كنت حابه اوضح حاجه بسيطه بالنسبه للروايه بتاعتي ✌
انا روايتي اسمها " للعشق وجوه كثيرة "
*معني العشق بالنسبالي هو السلام النفسي الي بتوصاه مع نفسك لما توصل لنقطه اليقين بأن الشخص دا بمثابه كل عالمك و انك من غيره ملكش وجود...
هو التسليم بانك من غير ه متقدرش تعيش لحظه واحده انك قادر تستسلمله و قابل يجرفك تيار عشقه و عندك استعداد تكمل معاه بالرغم من كل الالم و الغموض و المعاناه لان كل دا ميجيش نقطه في بحر عشقكوا ❤
نظرة حب واحده منه بتخليك قادر تسامح جبال الذنوب الي ارتكبتوها في حق بعض عشان العشق الي بينكوا اقوي بكتير
و دا الي انا بحاول اوصله من خلال روايتي ان في حب كدا بييجي في العمر مرة يا بنحارب عشانه و نغفر خطاياه يا اما بنسيب الكبرياء يتحكم فينا و نضيع من بين ايدينا الي مش هنقابله تاني طول حياتنا ❤
يوسف و كاميليا قصه حب كبيرة و العقبات و الحواجز فيها اكبر و سر تجاوز العقبات دي هو الغفران الي مش هيخرج غير من قلب بيعشق بكل ما للكلمه من معني
في الغاز كتير بينهم و حقائق صاعقه هتفاجئكوا كلكوا بس صدقوني هيا بالنسبالي مش مهمه قد مهمه وصولهم لبر الغفران الي هيخليهم يتغلبوا عليها سوي
لو في بارت او بارتين لقتوني اخدت منحني الهدوء شويه تأكدوا اني بعمل دا لحاجتين
* أولا عشان الروايه دي تصنيفها رومانسي و دا حاولت اظهره اوي في البارتين الي فاتو من خلال كارما و مازن كمان في حب كبير بين غرام و أدهم الي لازمله عده صدمات عشان يفوق و يعرف انه مينفعش يضيع غرام من ايده حتي و هو لسه مقتنع انها مش تمام و تقريبا كلكوا عجبكوا طريقه انتقام غرام منه و دي اول سلمه فيه
*ثانيا تأكدوا ان دا الهدوء الي ما قبل العاصفه و مش حلو ابدا ان كل بارت يكون في عاصفه عشان كل حدث ياخد وقته علي الاقل في ذهن القارئ يقدر يستوعب الاحداث
الاسرار الي في الروايه هتبدأ تتكشف واحده واحده و وقتها صدقوني ان شاء الله هتستمتعوا و هتحسوا ان انتظاركوا مرحش هدر
**حاجه كمان الروايه كلها احداث بس في احداث صاخبه و احداث هاديه و دا رتم انا قاصده امشي بيه لاني بصراحه بستمتع بردود افعالكوا اوي ❤😍
** حاجه أخيرة دي تقريبا اربع روايات مع بعض وانتوا شايفين انا بحاول ادي كل كابل حقه في المشاهد و المشاعر و الاحداث
اتمني اكون حد خفيف علي قلبكوا و روايتي تكون روايه شيقه بالنسبالكوا و متحسوش لحظه فيها بالملل.. مشكلتكوا ان كلكوا مركز مع سر كاميليا حاولوا تتناسوه شويه و تستمتعوا بالاحداث ووصدقوني هتلاقوه في لحظه صادمه محدش هيتوقعها 😉😉
اتمني لو حد عنده رأي او انتقاد يتفضل يقولو و انا عنيا ليكوا ❤
دي اول روايه ليا و حابه انها تكون نقطه انطلاق قويه و خطوه مهمه في مشواري فاتمني منكوا انكوا تدعموني ❤❤❤
