في حي الزمالك

"توضيح نهاية الرواية"

مساء الخير وحشتوني جدًا جدًا، مبدأيًا شكرًا على دعمكوا المتواصل وشكرًا عالكومنتات القمر عالفصل الأخير والڤوت وشكرًا إننا الحمدلله وصلنا ل 700k قارئة وقارئ.♥️✨

طيب أنا كنت سايبة الناس تقرأ الفصل الأخير ويقولوا رأيهم براحتهم الكام يوم اللي فاتوا قبل أما اطلع أوضح كام نقطة كده عشان في ناس اعترضت عالنهاية وفي ناس مفهمتهاش أوي.♥️

أولًا: شكرًا لكل شخص قرأ الرواية ودعمني وخد من وقته عشان يعمل ڤوت/كومنت/ميم/فيديو وأي مظهر من مظاهر الدعم يعني.♥️

بالنسبة لنهاية الرواية... أنا حابة أقول أنا مقتنعة بيها بنسبة ١٠٠٪ وشايفة أنها مش محتاجة أي تغير ومش ناوية أغيرها (على الأقل في الوقت الحالي)، أنا هدفي من الرواية مش مجرد توصيل مشاعر وبس لا أنا بوصل رسالة معينة وعايزة أوصل لحاجة معينة والحمدلله وصلتلها وحسيت أني كفيت ووفيت في كل حاجة في الرواية.♥️

طيب أولًا يا جماعة أنا مش بغير أحداث ولا بعدل أحداث عشان القراء عايزين كده رأيكوا طبعًا على عيني ورأسي ويحترم جدًا ولكن أنا مش بغير حاجة عشان حد لأني ببقى مخططة الحاجة من بدري.♥️

ثانيًا: كده الواضح إن في بعض الناس بتنسى أو بيختلط عليهم الأمر فا لازم افكركوا تاني تاني تاني وبأكد عليكوا... الرواية الأبطال الرئيسين بتوعها هما رحيم وأفنان وهما أهم شخصيتين ودول أنا جبت تفاصيلهم.♥️

أنس/ميرال/نوح/مريم/أروى/ريماس/آسر كلهم شخصيات ثانوية مش لازم اشرح تفاصيل حياتهم ولا اجيبها اصلًا يكفي أني شرحت بإختصار هما حياتهم هتمشي ازاي لكن اكتر من كده ملوش لازمة وحشوا عالفاضي بالنسبالي.♥️

أنا كنت بوضح حاجات كتير من الرواية بعيدًا عن تعلقكوا بالأبطال بس أنا كنت بعرض الآتي:

علاقة الأب ببنته/ العلاقات التوكسيك/ علاقة الصداقة وازاي الصحاب ممكن يبقى ليهم تأثير كبير على حياتنا/ علاقة الأخوات ببعض/ الأمراض النفسية وإن عادي نروح نتعالج مش عيب/ العلاقة في الحلال هي الصح وأحلى مليون مرة من حاجة حرام ومستخبية/ الفروق الإجتماعية ممكن تختفي بالتفاهم والحب والود/ الفلوس مش كل حاجة/ القرايب ممكن يبقوا مؤذيين أكتر من أي حد/ الحب مش كافي لإستمرار العلاقة/ الكرامة أهم شيء في الحب (من غير كرامة مفيش حب).

دي نبذة عن المواضيع اللي ذكرتها وفي حاجات تانية بس ممكن أكون نسيتها.♥️

بالنسبة لأنس وميرال تحديدًا فأهم جزء في علاقتهم كان رحلة العلاج واللي طريقة اللي قابلوا بيها بعض وازاي عرفوا يتخطوا المحنة اللي كل واحد كان فيها سوا لكن أكتر من كده ملوش لازمة بالنسبالي وهيبقى مكرر.♥️ حتى لو أنتوا شايفين إنكوا كان نفسكوا في مشاهد أكتر ببساطة ممكن تتخيلوها لكن بالنسبالي أنا مكتفية جدًا وملهاش لازمة الزيادة في حاجة.

-حاجة تانية لازم تبقوا فاهمينها يا جماعة... الروايات ليها نهاية وأحنا مش هنفضل عايشين مع الأبطال طول العمر أعتبروهم هيعيشوا حياتهم ويكملوها عادي جدًا واعملوا سيناريو في دماغكوا للي ممكن يحصل...

- مش لازم النهاية توضح كل حاجة في الرواية، النهاية لو موضحة تفصيلة تفصيلة هتبقى حاجة مملة جدًا من وجهة نظري أنا ببساطة قولتلكوا إن أفنان ورحيم كملوا حياتهم مع بعض وخلفوا... أنس وميرال كمان أتجوزوا وخلفوا... محدش من العائلة مات...

-بالنسبة لأروى هي كمان اتجوزت وممكن نستشف من النهاية أنها اتجوزت آسر اللي قابلته في الفرح.

-بالنسبة لنوح وريماس دول تحديدًا سيبت الحتة بتاعتهم مفتوحة لأن هما الإتنين عندهم مشاكل كتير في التربية و issues كتير في العموم فوارد أنهم يعرفوا يتفاهموا ويكملوا ووارد لا.

-بالنسبة لمريم ممكن تكون اتجوزت أو متجوزتش دي حاجة مش مهمة ممكن تتخيلوها أنتوا (ملحوظة مش كل الناس بتتجوز في ناس بتكلم حياتها لوحدها فممكن نعتبرها كده عادي...)

-والد أفنان زي ما أحنا شوفنا هو انسان متفاهم ومتسامح ممكن زيادة عن اللزوم وفضل ساكت سنين على موضوع الورث فنفهم من كده أنه غالبًا مش هيرفع قضية عشان يرجع حقه...

-مامت أنس لسه زي ما هي بتتعالج ومعاها طاقم طبي عادي وأنس لسه شايفها مذنبة ونظرته متغيرتش كتير.

دي ببساطة معظم الحاجات اللي كنت عايزة أقولها، أنا مش مجبرة أوضح كل التفاصيل واستحالة تلاقي كاتب واضح كل فتفوتة في الفصل الأخير ولو حد عمل كده (ولو إني أشك) فهو براحته لكن أنا مش مقتنعة بالفكرة وشايفه أنها مملة.♥️

ملحوظة أخيرة: مفيش جزء تاني من الرواية ولا نوڤيلا أنا أكتفيت كده، بس ممكن (بس مش أكيد يعني) إن أنا أكتب فصل إضافي.♥️

في النهاية بحبكوا جدًا وأتمنى نفضل مع بعض دايمًا وإن شاء الله نتقابل في عمل جديد هينزل قريب بإذن الله.♥️✨

(بعتذر لو كلامي باين جامد أو حاد شوية أنا مش قصدي أكيد كلكوا صحابي وأخواتي وكلكوا عارفين غلاوتكوا عندي عاملة ازاي مش محتاجة كلام.♥️)