🔱 الوصية 🔱
بقلمي الكاتبة هند المتقي
👈 الجزء 59
ضحى : ياسمين غاتكون لتحت يالاه نهبطو ..
عينيها خرجو وحسات بالمواس ف معدتها ..
ماريا : كيفاش ياسمين لتحت دابا!!! و مع علاء ؟؟
خرجات طيارة من البيت ماكتشوفش قدامها .. حتى قربات للطبلة د الاكل لقات ياسمين قريبة من علاء بدرجة مهولة .. فحال لا غايبوسو بعضياتهم ... وهي كتسبل عينيها بإغراء .. وبصوت مغنج كتكلم
ياسمين : عندك شي حاجة ف لافيست ديالك .. واحد الطبعة حمرا .. ( ضحكات بدلل ) بلاتي نحيديها ليك ..
وبحكم علاء كان عاطيها بظهرو ماشافش ماريا ... ولا خطواتها ودموعها لي علاين ينزلو من فرط الغيرة .. .شافت ف ياسمين و زادت ب خطوات قليلة ..
ماريا : هادي بلاصتي ...
ياسمين : اووو صوري فحال فحال تقدري تجلسي فشي بلاصة اخرى .. ماكنتش قاصدة ..
تعصبات ماريا ولات كلها كترجف .. كان علاء غايديوي .. ساع سبقاتو
ماريا : هاديييك بلاصتي انا وحتى حد ماخصه يجلس فيها .. وكنظن هاد الدار فيها قوانين ماخصناش نفتوهوم .. ياك ا علاء ..
ناضت ياسمين بلامبالاة وهي نافخة شفايفها و كاتأفف من ماريا وكتشوف فيها شي شوفات فشكل .. حتى تعلات لعند علاء بجركة مقصودة كتصاوب له فالكول د القميص لي لابس ..
علاء : ( شد ييدها بعنف) ياسمين....
جات الخدامة جايبة العصير .. شافت فيها ماريا و قبل ماتوصل للطبلة وقفاتها ماريا بيديها ... وقفات و هي تاخد كاس د العصير
و ماحسات ماريا غير هازة داك كاس د العصير وكباتو على كسوة ياسمين بانتعاش ... و هزات يديها دايراها على فمها بصدمة مصطنعة ...
ماريا : اوو صوري... تا انا ماكنتش قاصدة ..
جلسات ف بلاصتها بلامبالات ودارت عند علاء لي كان مصدوم .. لاول مرة شي شخص يخليه ماقادرش يهضر ... بحال لسانو تلجم ليه ... مامتيقش اش دارت ماريا غير دابا ثواني معدودة
ماريا دغيا قلبات عينيها بنظرات نارية وجهاتهم ل ياسمين .. و هزات صباعها
ماريا : و اه .. ديك الطبعة الحمرا لي كنتي كاتمسحي ههه هاداك غير العكار لي ف شفايفي كيف كتعرفي ... ماظنيتكش كيعجبك تمسحي البقايا د امرأة اخرى غيرك ياسمين .....
ختمات جملتها بابتسامة شريييييييرة .. و هي مطلعة حاجب و مهبطة لاخر ... هذا مجرد درس صغير ... و ممكن تلقنو لاي وحدة كاتعبث مع راجلها ...
YOU ARE READING
🍇الوصية 🍇(مكتملة)
Action🔱 #الوصية 🔱 اربطو الاحزمة ... بعد غياب طويل ها أنا عدت بقصة من قصصي .. قنبلتي الموقوتة ههه ، جامعة بين الرومانسية والدراما والتفرشيخ والكوميديا والخيال وبزاف د المفاجآت 😻 ✒ بقلمي أنا #الكاتبة_هند_المتقي ❌ أول حاجة ممنوع النشر الا بإذني ❌ تفاعلك...
