උතුමාණන්ගේ සොඳුරිය - 01 වෙළුම

37. මුහුණට මුහුණලා

ස්වෛරීභාවය අහිමි කරගැනීම හා දේශයට ගැරහීම හා සම වූ කොන්දේසි රැසකට එකඟ වීමෙන් අනතුරුව, අවසානයේ දී යූ ෂිආඕ මෝ ඔහුට අවැසි වූ පුස්තකය ලබා ගත්තේය. යූ ෂිආඕ මෝ උද්‍යෝගයෙන් පිපිරෙමින් පුස්තකය විවර කළේය. එහි අන්තර්ගතය දෙස හෙළූ එක් බැල්මකින්ම ක්ෂණිකව ඔහුගේ මුව මත ගැඹුරු විවරයක් ඇති විය.

පළමු පිටුව මත වූයේ සහමුලින්ම අපිළිවෙල වූ ඉස්ගෙඩියන් වැනි අක්ෂරය. මෙම විශ්මයජනක අක්ෂර, ඔහුට ලින්ග් ෂිආඕ වෙත කෝපයෙන් ගර්ජනා කිරීමට අවැසි කළේය.

මෙය... මෙය... මෙය... කුමනාකාරයේ සරදමක්ද? යූ ෂිආඕ මෝ ඇතුළාන්තයෙන් කෝපයෙන් ගර්ජනා කරමින් සිටියේය. ඔහු සිටියේ කෙතරම් වැරදි වැටහීමකද? එය සැබැවින්ම ඔහු පැවසුවා වැනිය. අත්පොත මේ අයුරින් ලිවීමේ හැකියාව ඇත්තෙකුට මුළු ලොන්ග් ෂිආන්ග් මහද්වීපයටම සිටියේ ඔහු පමණක්ම විය යුතුය.

ප්‍රීතිමත් ලින්ග් ෂිආඕ යූ ෂිආඕ මෝගේ සිරුර දරදඬු වනු දැක, කරුණාබරිත ලෙස මෙසේ විමසුවේය, "ෂිආඕ ශිදි, එය කෙසේද?"

සන්සුන් හා තැන්පත් ලෙස සිටීමට හැකි පමණින් උත්සාහ දැරූ යූ ෂිආඕ මෝ සිය හිස එසවීය. "ලින්ග් ශිශියොංග්, මෙය මට තවමත් වැටහෙන්නේ නැහැ."

ලින්ග් ෂිආඕ සිය දෑස් සිහින් කර ඔහුගේ මුව මත වූ අභිනය හා ඔහුගේ දෑත් මත වූ අත්පොත දෙස මාරුවෙන් මාරුවට කිහිප වරක් බලා, අවසානයේ දී ඔහුගේ මුව මත දෑස් නතර කළේය. එක්වරම අත්පොත යළි ගත් ඔහු අවඥාසහගත හඬක් නැඟුවේය. "මා බොහෝ කලකින් අක්ෂර ලියා නැහැ. එමෙන්ම මා භාවිතා කරන අක්ෂර ඔබ දන්නා ඒවාට සමාන බවක් පෙනෙන්නේ නැහැ. එසේ තිබියදී මා තවමත් ඔබේ හැඟීම් පිළිබඳව සැලකිලිමත් වනු දැකීමට ඔබට අවැසිද? ඔබට වැටහෙන්නේ නැති බැවින් ඔබට එය අවැසි නැහැ. මා පෞද්ගලිකව ඔබ වෙනුවෙන් එය වාචිකව වදනින් වදන පරිවර්තනය කරන්නම්."

යූ ෂිආඕ මෝගේ සිරුර සලිත විය. තමා වරදක් කළ බව ඔහුට හැඟුණි. ලින්ග් ෂිආඕ ඔහු වෙනුවෙන් එය වාචිකව පරිවර්තනය කරන්නේ නම් ඉන් අදහස් වන්නේ ටික කලකට ඔවුන් දෙදෙනාට දිවා රෑ පුරාවට එක්ව සිටීමට සිදුවන බව නොවේද? නමුත් එක් උදෑසනකට පසු යූ ෂිආඕ මෝට අවසානයේදී එහි මිහිරි රසය විඳීමට හැකි විය.