🔱 الوصية 🔱
🖊 بقلمي انا الكاتبة هند المتقي
👈 الجزء 43
زاد كيلمس كتفها بجرأة .. وباسها فعنقها .. حتى ماقدراتش تتحرك .. ولات غير كتنفس بالجهد وهو كينهج كثر منها ...
حمارو عينيه .. وحط يديه على ظهرها كليمس فيه ..
علاء: نقدر نردوه حقيقي من دابا لا بغيتي ..
غمضات عينيها و انفاسها محبوسين ..
ماريا : ننن ... ع..علاء ... عافاك
علاء ( بعد عليها كيشوف فيها ) : هم !!
ماريا ( اخيرا قدرات تنفس ) لا .. خ..خلينا ملتازمين بداكشي لي قلتي ليا ... زواج ابيض ..
علاء ( ضحك بخفة ) ابيض هه !!! واخا ... لي بغيتي ا ماريا ... ها حنا قدام الناس راه مزوجين ... باش مايهضروش فينا ياك ؟؟
تعمد يقول هاكا يستغل سذاجتها شوية ... حيت غير بشوية د الهضرة قدرات تقتانع بانها تجي معاه للبيت ..
ماريا : اه ... اه قدام الناس حنا مزوجين .. غير قدام الناس ...
قاطعهم صوت الدقان ف البيت ... و مشى علاء حلو ... كانت وحدة من الخدم ... لي غير شافتو عريان و هي تنزل عينيها و بدات تهضر و هي حشمانة
دنيا : سيدي .. امم لالة حياة بغات تهضر معاك قالت لك نزل عندها للجردة ...
علاء : اهم، واخا .. سيري قابلي شغلك دابا . .
حركات راسها و مشات ..
دخل علاء و لبس عليه تيشرت ديالو ... و شاف ف ماريا
علاء : هانا راجع
هزات راسها بالموافقة بزربة و هي يااااربي و النبي غير يخرج باش طلع نفس مقادة ...
نزل علاء عند ماماه لقاها جالسة ف الجردة و قدامها كاس د القهوة .. جلس حداها ... بقاو بزوج ساكتين ... عارفها هو علاش اتهضر معاه ... حتى شافت فيه و تكلمات
حياة : ولدي ... شنو هادشي كادير ! ياك قلتي ليا داك النهار غير زواج على الوراق و حيت شي حد طلبها منك و نتا خفتيها لا تبغي داكشي علاش بغيتي تزوج بيها ريتما تسالي قرايتها ... هادشي علاش تافقنا ا علاء
علاء صدرو طلع بنفس عنيييييف لاول مرة ينزل ف وضع فحال هذا ... ماعارف باش يجاوب مو ... كذب عليها ف قضية الزواج ... غير باش يقنعها ... بقى ساكت و ماجاوبش ...
حياة ( حطات يدها على يديه ) ا ولدي حبيبي ... ماتعاندش و قول ليا ... راه كلنا عارفين من مور ديك القصوحية لي كاتبين لينا كاين قلب حنين ... عكس داكشي لي كاتبين ... عارفاك داكشي لي دوزتيه و نتا صغير هزيتي مسؤوليتنا ... و حاولتي تنضف كاااع داك الوسخ لي خلا باباك من بعد ما مات و خلانا غارقين ... درتي لي خاطري و نزلتي للمغرب على ودي ... حيت نتا حنيييين ... و بلا بيك يعلم الله اش كان يوقع لينا ...
غمض عينيه و هو مازال مصر على الصمت. ..
حياة : قل ليا ا علاء شنو مخبي ... و لا واش بصح تزوجتي ب ماريا حيت درتي لها شي حاجة ولا اش ؟
علاء ( حل عينيه و شاف فيها بزربة ) هااا !!! الواليدة واش تيقيتي داكشي بصح راه قلت لك غير كنت باغي نضحك مع ماريا ... انا ... انا باغي ماريا ..
حياة ( مافهماتش ) كيفاش باغيها ؟
كيحاول يقلب على شي مصطلح ف بلاصتك كانبغيها ...
علاء : باغيها ... يعني باغيها ..
نزلو واحد اليدين فوق كتاف حياة من اللور .... كانت ضحى ...
ضحى : كايبغيها ا ماما .. علاء كيبيغي ماريا ...
هز علاء عينو ف ضحى و خنزر فيها و هي تبدا تهز ف كتافها
ضحى : ياء .. وا .. غاتعرف غاتعرف ...
حياة ( شاف في علاء ) واش ... واش بصح زعما ... ولكن ...
علاء ( مقاطعها ) اه عارف اش غادي تقولي ماريا صغيرة ... ولكن ... هادشي لي كاين ... كون ماتزوجتهاش ... كانت غادي طير من يدي ..
حياة : امم ... ايه .. واخا .. و هي .. ؟
ضحى ( جات جلسات حدا مها ) على حساب هضرتها ... فهمت بلي هي دابا هي كاتبغيه ... ولكن علاء كيعصبها و يستافزها يعني في الداخل ديالها واحد الغضب ناحيته ... ماخصوش يبقى داكشي علاش درنا هاكاك ف العشا باش تقرب ليه .. و يدوب داك الجليد لي بيناتهم
حياة : هممم فهمت ... ولكن واخا هاكاك .... راه البنت صغيرة ... علاء مادير حتى حاجة لي تآديها و لا ماغانسمحش لك ...
ضحى : امممممم على هو يقدر ... ولدك طايح فيها ..
علاء : ضحىىىى ..
ضحى : هههههه صافي هاني ساكتة .. ماما شبان لك حتى نتي تعاونينا باش نخليو ماريا تقرب من علاء ...
حياة : لي بغيتو ... انا ماعنديش المشكل ..
أنت تقرأ
🍇الوصية 🍇(مكتملة)
Action🔱 #الوصية 🔱 اربطو الاحزمة ... بعد غياب طويل ها أنا عدت بقصة من قصصي .. قنبلتي الموقوتة ههه ، جامعة بين الرومانسية والدراما والتفرشيخ والكوميديا والخيال وبزاف د المفاجآت 😻 ✒ بقلمي أنا #الكاتبة_هند_المتقي ❌ أول حاجة ممنوع النشر الا بإذني ❌ تفاعلك...
