يا اليوم عرسي انا والجازي
بعد ما خذيت شور
وقبل لا اغير ملابسي
تعرفون احنا الشباب
نقدر نتجهز ب ١٠ دقايق يمكن حتى اقل
مو مثل البنات مكياج وشعر
ف حبيت قبل لا اتجهز اشوف الجازي
راسلت ديبا اشوف اذا الجازي فاضيه او يعني تقدر تشوفني
جالي ردها بعد ١٠ دقايق
قالت اني اقدر اروح لها
طلعت من غرفتي متجهه لغرفتها
طبعاً العرس كان ببيتي
لانه بيتنا اكبر من بيت عمي بشوي
دخلت عليها بعد ما طقيت الباب وسمحت لي
رفعت حواجبي اول ما شفتها
مستغرب الصراحة شفت شي ما توقعت اني اشوفه
ابتسمت وانا ادخل ونطقت : الجازي تراج قاعده تصدميني
الجازي : ليش ؟
نطقت : بالبداية قلت لج اذا ما تبين نسوي عرس قلتي عادي كنتي موافقه على العرس والحين !!
هزت راسها ب عشوائيه : والحين شنو؟!
نطقت : ما توقعت اشوفج جي توقعت اشوفج مثل الملجة لابسه فستان ابيض صج مو فستان عرس بس لابسه فستان ! مسويه شعرج حاطه مكياج طبيعي بستغرب
الجازي : اي لانه هذا عرس لازم اتجهز مو نفس الملجة وبعدين انت ليش مو جاهز روح تجهز
نطقت : قبل لا اروح ابي اقول شي وبعدها بروح اتجهز
التزمت الصمت لثواني وبعدها نطقت : شوفي ابيج تنسين كل الكلام الي قلته لج
عقدت حواجبها : اي كلام لانه كلامك وايد
نطقت : انه هالزواج مصيره يصير زواج حقيقي وانه راح يكون ل فراس اخ او اخت ابيج تنسين هالشي واخذيها وعد مارح يصير هالشي دامج انتي ما تبين
وهالزواج راح يستمر مثل ما انتي تبين راح اكون اب ل فراس فقط بكون مسؤول عنه وعنج اكيد بس راح تكون علاقتنا ك صداقه اذا حابه واذا مو حابه صداقه ما عندي اي مشكله
رفعت حواجبها وهزت راسها بالايجاب ب استغراب : غريبه شلي تغير ؟!
نطقت : انا تغير من داخلي تغير
الجازي : تمام مشكور على تفهمك
ابتسمت : العفو الحين بروح اتجهز
طلعت من الغرفة
ادري ممكن تكونون مستغربين من الكلام الي قلته
انا فعلاً تغيرت
وسبب تغيري هي هناي
حبي لها الي غيرني
قبل كنت ما احب وكنت مستقعد للجازي
بس الحين قلبي صار يحب والحب غيرني
خلاني اشيل كل الافكار الي مخطط اسويها للجازي
ادري مو مبرر على فعلتي
بس الحين عرفت ليش كنت احاول امنع زواج الجازي من فراس
كنت دايم اقول مادري ليش جي اسوي
بس بعد ما حبيت عرفت ليش
كنت اغار من حبهم لبعض
اي نعم كنت اغار
عمري ٣١ وانا للحين ما حبيت
ما عشت الشعور الي هم يحسونه
كنت احسدهم عشان جي الغيره
وصلت معاي اني افرقهم
لدرجه اني انهى حياة فراس
مو مبرر ادري والله
بس الغيره توصل الانسان يسوي شي من غير تفكير
والغيره يعتبر مرض او انا اعتبره مرض
مرض كان يكبر كل يوم
شلون حبت ولد خالتها
وهي مخيره لي ولا حبتني
لو هناي دخلت حياتي قبل لا يصير هالشي
جان الحين فراس عايش
والجازي سعيده معاه
ويربون ولدهم مع بعض
اتجهت لغرفتي عشان اتجهز
بعد ما طلعت من الجازي
دخلوا عليها ابو فراس ووسام
شافوها قاعده تبجي
وسام : شفيج ؟
اشرت على نفسها : كل هذا وتسأل شفيني ؟!
وسام : ما عليه تكفين تحملي
الجازي بنبرة حزن : كان عندي من شوي ماهو سلطان الي اعرفه كان واحد ثاني سلطان تغير حبه ل هناي غيره
ابو فراس : شكلج غيرتي رايج
هزت راسها بالنفي ومسحت دموعها ونطقت : مستحيل اغير رايي لو شنو ما يقول اهو اخذ مني فراس مارح اغير رايي بس لانه صار زين معاي
انحى لها ابو فراس
مسح دموعها بطرف اصابعه ونطق : بعد شوي راح ينتهي كلشي تحملي تمام
هزت راسها بالايجاب
طبع بوسه على جبينها
ونطق بعدها : يلا وسام خل ننزل
.
.
تجهزت وخلصت
عدلت البشت
مسكت المبخر بكف ايدي اليمين
بخرت البشت
ماهي الا ثواني بسيطه ابتسمت
من سمعت اغنية يايه من برا
" قولولي وين القاه سلطان قلبي
مقدر على فرقاه رحمتك ربي
كنا حبيبي اثنين مثل الرمش والعين
هيهات ما انساك امنيتي وحبي "
نزلت المبخر وحطيته على التسريحه
سحبت تلفونه ودقيت على هناي
ونطقت : كاني ياي
سكرته وحطيت التلفون بجيب دشداشتي
اتجهت للباب
مسكت قبضة الباب وفتحته شوي شوي
طلعت شوي من راسي عشان اتأكد اذا الوضع امان ولا بخطر
ومن تأكد انه ب امان
طلعت من الغرفة وسكرت وراي الباب
اتجهت عالسريع للباب الخلفي للبيت
توسعت ابتسامتي من شفتها واقفه سانده ظهرها على سيارتها ب انتظاري
تقدمت لها ونطقت : الحين اقدر اقول انه اكتمل يومي بشوفتج
نطقت بنبرة هاديه : ادري اليوم عرسك من بنت عمك بس كنت حدي مشتاقه لك وحبيت اشوفك يا سلطان قلبي
تسلسل كلامها ب اعماق قلبي
كنت على وشك اني اتهاوش مع قلبي
قاعد يدق بقوه لدرجه اني صرت اسمع صوت دقات قلبي
ماهو راضي يهدا ولا راضي يخليني
اتكلم
YOU ARE READING
عقارب الساعة
Mystery / Thrillerعندما يجتمع قلبان بوسط عادات وتقاليد قبيله من عاداتها تكون بنت العم ملك لولد عمها وهالعاده بتكون نهاية هالقلبين بسبب خباثة ولد العم عندما تكون عقارب الساعة سلاح للانتقام من ولد العم شخص واحد قدر يحطم علاقات كثيره اتمنى الرواية تنال على اعجابكم
