راحت له الشاليه
وهي مو عارفه شنو مصير علاقتهم
راحت على امل تسمع كلام يسر خاطرها ويفرح قلبها
تم على وصولها خمس دقايق
لا اهو تكلم ولا اهي تكلمت
كان الصمت سيد الموقف
كانت تفكر شنو تقوله
شلون تفتح معاه الموضوع
او شنو صيغة السؤال الي بتطرحه عليه عشان يجاوب
اما هو الي كان يفكر شلون يفتح معاها الموضوع
خاصة بعد القرار الي فكره فيه عدل
رغم انه يفكر شلون يقولها شنو فكر فيه
الا انه خايف من ردتت فعلها
مرت خمس دقايق زيادة
ولا زال الصمت سيد الموقف
قررت هي الي تتكلم وتقوله
" انزين وبعدين ؟ "
وهو قرر يتكلم ويقولها
" لقيت الحل "
ومن قرروا يتكلمون
تكلموا بنفس الوقت
تقاطعت كلماتهم مع بعض
وانتج عالتقاطع
ضحكات خفيفه بينهم
تهربت ثريا من الاسئلة الي كانت عالقه براسها
وطلبت منه هو يقول اول
ونفس الشي ذياب
قعد يطلب منها هي تقول اول
خوفاً من الاجابة الي راح يسمعها
بعد اصراره عليها انها تقول اول
عرفت انه خلاص لي متى بتقعد تتهرب
حست انه هذي فرصة تسأل كل الي بخاطرها
واول سؤال كان
انت عاجبك الوضع الي احنا فيه ؟
هز راسه بالنفي ونطق : هذا حال واحد عاجبه الوضع ؟
ثريا بعدم فهم ذياب : تكفى فهمني لاني بلشت احس انه فيك انفصام
رفع حواجبه : اوووف انفصام مره وحده !!
ثريا : اي يا ذياب انفصام
ذياب : ليش انفصام ؟ ليش ما يكون انا مو عارف شنو ابي ؟
حطت كفوفها على صدرها ونطقت : انا مو لعبه يا ذياب كل ما تبي تكون قريب مني تيلي ومن تبي البعد تبتعد من غير لا تقول كلمة
ذياب : انا مو قاعد العب فيج…
قاطعته ب انفعال : احبك ؟ ف اي احبك بس هذا ما يعني اني بكون راضيه تسوي فيني جي
ذياب : انزين اول شي ابيج تهدين ثاني شي ابيج تقولين كل الي بقلبج
حتى لو كنتي قايله لي هالكلام مو مشكلة قوليه مره ثانيه
ثريا بحيره ولا زالت مو فاهمه ذياب : انت شنو تبي ؟
ذياب بنبره هاديه : ابي اسمعج
تنهدت بعمق : اوكيه تبي تسمع ف اسمع …..
التزمت الصمت
ماهي عارفه شنو تقول
او من وين تبدي
ذياب : اسمعج قولي
قررت انها ما تفكر شنو تقول
بعد ما فكرت ب اول جملة
راح تقول هالجمله
وباجي الكلام بيطلع من نفسه
نطقت بغصه : انت ليش قاعد تلعب ب مشاعري ؟
التزم الصمت
ما كان حاب يقاطعها حتى لو كانت تسأله وناطره الاجابه
يبيها تطلع كل الي بقلبها
نطقت ولازالت الغصه فيها : كنا مخططين نتزوج قلت عندي دين قلت ما عليه نطري
بعدها صار موضوع فراس والجازي واجلنا لبعد ما نخلص منهم
قلت اوكيه احسن بعد تكون انت سددت ديونك وبجي نقدر نتزوج
صار الخلاف بين اخوانا وقررت من نفسك انه تتركني
ابتسمت بقهر : وانا اضطريت اني اوافق على هالانفصال
تحول نبرة صوتها لغضب : انت من كيفك تقرر ننفصل يلا وانا اقول خلاص يبي الانفصال اكيد مو مرتاح معاي ترجع تقول خل نرجع واقول اوكيه
جمعت اصابعها بقبضة ايدها
ونطقت : انت من يبت وقلت خل ننفصل ما فكرت شنو رايي ؟؟
او ما فكرت شنو ممكن يصير فيني ؟
طبعاً لا شنو كان تفكريك حزتها
الخلاف الي بين فراس وسلطان وانه ممكن خلافهم يكون ضد علاقتنا
كملت كلامها بنبره شبهه عاليه : قلت اوكيه يمكن معاه حق على اني ما كنت اشوف في اي حق قعدت اناقض نفسي
ضربت ايسر قلبها بقبضة ايدها : قلبي يقول يا ثريا اكيد معاه حق
رفعت صبعها السبابه ل راسها ونطقت : وعقلي يقول شنو الحق الي معاه من تركج عشان خلاف اخوانكم
بعدت صبعها السبابه ووجهته عليه : انت يا ذياب خليتني افكر شنو من حق الي كنت انت تشوفه وانا ما اشوفه
قعد افكر وافكر وافكر لين ما كان راسي يصدع
وبالنهاية قدرت اقنع نفسي بوجهة نظر واخلي الحق معاك
انت اخو سلطان .. سلطان الي عذب قلب اخوي ولعب ب اعصابه وبمشاعره
من كان يوافق بعدين يرفض لدرجه
نطقت بنبره عاليه : لدرجه دخل وحده البيت بيوم الملجه وقال هذي لها علاقة فيه اتوقع ذاااكر
التزمت الصمت لثواني وبعدها نطقت بنبره هاديه : تخيلت انك جيت وخطبتني من اهلي قلت يمكن فراس يرفض وينتقم من اخوك فيك
ضربت قبضة ايدها على الطاولة : بس فراس مو جي يا ذياب كان راح يوافق لانه لا انا ولا انت لنا ذنب بلي سلطان يسويه
تألم قلبه عليها وهو يشوف انفعالاتها وقهرها الي مكبوت بداخلها من شهور
نزلت دموعه عليها
وكان من داخله يدعي على نفسه
لانه هو السبب الي وصلها ل هالحاله
ثريا : عزلت نفسي مع مسلسلاتي وافلامي
ابتسمت بقهر : عاد اكتشفت افلام ومسلسلات عجيبه اذا تبي راح اعطيك
ابتسم على ابتسامتها
وما يدري انه ابتسامتها طالعه من قهر
ثريا : كنت من اطالع شي احط تلفوني بحضني خاف تكلمني فأرد عليك بنفس الثانيه بس بذيك الفترة
كنت تاركه تلفوني وحاطته صامت لانه الشخص الي كنت اهتم اني ارد عليه بنفس الثانيه مو موجود
YOU ARE READING
عقارب الساعة
Mystery / Thrillerعندما يجتمع قلبان بوسط عادات وتقاليد قبيله من عاداتها تكون بنت العم ملك لولد عمها وهالعاده بتكون نهاية هالقلبين بسبب خباثة ولد العم عندما تكون عقارب الساعة سلاح للانتقام من ولد العم شخص واحد قدر يحطم علاقات كثيره اتمنى الرواية تنال على اعجابكم
