🔱 الوصية 🔱
🖊 بقلمي انا الكاتبة هند المتقي
👈 الجزء 47
رجعات ماريا و ليلى كانت كاتشوف فيها بصدمة ... و سرطات الريق ...
ليلى : ياكما بيناتكم شي حاجة ..؟ مصاحبين ؟
ماريا ( شاف فيها و ضحكة غالباها ) ههه مصاحبين ؟؟؟ لا لا
ليلى : ناري ... خلعتيني ...
ماريا : مزوجين
ليلى : هاااااا !!!!!!
ولات ليلى صفرا و بقا غير حالا فمها
ليلى : لااااا ... كاتكذبي ا ماريا
ماريا : علاش انكذب ؟ والله حتى راجلي
ليلى : و علاش ماقلتيهاش ليا من اللول و مخلياني نعبر
ماريا ( هزات كتف ) هاكاك ... بغيت نشوفك اش غادي تقولي...
ليلى :امم اوا سمحيلي بزاف ... انا و الله مايحسابلي ...
ماريا : عادي ... عادي ... عارفة لي كاين ...
دورات ماريا وجهها و هي كاتشوف ف بعيييييد .... حسات بالانتصار منين دارت ليها هاكا
ليلى : و .. وشحال و نتوما مزوجين ؟
ماريا : امم شي جوج سيمانات هاكاك
ليلى : ااااه ... يعني عاااد
ماريا : امم عاد
بقاو جالسين ... الهضرة بيناتهم قليلة ... حتى جا الوقت لي كان خص ليلى تمشي فيه فحالها ...
ماريا : تسناي هنا انا جايا ...
طلعات ماريا عند ضحى ...
ماريا : ضحى ... عافاك واخا توصلي ليلى راه شيفور دا خالتي حياة معرفت فين ... و علاء رجع للخدمة
ضحى (هزات سوارتها و وراقها ) ماكاين مشكل يالاه ...
نزلات ضحى و مشات معاهم حتى ماريا .... نزلوها قدام دارهم ... و تسناوها حتى طلعات ... بدات ماريا كاتعوج ف فمها و تهضر من تحت سنانها
ماريا : مشيا بلا رجعة
ضحى : مالها !! ياك صاحبتك
ماريا ( بانفعال ) ماااا صاحبتيش ... ما بينيش و بينها .. درنا خير و ندمنا يخ
ضحى : هههه ا مالك اهيا ويلي ...
ماريا ( كاتشاير بيدها ) اااا ...صافي والو
ضحى : والو والو هههه والله حتى تعاودي ليا
ماريا : يااااا ختي واااا مني طلعات معانا انا وعلاء و هي تشوووف فيه ... جلسنا ف الطابلة كانت اتاكلو بعينيها ... منين قاضات اش قالت ... قالت ليا شوفي ليا معاه وااا شوووووووفي تصلگيط
ضحى ( كاضحى بصوت مرتفع ) ههههههههههه للاااااااا هههه ماتقوليهاش هههه اهاه و نتي اش درتي
ماريا : اش ندير !!! صافي ... بدات هي عليا شحال عندو من عام شكايدير شكايفعل ... هادي اتسالي معاك ا ضحى عيط ليا علاء و قالي راه شيفور دا خالتي حياة ايلا بغات تمشي صاحبتك عيطي ليا نجي و مع شاف فيها ... رجعت عندها قالت ليا شاف فيا ياكما عجبتو
ضحى ( كاتشوف ف الطريق و كاضحك و قالت بي تلاعب ) ههههه وعلاش ماعيطتيش ل علاء
ماريا ( شاف فيها ) : علاش انعيط ليه ؟؟
ضحى : ياك قالك عيطي ليا
ماريا : سيد خدااااام و انا نجيبو من خدمتو باش يوصل ليا هاد سفود العواشر ؟؟
ضحى: و دابا نتي اش مشى لك ؟
ماريا : كيفاش اش مشالي ؟؟
ضحى : شتك تعصبتي ... ياك نتي و علاء زواج على الوراق ... اش فيها كاع لا شفتي ليه معاها ...
شافت ماريا ف ضحى ديك الشوف ديال ^ نعم يا روح امك ^ هههههه بقات ساكتة كاتشوف ماعرفات باش تجاوبها ..
ماريا : ا ... هاكاك ... ماعنديش مع هاد التبرهيش ... و اصلا ... انا قلت لك دااااك النهار اندير ل علاء العصى ف الرويضة
ضحى : هههه ااااه نسيت ههه اوا نتي ماقلتيش لها راه علاء راجلك
ماريا : قلتهااااااا قالا ماقلتهاش ... عرفتي كون تشوفي وجهها ف ديك اللحظة هههههه تموتي بالضحك ...
بقاا ضحى كاضحك و واحد الفكرة كادور ليها ف بالها .... الغيرة وااااااضحة على ماريا ... بل العكس شي حاجة كثر من الغيرة كاتهضر و هي مغزفة على صاحبتها .... غير هو خص شي حاجة اكثر باش تخلي مشاعرها يبانو كثر من هاكا ...
YOU ARE READING
🍇الوصية 🍇(مكتملة)
Action🔱 #الوصية 🔱 اربطو الاحزمة ... بعد غياب طويل ها أنا عدت بقصة من قصصي .. قنبلتي الموقوتة ههه ، جامعة بين الرومانسية والدراما والتفرشيخ والكوميديا والخيال وبزاف د المفاجآت 😻 ✒ بقلمي أنا #الكاتبة_هند_المتقي ❌ أول حاجة ممنوع النشر الا بإذني ❌ تفاعلك...
