باللحظه الي منصور بلغ عن مكاني
مشى واهو حاس انه الي سواه صح
بس ما كان يدري انه الي صار
مو مثل ما اهو تخيل
ما كان يدري انه باللحظه الي مشى فيها
بعدها بخمس دقايق طلع ابو فراس من المستودع
ما كان يدري انه في احد يساعده
ما كان يدري انه جا المستودع
بس عشان يبلغ هناي انه كل القبيلة
صارت تعرف اني قتلت فراس
بلغها عن نجاح خطتهم
بلغها عن انه الحين الشرطة
صارت تبحث عني ك هارب
وبعدها طلع من المستودع
تارك هناي معاي ليبعد عنه الشبهات
اول ما طلع دخلت علي هناي
والابتسامه مرسومه على شفاتها
للامانه الابتسامه تلوق عليها
احبها واحب ابتسامتها
من دخلت وهي مبتسمه
ما حسيت الا وقلبي يدق بقوه
على كل الي سوته
ولا زال قلبي يحبها
احبها وماقدر اكرهها على خطفي
او على تعذيبها لي ب اكثر صوت اخاف منه
وفيني فوبيا منه الي هو صوت عقارب الساعة
ما الومها اخذت منها فراس
الي مادري شنو العلاقة الي بينهم
دخلت علي وقعدت على الكرسي
رفعت راسي بصعوبه ونطقت : عسى دوم هالابتسامه ممكن اعرف سببها ؟
هناي : ابيك انت تتوقع سببها
قلت الي خطر على بالي على طول : هل سببها الوضع الي انا فيه يكون عاجبج ؟
هزت راسها بالنفي : اهو فعلاً عاجبني وضعك بس مو هذا السبب جاهز تعرف ؟
هزيت راسي بالايجاب
توسعت ابتسامتها : القبيلة كلها كلها تخيل كلها ومن ضمن القبيلة طبعاً الشرطة صاروا يعرفون انك انت الي قتلت فراس تخيل
ابتسمت
اي ابتسمت لانه حسيت انه خلاص
جا الوقت الي اتعاقب على الي سويته
صج ما كنت حاب القبيلة كلها تعرف
بس اذا دخولي للسجن بفرح الي احبها راضي
راضي اني ادخل السجن واريح ضميري الي كان يأنبني
من اللحظة الي قعد العب فيها مع ولد فراس
هناي ب استغراب : ليش قاعد تبتسم ؟ غريبه يعني المفروض تتضايق تعبك ب الادلة الي سويتها راح عبث
الصراحة يعني اهنيك شلون سويت سيناريو عشان تقدر تطلع منها مثل الشعره من العجين
صابني فضول اعرف شلون القبيلة عرفت
فعلاً مثل ما قالت هناي
انا فعلاً تعبت على الادلة الي سويتها
ولي قدرت ابعد الشبهات عن نفسي طول هالسنه
شلون عرفوا اني انا الي قتلت فراس
نطقت : اقدر اعرف شلون القبيلة عرفت ؟
هزت راسها بالايجاب : اكيد تقدر خاصة بعد الادلة الي سويتها ولي قدرت تثبت انك كنت بالسينما اكيد بحوشك فضول وانا بقولك
مساعد القبيلة الي كان رئيس القبيلة واثق فيه اهو الي فضحكم مع الادلة
هناي : تخيل كان مسجل كلشي انت بس تخيل شلون القبيلة كلها متجمعه واهو فاتح التسجيل ويسمعون اتفاقكم بقتل فراس وجدام ابوك واخوانك
انا اهني نزلت دموعي
من تخيلت الموقف الي حطيت ابوي واخواني
موقف ما ينحسد عليه
موقف ما اتمناه لعدوي
قعدت اتخيل نظرات اهل القبيلة لابوي واخواني
للاسف ما فكرت ب ابوي
وشنو ممكن يحس من نظرات اهل القبيلة
شنو ممكن يحس من ولده انفضح جدام الكل
واهو واخواني فضحتهم معاي بقعلتي
ليت ابوي جدامي الحين واتأسف منه
واقوله يبا تكفى سامحني
يبا ولدك ارتكب غلط وما كان حاسب حساب الي بصير
يبا اسف اسف لاني حطيتك ب هالموقف
اسف لاني ولدك
اسف لاني ما كنت ولد تفتخر فيه جدام القبيلة
هل اذا شفت ابوي راح يسمعني ؟
هل اقدر اتأسف منه ؟
رفعت نظري ل هناي من نطقت : اي يا سلطان حبل الكذب قصير طول هالسنه كنت تفتخر ب انجازك الحين ربي فضحك جدام القبيلة كلها
تغيرت نبرتها للحزن : اللحظة الي الشرطة تعتقلك فيه راح يرتاح فيها فراس واهو بقبره
ابتسمت رغم الدموع الي نزلوا من عيونها : تدري باللحظه الي تتحاكم فيها بزور فراس بيكون هذا اول لقاء بينا راح اقوله اشكثر احبه
اشكثر كنت ناطره اللحظه الي اشوفه فيها واخذه بين احضاني
تجاهلت كل الي قالته رغم كلامها كان مؤلم لقلبي ونطقت بغيره : ابي افهم الحين شنو علاقتج فيه ؟
باللحظه الي انهيت كلامي فيه
سمعت صوت سيارة الشرطة
ابتسمت هناي : الصراحة ما توقعت انهم بيعرفون مكانك بس الظاهر من عرفوا انك قاتل وهارب قعدوا يبحثون عدل
سمعت صوت الشرطي واهو يطلب منا نفتح الباب ونطلع نسلم نفسنا
هناي : بروح افتح الباب عيب نخلي الشرطة واقفه
نطقت بخوف عليها : وانتي وجودج اهني !! افتحي السلاسل عني وخليني اسلم نفسي
هزت راسها بالنفي : مستحيل اسويها ان كنت راح اتحاسب على خطفك ف يا زينه من حساب دام بالنهاية راح تروح للمكان الي تستحقه
تجاهلت كلامي وراحت فتحت الباب للشرطة
دخلوا المستودع وسرعان ما دخلوا علي
شافوني مربوط بالسلاسل
نطق الشرطي : سيدي المتهم اهني
اتجهه النائب وحوالينه الشرطة وهناي معاهم لي
شافني النائب وشاف الوضع الي انا فيه
التفت على هناي وسألها : انتي الي سويتي فيه جي ؟
نطقت بثقة ومن غير خوف : اي انا
ما قدرت اسكت ونطقت ب اعلى صوتي : جذابه انا الي طلبت منها تربطني
قطعت كلامي : لا انا الي فعلاً خطفته
YOU ARE READING
عقارب الساعة
Mystery / Thrillerعندما يجتمع قلبان بوسط عادات وتقاليد قبيله من عاداتها تكون بنت العم ملك لولد عمها وهالعاده بتكون نهاية هالقلبين بسبب خباثة ولد العم عندما تكون عقارب الساعة سلاح للانتقام من ولد العم شخص واحد قدر يحطم علاقات كثيره اتمنى الرواية تنال على اعجابكم
