ملاحظة يا بنات أنا كتبت الحلقة ربنا يعلم بيا أنا بمر بوقت صعب جداً قطتي ماتت قصاد عيني و وهى عشرة عمر معايا بقالها ٦سنين ونص ممكن تشوفه ده تفاهة لكن ربنا يعلم بيا قد ايه أنا حزينة ومتأثرة جامد ونفسيتي تعبانة جداً بسببها ياريت محدش يستهزئ ويضايقني بكلمة لأن مشاعر الناس مش زي بعض بأتمنى منكم كلمة طيبة...
دعواتكم رجاء... ليلة عادل
♥️~*رواية الوفاء العظيم
بقلمي ليلةعادل✍️*~❤️
الحلقة الرابعة والأربعون
شقة إسلام ٨م
يجلس إسلام على الأريكة و هو يحتسي كأس من الخمر ...... و بعد قليل تدخل ناريمان عليه بعد أن فتحت الباب بالمفتاح الخاص بها ....... جلست على المقعد المجاور له و وضعت قدم فوق الأخرى وهي تقول بسخرية : إيه مش ناوي تخرج من صدمة حبيبة القلب ، ده لو عندك قلب يعني
إسلام بضيق : ناريمان أنا مش فايق لكلامك ده
ناريمان بشدة : امم بس لازم تفوق و تفوق أوي للي جاي
إسلام باستغراب : ليه يعني؟؟ إيه اللي جاي؟!!
ناريمان : ابنك يا سولي
نهض إسلام بغضب وهو يقول : عملتيها يا ناريمان
ناريمان ببرود قاتل : اممم عملتها. ... آه يا روحي معقول ما نفسكش في سولي صغير يقول لك يا بابي
إسلام بغضب : الطفل ده هتنزليه
ناريمان : ده بعينك يا ابن الطحان و أنت هتتجوزني بإرادتك أو غصب عنك
إسلام وهو يضحك بسخرية : ههههه ضحكتيني اخبطي راسك في الحيطة يا ناري يا حبيبتي أنا مش هخلف منك ولا هيبقى ليا ابن منك
ناريمان ببرود لكن بشدة وتحذير : اضحك زي ما أنت عايز بس في الآخر هنشوف مين اللي هيضحك.... فأحسن لك نتجوز بكرامتك بدل ما تتجوزني و أنت ممسوح بيك الأرض من أبوك
بحركه سريعة أمسكها إسلام من فكها بشدة وجذبها نحوه بغضب شديد : أنتي بتهدديني.... ما عاش و لا كان اللي يهدد إسلام الطحان
دفعت ناريمان يده عنها بقوة وشدة : زي ما تعتبره و إذا أنت إسلام الطحان أنا ناريمان راسخ بنت عمران راسخ اللي ابوك مش مستعد يخسره لو دقيقة واحدة ، و أبوك كدة كدة مش طايقك فا الأكيد لو روحت وقولتله إني حامل منك هكون بفتح عليك باب جهنم جديدة أنت مش قدها ، و في الآخر برضو هتتجوزني
إسلام : و أنتي هتكوني مبسوطة لما اتجوزك و أنا ما بحبكيش ومش طايقك
ناريمان : مش مهم المهم اللي أنا عايزاه هيتم
إسلام : أنتي حقيرة يا ناريمان
ناريمان بضحكة عليا : هههههه أنت آخر واحد يتكلم عن الحقارة.... سولي كل اللي قدامك يومين بالظبط تفكر فيهم و افتكر إن كدة أو كدة اللي أنا عايزاه هيحصل باي
YOU ARE READING
الوفاء العظيم
Romanceحين رأيتك شعرت بشيء غريب لم أشعر به من قبل كاد قلبي أن تتوقف نبضاته التي تسارعت بشدة شعرت بعاصفة زلزلت كياني كله ماذا فعلتي بي يا فتاة جعلتي قلبي رغما عنه يعدك ألا تسكن به غيرك و عيني تقسم بالله أن لا ترى غيرك فجميع النساء من بعدك سوااء فهذا العال...
