One Shots Anthology

Acceptance

—

"Ma'am Heart, kwento ka naman ng love story mo, 'yong lagi mong binabanggit sa 'min?"

Nagulat ako sa hiling ng estudyante ko na si Nica. Nica is my top student and grade 10 ang hinahandle ko na year level. Katatapos lang ng quarterly exams nila at free time nila since maaga silang natapos. Hindi ko pa sila pwedeng pauwiin dahil may isang oras pa bago mag-ring ang bell.

"Sus, bakit naman gusto niyong malaman ang love story ko ha?" Natatawa kong tanong. Siguro nga nacurious na sila. I've been mentioning him to them everyday. Hindi ako magsasawang banggitin ang pangalan niya sa ibang tao.

"Eh ma'am, lagi niyo po kaya siyang binabanggit. Para ngang may heart 'yong mata niyo kapag sinasabi mo 'yong pangalan niya eh," sagot naman ni Paula.

"Nako kayo, o sige. Since free time naman na, I'll tell you my story of acceptance." Mapait akong ngumiti at mababakas ang pagtataka sa ekspresyon nila pero 'di k ona inintindi pa 'yon. Hinatak ko ang upuan ko saka dinala 'yon sa harap. Umupo ako nang diretso saka sila nginitian.

"Since y'all ang curious, I was in a relationship with Oliver, my one and only lover. He's actually full of green flags. More than the bare minimum ang pagtrato niya sa 'kin which is, dapat lang, 'di ba? Kasi gan'on naman talaga dapat. Deserve nating lahat ng higit pa sa bare minimum," panimula ko.

"He started courting me noong first year high school kami. I experienced the friends to lovers trope, 'cause childhood friends kami na nagkaaminan noong elementary graduation. He courted me for 4 years and sinagot ko siya noong senior high. At alam niyo? Hindi ko ma-describe sa salita lang kung gaano ako ka-swerte na ako 'yong minahal niya. Kung paano niya ako itinrato sa loob ng apat na taong panliligaw niya, ganoon pa rin n'ong naging kami na. Syempre, mas special dahil may label na kami."

I reminisced the times when we always go out after classes. Lagi niya 'kong itetreat sa paresan malapit sa school o kaya street foods. Kapag may budget kami, mag-mamall kami, kakain sa fast food, o manonood ng sine. Tapos bago umuwi, maglalakad-lakad kami sa seaside kapag gabi habang malalim ang usapan namin. Napangiti ako nang maalala 'yon. Simple 'yon para sa iba, pero para sa 'kin? Ang memorable n'on kahit palaging nangyayari dahil 'yong taong mahal ko naman ang kasama ko sa memorya na 'yon.

"Ang sweet, sana may ganiyan din ako," komento ni Charm habang nakasandal sa balikat ng boyfriend niya. I chuckled, bawal pa naman ang PDA pero sige, pagbigyan ko muna ngayon.

"Nandito na 'ko gusto mo pa ng iba," inis na sagot ni Marcus, 'yong boyfriend niya. Pinanood ko silang maglambingan habang ang mga kaklase nila ay nagpapakita ng bitterness dahil masyadong matamis ang dalawa.

Hindi naalis ang ngiti sa labi ko, dahil kahit isang dekada na ang nakalilipas, hindi maaalis sa ala-ala ko na minsa'y naging ganoon din kami ni Oliver.

"Shh, tama na 'yan! Ma'am, tuloy mo na po!" Pagsaway ni Nica sa mga kaklase niya kaya naman nagpatuloy ako.

"We were so in love. Bihira kami mag-away lalo na noong college. Lagi naming naiintindihan ang pagka-busy ng isa't-isa lalo na kapag 'di na kami nakakapagkita. Sabay kaming gumraduate, sabay naming tinupad ang mga pangarap namin."

"Ma'am, 'di ba po nabanggit mo na Architecture ang kinuha mo noong college ka? Bakit mo po pinursue ang pagiging teacher?" Takang tanong ni Marcus, and yeah, he's right. I finished Bachelor of Science in Architecture but a year after, I started to study again and Educ naman ang kinuha ko.

"Papunta pa lang tayo sa exciting part, Marcus. Chill ka lang diyan. Mahaba pa ang oras," natatawang saad ko.

"Pagkagraduate ko ng college, we celebrated our 8th anniversary. Mas nauna kasi siya gumraduate since 4 years lang ang program niya samantalang 5 years ang archi. So after all of those years, we're finally engaged! He proposed to me noong nag-beach kami para mag-celebrate ng graduation ko and anniversary. When the sun is finally starting to set, he proposed. What made it more romantic is kami lang 'yong tao so naeenjoy namin 'yong moment kasi kaming dalawa ang nandoon."