ကပ်ဘေးကြီးပြီးဆုံးသွားသည်မှာ၇နှစ်တင်းတင်းပြည့်ခဲ့ပြီ။၇နှစ်ဆိုတဲ့အချိန်ကသေဆုံးသွားတဲ့ကမ္ဘာမြေကြီးအတွက်ပြန်လည်ရှင်သန်လာဖို့လုံလောက်နေပါပြီ။တိမ်များရှင်းလင်းကာမြူခိုးများပျံ့ကျဲသွား၏။နေလနှစ်စင်းတောက်ပပြီးတောင်တန်းမြစ်ချောင်းများမှာကြည်လင်နေ၏။ဆုတ်ယုတ်သွားမည့်အရိပ်အရောင်ဟူသည်လဲမရှိချေ။
မြို့ငယ်လေး၏လမ်းကျဥ်းလေးထဲတွင်ကြက်တွန်မြည်၍ခွေးဟောင်နေသည်။လမ်းမထက်၌လူများသွားလာနေကြပြီးဘေးနှစ်ဘက်တွင်သပ်သပ်ရပ်ရပ်ဖြစ်နေသောအိမ်များရှိသည်။နေ့လည်အချိန်သို့ရောက်သော်မီးခိုးခေါင်းတိုင်များမှမီးခိုးငွေ့များအရပ်လေးမျက်နှာသို့ပျံ့လွင့်လာ၏။ပန်းပဲဖိုအတွင်းတွင်တော့ချွင်ချွင်ချွမ်ချွမ်ဖြင့်သတ္တုရိုက်သံမျိုးစုံမြည်နေဆဲ။ကိတ်မုန့်ဆိုင်အတွင်းရှိမီးပြင်းဖိုပေါ်တွင်ဖုတ်ထားသည့်ရွှေဝါရောင်မုန့်ဝိုင်းကလေးများ၏မွှေးရနံ့ကလဲလေမှတစ်ဆင့်ပျံ့လွင့်လာ၏။လူ့လောက၌မီးရှူးမီးပန်းဖောက်ထားသည့်ပတ်ဝန်းကျင်အခါသမယကဲ့သို့သာ။
သို့သော်လမ်းမထက်ရှိသူတောင်းစားများကတော့အရင်ထက်လျော့နည်းသွားပုံမပေါ်ပေ။တစ်ချို့ကိစ္စတွေကမိစ္ဆာမျိုးနွယ်တွေရဲ့ထိပါးကျူးကျော်ခြင်းထက်ပိုကြောက်ဖို့ကောင်းသည်။
ရုတ်တရက်ဆိုင်ထဲသို့လက်လေးတစ်ဖက်ဝင်လာ၍စားပြီးသားမုန့်ဝိုင်းတစ်ဝက်ကိုလက်ထဲသို့ယူလိုက်သည်။တံခါးပေါက်ကိုကြည့်နေသောခွေးဝါလေးကိုဆုအဖြစ်ပေးချင်ခဲ့၏။သို့သော်တံတိုင်းဘေးရှိညစ်ပတ်ပတ်နှင့်သူတောင်းစားလေးတစ်ယောက်ကခြေတစ်လှမ်းစောစွာခုန်အုပ်လိုက်သည်။မြေကြီးပေါ်ကမုန့်ဝိုင်းကိုလု၍ပါးစပ်ထဲသို့ထိုးသိပ်ထည့်လိုက်၏။သူအရမ်းဗိုက်ဆာနေကြောင်းကိုအထင်အရှားမြင်နိုင်သည်။
လူဝဝတစ်ယောက်ကပြစ်တင်ကြိမ်းမောင်းရင်းဆိုင်ထဲမှပြေးထွက်လာ၏။။မုန့်ဖုတ်ဆိုင်၏ဆိုင်ရှင်ဟုထင်ရပြီးခြေကိုမြှောက်၍သူ့အားကန်ရန်ပြင်လိုက်သည်။
YOU ARE READING
ချုံဇီ
RomanceTitle - 重紫 Original Author - 蜀客 This is just a Burmese translation of the novel Chong Zi.All credit goes to original writer Shu Ke.