🔱 الوصية 🔱
بقلمي الكاتبة هند المتقي
👈 الجزء 70
علاء : تسالي فطورك و طلعي ...
اومات ليه براسها و هو طلع فحالو .. اما هي كملات فيورها و غير خرجات من الكوزينة و هي تلاقا هي و ضحى نازلة من الدروج زربات ف خطواتها حتى وصلات عندهااا و شدات فيها و هي كاضحك و مشات حدا ودنها كاتهمس
ضحى : البووووسة همم
ماريا : ضححى ..
ضحى ( كاتضحك بمرح ) : شنووو ههه صافي هاني ساكتة لكن عاودي ليا
ماريا : ا ماكاين مايتعاود ا ضحى ... ( حاولات تبدل الموضوع ) فين ديك ياسمين ؟
ضحى ( عوجات فمها ) بلا ماتسولي ... مشات فحالها عييت مانرغب فيها تبقى
ماريا : شغاترغبي ف الزمر خليها تمشي بالسلامة و الخير فرحتيني والله
ضحى : مارياااا هاديك صاحبتي من الصغر
ماريا ( عوجات فمها ) اااواا علاش مشات ؟
ضحى : واقيلا علاء قال ليها شي هضرة و غالبا جرا عليها بطريقة غير مباشرة ..
ماريا ( ضحكات بشر ) هههه عبر عليهاااا عههههه
ضحى : يااا ختي ... مامزياناش نتي
ماريا : و شنو !! هي كانت كادور بعلاء بغيتيني نبكي حيت مشات
ضحى : اوا قول ليا اش بينك و بين علاء .. ط
تأففات ماريا مانها و لحسن حظها دخل مروان من الباب ..
ماريا : اوووف الحمدلله امروان منين جيتي شدهااا عليا ...
قبل ماتستوعب ضحى كانت لاحتها جيهة د مروان و طلعات كاتجري ل بيتها ...
حلات بلاكار و بدات كاتشوف اش تلبس ... و تختار شي حاجة مستورة ...عضات على فمها و هي كاتخمم ... حتى اختارت اش تلبس
كانت واقفة ف المرايا هزات واحد العكار دارتو ف فمها و دارت ماسكارا ... خرج علاء من الحمام لاوي عليه فوطة شافها و مشا دور يديه عليها و خشى وجهو ف عنقها حسات هي بانفاسها تحبسو و بقات كاتشوف فيه من المرايا و وجهها يكسوه الخحل ...
علاء : واجدة ...
ماريا : اه ..
هز راسو و شاف فيها من المرايا و هو يضورها بزربة ليه
علاء : اش هادشي دايرة ف وجهك ؟؟؟؟
ماريا : همم !! غير عكار و ... و ماسكارا
علاء : لا لا مسحي عليا هادشي ..
ماريا : علاااش .. ( دارت تشوف راسها ف المرايا ) ماجيتش زوينة ؟؟
علاء : هااادشي غاديريه ليا انا بوحدي ... منين نكونو غير انا وياك ...انا تخرجي بيه ... ابدا .. غير نساي
ماريا ( بحزن ) حرام عليك ... و .. وانا بغيت نبان زوينة
علاء ( التفت ليها و تكلم بصرامة و هو مخنزر ) ماتجهليش دين مي ا ماريا هضرة وحدة كاينة .. هادشي مااتخرجيييش بيه انا بوحدي لي نشوفك مقادة و مزوقة .. واصلا نتي زوينك بلا داكشي
شافت فيه شوفة د القتيل و هزات كلينيكش كاتمسح ف داكشي و كاتعايرو ف خاطرها
لبس هو حوايجو و كانو زوج ديال الفاليزات منزلين ف الغرفة مجموعين و كلشي .. لبس نظراته الشمسية و هز الكونطاكت د السيارة و جرهم موراه و هي غادة معاه ... حتى هبطو .. و هي توقف ضحى و مروان و معاهم حياة ...
حياة : ا... علاء .. ولدي فين غادي !!
علاء : مسافر ا الحاجة ... ( شاف ف مروان و اومى ب راسو ) مروان
ضحى : فين ؟؟؟
علاء : ل مراكش .. دنيا عيطي لحمد يدي هادو للوطو ..
حركات ليه الخدامة راسها و مشات تعيط للشيفور
ضحى : و ... ماريا ؟؟ حتى هي
علاء جر ماريا ل عندو و شابك يديهم بزوج ... ماريا كانت حادرة راسها بخجل حشمانة من حياة لي كانت كاتشوف ب ذهول
حياة : علاء ( غمزاتو ب عينيها ) اش تم؟
علاء : انا و ماريا غاديين شهر عسل
هزات ماريا يديها لاخرى و دارتها على وجها بقوة الحشمة ..
حياة دارت اشارة بعينيها ل علاء ب معنى واش داكشي لي فراسي و هو يجاوبها علاء
علاء : داكشي لي فبالك ا ميمتي ... يالاه بسلامة ... مروان طل عليهم مرة مرة
خرج علاء و هو جار ماريا موراه واخا مقابطين كاتحاول تلحق و كاتمشي بزربة هي هو خطواتو كبار ...
ВЫ ЧИТАЕТЕ
🍇الوصية 🍇(مكتملة)
Боевик🔱 #الوصية 🔱 اربطو الاحزمة ... بعد غياب طويل ها أنا عدت بقصة من قصصي .. قنبلتي الموقوتة ههه ، جامعة بين الرومانسية والدراما والتفرشيخ والكوميديا والخيال وبزاف د المفاجآت 😻 ✒ بقلمي أنا #الكاتبة_هند_المتقي ❌ أول حاجة ممنوع النشر الا بإذني ❌ تفاعلك...
