فتح عيونه
التفت بعيونه حوالينه يشوف نفسه وين
سمع صوتي وصوت ومحسن
انتبهه عليه محسن ونطق : الحمدلله قعد انا بروح اشوف الدكتور
طلع محسن من الغرفة
قمت من مكاني متجهه ل ذياب الي كان نايم عالسرير والمغذي بيده
اقتربت منه : شلونك الحين ؟
هز راسه بالايجاب من غير لا ينطق بكلمة
نطقت : للحينك تعبان ؟
ذياب بتعب : الحمدلله احسن مع المغذي
نطقت بعصبيه وقهر : ليش يا ذياب ليش ؟
نطق ذياب بعدم فهم : ليش على شنو ؟
نطقت ولا زالت نبرتي عاليه من العصبيه : ليش مو قاعد تاكل ليش جي تسوي بنفسك ؟
ذياب : ما اشتهي مو بيدي
نطقت : لا بيدك مافي شي اسمه ما اشتهي من شفت نفسك ما تاكل ما تعرف تاخذ من الصيدلية مشهي ولا انت حالف ما تاكل …
قاطعني : شكو
نطقت : لا تقول شكو شنو الشي الي يخليك ما تاكل ؟
ذياب : لا تهتم ياخوي
نطقت بغضب : والله الحين اعطيك كف على كبر يا حمار انت اخوي اخوي تعرف شنو يعني اخوي شنو لا تهتم قول تكلم شفيك ؟ ليش تارك البيت ؟ ليش مو قاعد تاكل ؟ شلي صاير معاك ياخوي الي خلاك توصل ل هالمرحله؟
ابتسم ونطق : جم سؤال سألت الحين اجاوب على اي سؤال
خذيت نفس عميق وزفرته من صدري : اللهم طولك يا روح ذياب من صجي اتكلم
التزمت لثواني بعدها نطقت : ليكون للحينك متأثر على وفاة فراس
سرعان ما هز راسه بالايجاب
نطقت : بس ما يصير جي يا ذياب الولد توفى صارله سنه لي متى بتم جي لو شافك جي بيرضى تحرم نفسك من الاكل لين ما تطيح علينا
تنهد بعمق ونطق : اول شي يا سلطان لا تقول تحرم نفسك انا حرفياً كنت ما اشتهي اكل شي واذا اكلت استفرغ لاني كنت اغصب نفسي اكل ثاني شي طاح فراس بين احضاني بعد ما تصاوب ترى شي مو سهل
نطقت : ادري مو سهل وادري بقوة الصداقة الي بينكم بس بدال لا تسوي نفسك جي ترحم عليه ادعي له
دخل علينا محسن وبين ايدينه وصفة الدكتور
محسن : عطاك الدكتور فيتامينات ومشهي الحين انا بروح اييبهم من الصيدلية وراح يرخصونك بعد ما ينتهي المغذي
نطقت : تمام روح ييب الادوية وانا بجهز اغراضه لانه راح يرجع معاي
طلع محسن واول ما طلع نطق محسن : مارح ارجع البيت
طالعته بطرف عيني ونطقت : راح ترجع وريلك فوق راسك
ذياب : لا تضغط علي سلطان تكفى
نطقت : ومن قال اني قاعد اضغط عليك انت جسمك تعبان مارح اخليك بروحك
ذياب : ومن قال اني بروحي محسن معاي
نطقت : فشله يا ذياب يمكن الريال عنده اشغال وما يقدر يقولك
ذياب : تطمن يقول اذا عنده
نطقت بحده : لا تعاند يا ذياب
ذياب : انت يا سلطان لا تعاند ماقدر ارجع البيت وانا جي حالتي مابي امي وابوي يحاتوني واسمع لا تقولهم اني طحت على محسن يويلك
نطقت : خلاص بو راس يابس انا كل يومين اطل عليك وكل شوي بدق عليك
ذياب : شدعوه عاد كل شوي
نطقت : قلت الي عندي ودامك مارح ترجع معاي انا بمشي دام محسن عندك من تطلع قولي
ذياب : زين
طلعت من الغرفة
صادفت محسن
نطقت : دير بالك عليه تكفى
محسن : تطمن ذياب بعيوني
ابتسمت وبعدها نطقت : ومشكور للمره الثانيه لانك بلغتني على طيحة ذياب
محسن : وارجع اقولك للمره الثانيه لا تشكرني لك الحق تعرف بلي صار ل اخوك كونك اخوه الكبير
نطقت : سلام
دخل محسن بعصبيه
رمى ادويته على السرير ونطق : ما قلت له صح ؟
ذياب بعدم فهم : اقوله شنو ؟
محسن : انك تحبها وتبيها وانك انت ب هالحاله لانك ابتعدت عنها لانك ما تتحمل غيابها
لف ذياب ويهه
محسن ولا زال غاضب : دامك لفيت ويهك يعني ما قلت له
التفت له ونطق : وليش اقوله جي من غير سبب اقوله احبها وابيها
محسن وهو يأشر على ذياب : هذا هو السبب حالتك هذي السبب ، من شنو خايف انت ؟
عقد حواجبه : شكو ربطت الخوف ب اني ما قلت ل سلطان
محسن : يتلك فرصة انك تقوله خاصة من بعد ما وصلت ل هالحاله من يعرفون كلهم اشكثر انت تحبها وغيابها عنك وصلتك ل هالحاله راح يوافقون ياخي لا تقول ل سلطان روح كلم ابوها وقولها عمي انا احب بنتك وابيها على سنة الله ورسوله
ذياب : ولده توه متوفى شلون اقوله هالكلام ؟
محسن : خو انت راح تحجزها لك مارح تتزوجون على طول خل الكل يعرف انه ثريا محجوزه ل ذياب وبعدين ليش بكل مره تطلع حجج واعذار صارله سنه سنه يا ذياب مو توه متوفي … ياخي قول انك خايف ..
قاطعه بعصبيه : اي خايف ارتحت
محسن : انا عارف من تركتها يعني انك خايف بس من شنو ؟
ذياب بغصه : من الرفض
محسن : شيل هالافكار من بالك وانت راح ترتاح انت جرب لا تحط ببالك انهم بيرفضون جرب عشان بعدين يا ذياب ما تندم وتقول ليت سمعت كلام محسن وجربت الحين هي تحبك يمكن باجر تكون لغيرك ما تدري يمكن من تشوف انك جبان تعترف بحبك لها للعايله تنسحب من حياتك
ذياب بعصبيه : لا تفاول ياخي لا تعور قلبي
YOU ARE READING
عقارب الساعة
Mystery / Thrillerعندما يجتمع قلبان بوسط عادات وتقاليد قبيله من عاداتها تكون بنت العم ملك لولد عمها وهالعاده بتكون نهاية هالقلبين بسبب خباثة ولد العم عندما تكون عقارب الساعة سلاح للانتقام من ولد العم شخص واحد قدر يحطم علاقات كثيره اتمنى الرواية تنال على اعجابكم
