بس ما ابيه يعرف عن تواجدي معاج الا من يوصل البحرين
ثريا : زين وبعدين ؟
ذياب : بعدين عاد انا بقوله عن علاقتنا وعن رغبتنا بالزواج

وفعلاً صار مثل ما خطط له ذياب
دقت ثريا على ابو فراس
وطلبت منه يلحقها للبحرين
قبل لا يرجع لمصر
ومن وصل لمكان اللقاء
ولي هو غرفة بأحد فنادق البحرين
تفاجىء وانصدم بوجود ذياب
وطلب منهم مبرر على تواجده معاها بنفس الغرفة
وسبب طلبها تشوفه بالبحرين
وكان ب امكانها تشوفه بالكويت
ذياب : عمي راح نفهمك على كلشي بس لا تتم واقف يم الباب تعال اقعد وانا راح اقولك على كلشي
وبدا ذياب يقول ل ابو فراس عن مشاعره وحبه ل ثريا
وشلون مستعد يواجهه الكل عشانها
وشلون بخليها سعيده
ومن هالكلام الي كان ولد يقوله لابوي البنت
انصدم بالبداية من عرف عن علاقتهم
وانصدم اكثر من عرف انهم بالبحرين عشان يتزوجون
لكن بعد كلام ذياب معاه
وبعد تفكير وافق على زواجهم
وتزوجوا بحضور ابوها
…
الان
ثريا : ابوي طلب منا ما نقول لاحد على ما تمر الايام على خير
قامت وصيف ونطقت بقهر : حتى لو حتى لو بس ما تتزوجون من غير ما اعرف واكون موجوده يكفي فراس تزوج وما كنت معاه والحين انتي تزوجتي ذياب وانا ما كنت معاج ليش مو مكتوب لي افرح فيكم مثل ما انتو فرحتوا فيني
دخلت عليهم
ومصدوم من الكلام الي سمعته
ونطقت وانا حدي معصب : شلي سمعته انا ؟؟!!
سحبت ثريا الكمبل وسترت نفسها
ذياب : زين خل ننزل تحت على ما ثريا تغير ملابسها
رفضت اني انزل قبل لا اعرف شلي قاعد يصير
نطقت ولا زلت معصب : ماني طالع لين ما افهم شلي قاعد يصير
ذياب ب اصرار : سلطان والله راح افهمك كلشي بس خل ننزل على ما ثريا تغير ملابسها
طلعت من الغرفة متجهه لتحت
وطلب ذياب من وصيف انها تنزل
عشان لا ترجع وتعصب على ثريا
نزلنا كلنا تحت عشان ثريا تغير ملابسها
نطقت : يلا نزلنا ما تقولي شالكلام الي سمعته ؟
ذياب ب استغراب : وانت ليش ياي الشاليه ؟؟؟ انا طالب منك ما تيي !
نطقت : هذا الحين الي هامك
هز راسه بالايجاب : الصراحة اي دخلتك علينا كأنك عارف شي
نطقت : اي في احد دق علي وقال شوف اخوك ذياب مع منو بالشاليه وسكره ومن رجعت دقيت عليه بعد ما سكره طلع لي انه سكر تلفونه
بعدها ربطت الاحداث ليش انت قلت لحد فيكم يطب الشاليه ربعي عندي وهالمكالمة الي احد شافك مع وحده اكيد ولا ليش يدقون علي يقولون لي هالكلام
الشك لعب فيني وجيت اشوف شلي قاعد يصير بالشاليه ارتحت الحين وعرفت شلون عرفت