كنت قاعد العب فراس
وفجأه قعد يبجي
وبنفس الوقت رن تلفوني
قعدت انادي على الجازي
بس الاخت كانت سرحانه وبالها مو معاي
ناديت مره مرتين ثلاث يلا سمعتني
نطقت : شفيج قاعده اناديج
استغربت من ردتت فعلها
فزت من كنت قاعد اناديها
وفجأه توسعت عيونها
هزت راسها ب عشوائية وهي تنطق بتمتمه : ممممافيني شي
نطقت بعدم اهتمام لوضعها
لاني كنت بس ابيها تاخذ ولدها واشوف منو الي يدق علي
نطقت : زين اخذي ولدج قاعد يبجي
اخذته من بين احضاني
توني ياي اطلع تلفوني من جيبي
جان يسكت فقلت اشوف بعدين منو داق
صج بالبداية ما كنت مهتم
اعرف الجازي شفيها
بس سالفة انه ولدها يبجي وما تسمعه
اهي موجوده معانا بس بالها مو معانا
فقلت دام تلفوني سكت
خل اسألها للمره الثانيه شفيها
ردتت علي من بعد ما سألتها ب
( تعبانه )
نطقت : من شنو تعبانه ؟ تبين اوديج الطبيب ؟
هزت راسها بالنفي : مو من صجك طبيب مره وحده تعبي اهو من قلة النوم
نطقت : اها اي طبيعي مارح تقدرين تنامين وانتي عندج طفل ب هالعمر
التزمت الصمت لثواني وبعدها نطقت : ديبا وصارت عندكم بالوقت الي تبين ترتاحين فيه خلي فراس عندها مارح تقول شي
الجازي : لا مابي اتعبها انا اهتم فيه
نطقت بحده : وعشان تهتمين فيه لازم تكون صحتج تمام عشان تقدرين تهتمين فيه مو من شوي مسكين قاعد يبجي وانتي بالج مو معاه
الجازي : لانك انت معاه عشان جي بالي ما كان معاي بس من نكون بروحنا بالي وعيوني عليه
نطقت : تمام انا راد البيت تبين شي ؟
الجازي : لا
طلعت من الغرفة متجهه للصالة
كانت عيوني تدور على ديبا
ما شفتها شفت زوجة عمي قاعده
نطقت : سلام خالتي
زوجة عمي : وعليكم السلام انت توك ياي ؟
نطقت : لا خالتي صارلي فترة اهني بس كنت عند الجازي الا خالتي ما شفتي ديبا ؟
زوجة عمي : من شوي كانت عندي وقالت انها بتصعد لغرفتها
نطقت : تمام عن اذنج بروح اشوفها
زوجة عمي : زين من تروح تشوفها رد للصالة وخلك قاعد لوقت الغدا تغد عندنا وبعدين روح وين ما تبي
ابتسمت : ان شاءالله
تركت زوجة عمي بالصالة
واتجهت ل ديبا بغرفتها
دخلت بعد ما طقيت الباب
وسمحت لي اني ادخل
ديبا : تعال ياخوي
نطقت وانا واقف : اول شي شلونج ؟
ديبا : الحمدلله
نطقت : شلون امورج مع وسام ؟
ديبا : الحمدلله كلشي تمام
نطقت : الحمدلله الله لا يغير عليكم يارب
ابتسمت : امين
نطقت : سمعي طلبتج طلب وما ابيج ترديني
ديبا : آمر
نطقت : لا تتركين الجازي بروحها ساعديها من تشوفينها تعبانه اخذي ولدها خليها ترتاح
توسعت ابتسامتها : تخاف عليها ؟
نطقت : اكيد
ديبا : حبيت اهتمامك فيها هذا اثبت لي انك تحبها
ابتسمت لها وبعدها نطقت : انا بروح اقعد بالدوانية لاني غداي اليوم عندكم تمام
ديبا : تمام
طلعت من الغرفة بعد ما توهقت
اهتمامي بالجازي مو لاني احبها
لاني اصلاً ما احبها
بس حرام انها قاعده تتعب مع ولدها
اتجهت للدوانية
فتحت الباب ما كان في احد موجود
دخلت جان اذكر انه في احد دق علي
طلعت تلفوني من جيبي وقعدت
فتحته عشان اشوف منو داق
الرقم مو مسيف عندي
بغيت اتجاهل هالاتصال
بس تذكرت اني معطي رقمي ل هناي
عدلت قعدتي
ومجرد ما فكرت انه ممكن تكون اهي الي داقه علي
فز قلبي وبدا نبضات قلبي تصير سريعه
اخذت نفس عميق وزفرته
دقيت على الرقم الي كان داق علي
ياريت بس قلبي الي كان يدق بسرعه
المشكلة اني توترت
كنت ادعي تكون اهي وبنفس الوقت لأ
ابي تكون اهي لانه البنت دخلت مزاجي
ومابي تكون اهي لانه دقات قلبي سريعه
لما اقول سريعه ف حرفياً سريعه
ويمكن ما اتحمل من تطلع اهي
قاعد يرن ومافي احد شاله
توني ياي اسكره ولا اسمع
صوت انثوي يقول الو
واهو انا من سمعت صوت انثوي رد علي
تدودهت وما عرفت شقول
جان ارد عليها ب
( وعليكم السلام )
ياربي البنت قالت الو
ارد عليها ب وعليكم السلام
شلون صارت
يا اني تفشلت والمشكلة انها ضحكت
أخخخ يا زينها من ضحكه
صوت ضحكتها لعب ب اوتار قلبي
جان تقولي : مادري اذا عرفتني بس ….
قاطعتها ونطقت : عرفتج من صوتج الي من ذاك اليوم واهو يرن ب اذني
توسعت عيوني لانه استغربت من نفسي
ما عرفت نفسي وانا اقول هالكلام
اول مره اعيش هالشعور
وماني عارف اثقل شوي عليها
ولا اقول كل الي ايي على بالي
هناي : ما شاءالله عليك توقعتك ناسي صوتي
تنهدت : وانا هم توقعت جي بس ما نسيت عشان اذكر
هناي : وليكون كنت متوقع اني ادق عليك ؟
نطقت : الصراحة ما بين بدقين بين انج مارح تدقين
هناي : ما فهمت بس اوكيه
توترت زيادة فوق التوتر الي كنت فيه
نطقت : يعني شوي اقول بدقين وشوي لا
هناي : اهاا
نطقت : ابي اشوفج
هناي : صوتي مو كافي ؟
نطقت : كافي للقلب بس للعيون محتاجه شوفتج
هناي : اهو انت دايم جي كلامك ولا بس تقوله لي ؟
YOU ARE READING
عقارب الساعة
Mystery / Thrillerعندما يجتمع قلبان بوسط عادات وتقاليد قبيله من عاداتها تكون بنت العم ملك لولد عمها وهالعاده بتكون نهاية هالقلبين بسبب خباثة ولد العم عندما تكون عقارب الساعة سلاح للانتقام من ولد العم شخص واحد قدر يحطم علاقات كثيره اتمنى الرواية تنال على اعجابكم
