دخل عليها الغرفة
شافها قاعده تتجهز
والدموع بوسط خدها
اقترب منها
سحبها من ايدها
لطرف السرير قعد
وطلب منها تقعد
قعدت وهي تمسح دموعها بكفها
رفع صبعه الابهام ومسح ما تبقى من دموعها : عشان سلطان ؟
هزت راسها بالايجاب
ومجرد ما نطق اسمي
تسارعت عيونها بنزول الدموع : ابي اروح عند امي
وسام : روحي مارح امنعج بس يقلبي انتي انتي منهاره من جهه وخالتي من جهه شلون بتستمد القوة منج وانتي هذي حالتج
نطقت بغصه : ماقدر والله ماقدر حاولت اكون قويه وما اسمح لدموعي تنزل بس اخوي مختفي وسام مختفي ما ندري عنه شي
سحبها ل احضانه
غمض عيونه وهو ياخذ نفس عميق. ويزفره
يعرف مكاني
يعرف بالحاله الي انا فيها
بس ماقدر حتى يطمنها اني بخير
ما قدر يقولها انا اعرف منو خطفه
ولا يقدر يعترف انه كان مشارك بالخطط الي تنفذت ضدي
عنده يشوفها تتألم على اختفائي
ولا انه يخسر الجازي
من يعترف لها
عنده انه ياخذ حق الجازي مني الي حرمتها من فراس وانهيت حياته افضل من دموع ديبا
بعدها من بين احضانه
والشي الوحيد الي قدر يقوله لها
انهم راح يلقوني
رفع كفوفه وحضن وجهها : صدقيني حاس انه راح نلاقي سلطان لا تفقدين املج ب ربي
نطقت بنبرة حزن : راح يكون بخير ؟
ابتسم واهو من داخله يتمنى العكس : بكون بخير
اي نعم انا ولد عمه
وعلاقتنا كانت وايد قويه
بس علاقته ب فراس كانت اقوى
والشي الي سويته ما يغتفر
لدرجه انه صار يتمنى انه ما اكون بخير
وما الومه انا لو كنت مكانه بفكر ب هالطريقة
وسام : اذا تبين تروحين عند خالتي اوديج لها
هزت راسها بالنفي : لا ابي انام ما ابي افكر ابي من اقعد اشوف سلطان رجع
نطق وسام بين نفسه : اخخخخ يا ديبا لو تعرفين هالاخ الي تبجين عليه اخذ روح فراس انهى شبابه بيده وعاش حياته ولا كأنه قتل روح
طول ما انا بالغرفة
بالوقت الي ما يكون صوت عقارب الساعة مفتوح
افكر اذا اهلي عرفوا انا شسويت
هل راح يبجون علي من ادخل السجن ؟
ولا بيقولون يستاهل دمر مستقبله من قتل فراس ؟
بيوقفون معاي ولا ضدي ؟
راح يكرهوني مثل ما وسام كرهني ؟
الف سؤال يخطر على بالي
بوجودي داخل هالغرفة
وللاسف ما اعرف اجوبة هالاسئلة
.
.
دخل الغرفة
وكان كل الي محتاجه حضن منها
ينسيه الي عاشه من شوي
كانت واقفه عند التسريحة
شافته من المنظرة " المرايا " يقترب منها
وعرفت انه راح يحضنها من الخلف
من اقترب منها ورفع ايدينه
عشان يحاوطها
بحركة سريعه وبخوف متملكها ابتعدت عنه
استغرب من فعلتها
ومن خوفها الي باين على ملامحها
نطق بتعجب : انتي من متى تبتعدين عني ؟ وليش هالخوف ؟
سمره : وتسأل ؟ بعد الي سويته وتسأل ؟!
منصور : قلبي انا …
قاطعته بنبرة غضب : لا تبرر فعلتك ما ابي اسمع منك شي
منصور : لازم تسمعيني
سمره : اسمع شنو وانت رافع ايدك على ثريا شسمع فعلتك ما تحتاج تبرير
منصور : تحتاج والله سمعيني
سمره ب اصرار على عدم سمعه : مابي اسمع منك شي
منصور الي كان عند اصراره على شرح الي صار : كل الي ابيه منج خمس دقايق تكفين سمعيني
بعد اصراره قررت تسمع منه شنو يبي يقول
منصور : ادري انه زوج خالتج بس اسمحيلي اقولج اني كنت شاك فيه انه اهو الي خطف سلطان ….
ما تحملت تسمع اكثر من جي
نطقت ولا زالت معصبه : ماهو مبرر منصور ماهو مبرر شنو ذنب ثريا والله شنو ؟ شاك ب ابو فراس انه يكون اهو الي خاطف سلطان تقوم تخطف بنته !!!
اوكيه خطفت بنته عشان تهدده فيها
ويقولك وين مكان سلطان اذا طلع فعلاً اهو خاطفه مثل ما تقول بس هذا ما يعطيك الحق انك تضربها
منصور بنبره هاديه : والله كنت مقهور وخايف على اخوي
هزت راسها بالايجاب : اهاااا شلون بحس بالامان معاك بعد الي صار شلون ….
ما عجبه الكلام الي قالته
خاصة من قالت " شلون بحس بالامان معاك "
ونطق : لا سمره لا تجرحين قلبي ب هالكلام من يوم ما تزوجنا شفتي مني شي ؟ في يوم غلطت عليج ؟ في يوم مديت ايدي عليج ؟
سمره : لا ما شفت منك الا كل خير بس الحين ماقدر والله ماقدر احط راسي بالمخده وانت معاي شلي يضمن لي ما ترفع ايدك علي من تكون مقهور وخايف من شي
منصور بحده : لا لا يا سمره لا جم سنه واحنا مع بعض ياما عشت ايام سيئه شفتي شي مني ؟ انتي زوجتي وحبيبتي قبل لا تصيرين بنت عمي
سمره بغصه : انا اسفه منصور بس هذا الي عندي حالياً اتركني بحالي ممكن ؟
استوطنت قلبه الضيقه
ما يبي يخسر سمره على شي سواه
بلحظه غضب وقهر
كان يبي يتكلم ويتأسف
ويحاول يفهمها الشي الي يحس فيه
بس الخوف كان مسيطر عليها
لدرجه انها ما تبيه حتى يلمسها
نفذ طلبها وطلع من الغرفة
YOU ARE READING
عقارب الساعة
Mystery / Thrillerعندما يجتمع قلبان بوسط عادات وتقاليد قبيله من عاداتها تكون بنت العم ملك لولد عمها وهالعاده بتكون نهاية هالقلبين بسبب خباثة ولد العم عندما تكون عقارب الساعة سلاح للانتقام من ولد العم شخص واحد قدر يحطم علاقات كثيره اتمنى الرواية تنال على اعجابكم
