🔱 الوصية 🔱
بقلمي الكاتبة هند المتقي
👈 الجزء 63
خرجات ل برا وخرجو عينيها .. ملي شافت علاء ف المسبح .. كيعوم .. بقوته وعظلاتو كيتحركو ملي كيغطس ...
ابتسمت وقبل ماتقرب كانت غافلة على ياسمين لي تلاحت ف الما حتى هي كتعوم و ب دوبيس حمرين ... وجسدها فالحقيقة مثير كثر منها هي لي مجرد مراهقة .. ممشوق ل درجة لا تصور ...
ماريا : (قربات شي شوكي ) علاء ..
شافت فيه وابتسم قرب حتى لعندها و حط يديه على جناب د المسبح . .. ولكن منين شافت ياسمين لي كتحاول دير حركات رخاص ..
ماحسات براسها غير محيدة الكسوة .. و لحسن حظها انها كانت لابسة ملابسة داخلية من نفس النوع ... كانو ف اللون الازرف ف نفس لون الكسوة ديالها ...
ماريا : حتى انا غانعوووم ..
علاء : (بشك) غاتعومي ؟؟
ماريا : ( بغيرة طفولية كاتشوف ف عينيه )اااااه ..
تلاحت فالما .. شافت علاء لي عقد بين حواجبو بحدة وناض من البيسين عاقد غوباشتو كيتنفس وكيزفر كثر ماكيستنشق الهوا .. مافهمات والو .. هز فوطة و هو كينشف ف راسو و اتجه للداخل ... بقات كاتشوف فيه حتى دخل و هي دور و جهها ..
ماريا : (شاف ف ياسمين) كلشي كيوووقع ليا بسببك نتي ..
ياسمين ( بعدم اكثرات ميقاتها ) مراااااهقة حمقة . .
قربات منها ماريا حتى بداو.. ف الاول غير كيتراشو بالما ... حتى ماشعراتش براسها ماريا عاوتاني ملاوحة على شعرها ....
بداو كيتناتفو فوسط المسبح والما كيترش كل مرة شكون كتبهط لتحت .. وحيت ماريا سبق ليها تعلمات كيف دافع على راسها ... كانت هي الغالبة ..
خرجات ضحى و هي تشوفهم و بدات كاتغوت بجهد
ضحى : علااااااء .. ويلي ويلي ... ماريااااا بعدي منها بعدي منهااااا
غوتات وقربات منهم كتجري حتى تلاحت تا هي فالما وفكاتهم بزز .. ماريا يديها عمر بشعر ياسمين .. واخا حتى هي تنتفات ولكن بردات غدايديها ..
ماريا : هاد المرة خلي عليك الرجال المزوجين الحمااارة ...
زادت شوية قبل ماطلع و هي تم دايرة ليها حتى تخلعات ياسمين و تخبات مور ضحى ..
ماريا ( هازة صبعها بتحذير ) نعاود نشوفك كادوري ب علاء ... نشرب من دمك
طلعات من البيسين و هزات كسوتها و دخلات ...
ضحى دورات وجهها مخنزرة ف ياسمين ...
ضحى : وااا بزاف ا صاحبتي بزاف .. هضرت معاك داك النهار نتي عارفة علاء كيداير و منين كنا ف هولاندا قلت لك نسايه راه هو ماشي هاد د الحب ...
ياسمين ( عوجات فمها بحزن ) وا ..وا هاهو دابا كيبغي هاد البرهوشة د ماريا ..
ضحى : انا براسي ماقاداش نتيق .. ولكن راه مراتو .. و كيبغيها ... ماتحاوليش دوري بيه ا ياسمين غير داير بوحهي و ماباغيش يقول لك شي حاجة باش انا مانتقلق اما هو راه زااايد ناقص عندو ..
نرجعو ل عند ماريا لي طلعات لبيتها كتجري وباقي كتقطر بالما مافاهمة والو .. علاش علاء تعصب وطلع ..
ماريا : علاء ..
دخلات للبيت لقاتو عاد خرج مم الدوش باقي معصب ... تجاهلها و مشا للبلاكار ديالو كيجبد حوايجو ... اما هي مشات وقفات حداه ..
ماريا : علاء !! شنو واقع مالك ؟ ..
غوت حتى برزو عروق جبهتو .. وشدها من يديها بزز ..
علاء : كانبان لك حمار ياك ؟؟؟؟
تعقدو حجبانها و هي مافاهماش
ماريا : هم... كيفاش ؟؟
علاء : واش بانو لك عندي شي ودنين ولا اش ؟؟؟ مافيكش الدورة ا ماريا .. كاتكذبي عليا .. واش انا حيوان غادي نفرض عليك شي حاجة ماباغاهاش ؟؟؟؟
جميييييع الوان الطيف دازو فيها بقيت غير ساكتة ... لسانها تسرط ماعرفاتش باش تجاوبو بالعصبية و الغيرة لي فيها نسات انها كاذبة و قالت ل علاء انها فيها لي غيگل ... سرطات الريق و بدات كاتدور عينيها كاتقلب على شي كذبة ...
YOU ARE READING
🍇الوصية 🍇(مكتملة)
Action🔱 #الوصية 🔱 اربطو الاحزمة ... بعد غياب طويل ها أنا عدت بقصة من قصصي .. قنبلتي الموقوتة ههه ، جامعة بين الرومانسية والدراما والتفرشيخ والكوميديا والخيال وبزاف د المفاجآت 😻 ✒ بقلمي أنا #الكاتبة_هند_المتقي ❌ أول حاجة ممنوع النشر الا بإذني ❌ تفاعلك...
