යූ ෂිආඕ මෝ ඔහු කවරෙක්දැයි දැන නොසිටි හෙයින් ඔහු වෙත හිස සෙලවීය.
එම තැනැත්තාද වක්රාකාරයෙන් කතා නොකර, කෙලින්ම කාරණාවට පිවිසුණේය. "ලින් ෂිආඕ මට පවසා සිටියා, ඔබට පණිවුඩයක් ලබා දෙන ලෙස. මෙම දින කිහිපය තුළ ඔහු පැවරුමක් සඳහා පිටතට ගොස් සිටිනවා. ඔහු යළි පැමිණි විට, ඔබ සොයා පැමිණේවි. එබැවින් ඔබ කරදර විය යුතු නැහැ!"
යූ ෂිආඕ මෝගේ මුව රතු විය. ඔහුට එහි පළමු කොටස වැටහුණි. නමුත් අවසන් කොටසෙහි අදහස කුමක්ද? ඔහු කරදර නොවිය යුත්තේ කුමක් පිළිබඳවද? ඔහු එම තැනැත්තා පිළිබඳව කරදර වන්නේ කවදා සිටද? මෙය පැහැදිලිවම ඔවුනතර නොවූ යමක් ඇති බවක් ඇඟවීමේ උපායක් නොවේද.
ඔහුට කිසිත් පැවසීමට ඉඩ නොතබාම එම තැනැත්තා තවදුරටත් කතා කළේය. "එමෙන්ම ඔහුට අවැසියි ඔබ මෙම දින පහ සඳහාම නියමිත ප්රමාණය සූදානම් කර තිබෙනු දැකීමට. වේලාව පැමිණි විට ඔහු ඒ සියල්ලම එකවර එකතු කර ගැනීමට පැමිණේවි. එබැවින් ඔබ අලස නොවිය යුතුයි."
එසේ නම්, වැදගත් කරුණ මෙයයි. බා! යූ ෂිආඕ මෝ සිය දෑස් කරකැවීය. ඔහු කිසිදා අලස නොවූ බැවින් එවැන්නක් ඔහුට පැවසීමට අවැසි නැත. එමෙන්ම ඔහු මේ වන විට කොන්ග් වෙන්ගේ සිසුවෙකි. ඔහු සිය ශිෆුව ලැජ්ජාවට පත් කළහොත් ඉන් ඔහුට යහපතක් නොවනු ඇත.
"මා හට වැටහෙනවා. මෙහි පැමිණීම පිළිබඳව ඔබට ස්තූතියි." ඇතුළාන්තයෙන් යළි යළිත් ශාප කරමින් වුවද යූ ෂිආඕ මෝ ඔහුට ආචාරශීලීව ස්තුති කළේය.
මිදුණු දිය සේ සීතල කඩවසම් මුවකින් යුතුවූ එම තැනැත්තා ඔහු වෙත බැල්මක් හෙලා, ඒකාකාරී ස්වරයකින් මෙසේ කීවේය. "ඔබ මා හට ස්තූති කිරීමට අවැසි නැහැ. දා ශිශියොංග් මා හට පැමිණීමට පැවසුවා. මා ඔබ වෙනුවෙන් මෙහි පැමිණියේ නැහැ. එමෙන්ම ඔබ හා දා ශිශියොංග් අතර ඇත්තේ කුමනාකාරයේ එකඟතාවක් දැයි මා දැන නොසිටියද, මා සිතනවා ඔබ දා ශිශියොංග්ගෙන් ඈත්ව සිටිනු ඇතැයි කියා. ඔහු හා එක්ව සිටීමෙන් ඔබට කිසිදු යහපතක් සිදු නොවේවි."
මාගේ සහෘදයාණෙනි! යූ ෂිආඕ මෝ ඔහු වෙත දිව ගොස් ඔහුගේ හස්තය අල්වා ගැනීමට ආසන්න විය. ලින්ග් ෂිආඕ, එම නීචයා; ඔහු හා කටයුතු කිරීම ඔහුට යහපත් නොවූවාක් මෙන්ම, ඔහුට විවිධ අණ ඉටු කිරීමටද සිදුවිය. අංශුමාත්රයක හෝ පෞද්ගලික නිදහසක් ඔහුට නොවීය.
YOU ARE READING
උතුමාණන්ගේ සොඳුරිය - 01 වෙළුම
Fantasy"ඔබ මාගේ තොල් සිපගත්තේ කුමටද?" " ඔබේ තොල් මත මී පැණි තැවරී තිබේද? ඒවා කෙතරම් මිහිරිද යත් මට එය අත්හැරිය නොහැකියි." "මගේ තොල් මඳක්වත් මිහිරි නොවේ. ඇතැම්විට මිහිරිවන්නේ ඔබේම දෙතොල් විය හැකියි." "එසේනම් ඔබට ඒවා මිහිරිදැයි පිරික්සිය හැකිද? මට එය තහවුරු...