كان أدهم يحادث مرام التي فجأة جحظت عيناها و هيا تنظر خلفه فالتفت ليري ماذا هناك فشعر بدقات قلبه التي أصبحت تقرع كالطبول عندما شاهد تلك الفاتنة تنزل درجتي السلم و هيا ترتدي القميص الخاص به و الي يصل الي منتصف فخذها مما يجعلها آيه ال الجمال و الفتنه و خاصتا و هيا تتقدم نحوهم بذلك الدلال فجف حلقه و احتبست أنفاسه انبهارا و تأثرا بمظهرها الخاطف للأنفاس فشرد لثوان يتأمل كل إنش بها غافلا عن كل شئ حوله ليستفق علي لمسات اصبعها فوق صدره و هيا تنظر إلي تلك التي تقف مشدوهه بما تراه و سرعان ما تجاوزت صدمتها عندما سمعت صوت غرام الساخر و هيا تقول ناظره لأدهم
" ايه يا أدهم احنا عندنا ضيوف و لا ايه ؟؟"
كان أدهم ينظر إليها بوله فلم ينتبه لسؤالها لتناديه بدلال
" دومي . "
ادهم بعشق
" عيونه "
غرام بسخريه غلفتها بالدلال
" هو احنا عندنا ضيوف ؟"
" لا دي مرام كانت جايه و ماشيه علي طول .."
غرام بسخريه
" كدا من غير ما تشرب حاجه .. دا يبقي عيب في حقنا .. اتفضلي .."
قالت جملتها الأخيرة ناظرة الي مرام التي ارتسمت بعيناها أطنان من الغضب و الحقد و لكنها رسمت ابتسامه صفراء و هيا تتوجه الي الصالون حيث أشارت غرام و جلست لتتفاجئ بأدهم يجلس و غرام تجلس علي قدميه و بين أحضانه و هيا تقول بدلال
"انا مرام خطيبة أدهم الأولانيه و اول حب في حياته معقول محكالكيش عني !"
غرام متصنعه التفكير ثم قالت بتنهيدة و براءة مفتعله
" الحقيقه أدهم حكالي عالحاجات المهمه الي كانت في حياته قبلي بس الحاجات الهايفه لا مجابليش سيرتها .."
شعرت مرام بأن الأرض تهتز بها و بأنها قد تلقت صفعه قاسيه لتوها من غريمتها جعلتها تهب واقفه و هيا تقول بغضب
" انتي قليله الأدب !"
اشتعل غضب غرام من تلك السليطه اللسان و ما كادت أن تجيبها حتي وجدت يداه تقرص علي خصرها الذي يعتقله بين ذراعيه لتلتفت إليه فوجدته يقول بشراسه
" متخلقش لسه الي يهين مرات أدهم الحسيني .. لسانك دا لو اتطاول عليها تاني هقطعهولك . فاهمه و لا لا ؟ "
مرام بإنفعال
" هيا الي غلطت فيا الأول .."
ادهم بصرامه
" هيا تغلط براحتها . لو خلصتي الي جيتي عشانه اتفضلي يالا من غير مطرود .."
مراد بسخريه
" لا لسه مخلصاش .. و مدام انت مخدوع اوي كدا في الست هانم يبقي اتفضل شوف حقيقتها بنفسك .."
اختتمت جملتها و أخرجت من حقيبتها ظرف ناولته إياه و ما أن فتحه حتي اسودت عيناه من الغضب و…….
**********
الإقتباس دا هديه عشان الروايه وصلت ٩٠٠ الف قراءة و الخبر دا فرحني بالرغم من اني زعلانه جدا عشان تعب فارس ادعوله كتير ربنا يشفيه ♥️ شكرا بجد لكل الي دعاله و بعت يسألني و يطمن عليه ♥️
عايزة اعرف رأيكوا في مشهد كاميليا و يوسف و راضيين عنه أو لا عايزة اعرف توقعاتكوا لالي جاي و تفتكروا مين هيضرب بالنار البارت الجاي ؟
بليز عايزة مناقشه في الكومنتس و رجاءا رجاءا كثفوا الفوت و الكومنتس عشان الروايه توصل لأكبر عدد من الناس و تتقرأ ♥️
استمتعوا بالاقتباس دا لحد معاد الفصل و قولولي رأيكوا في غرام القردة دي 😂😂
متنسوش تتابعوني و تنضموا للجروب دي صورته
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
