سيبال : الياس و لميس !!! واش راهم يديرو كيف كيف
راحت للبالكون عاقدة حواجبها حتى سمعتو يقوللها
الياس : ههه صدق لي قال الدنيا دوارة ... كيما خليتيني الاغا رجع خلاك ؛ انا اكثر واحد فرحت كي فسخ الخطبة هكا بلاك تعرفي واش منتها الواحد يخليك فالنص
لميس : هههه خليك مني الياس ، لي مكتوب فالجبين ما يمحوه اليدين و اسلام مكتوبي حب ولا كره راح يتزوج بيا و واحد فالدار مراح يقبل يتزوج بغيري بصح لي يغيض نتا مزوج بوحدة ماشي حامل تشوف وجهها و عقلك و قلبك مزالهم عنديجبدها من يدها مزير عليها
الياس : اعرفي واش راكي تخرجي من فمك
لميس : وعلاش غلطت ... يا ما بكيت و حللتني باش نوليلك كي المذلول
الياس : لميس متخليميش نضربك اعرفي كيفاش تهدريدورو راسهم وقت سمعو سيبال خبطت فالحيط من الشوك ؛ عينيها لي تعمرو بالدموع و هي تسمع فيهم
الياس : سيبال
راحت تجري دموعها شلال كلش قاعدة تشوف فيه ضباب ما كذبت لحقت لشمبرتها ؛ شافتها فايزة راحت تجري ليها
فايزة : سيبال وشبيك بنتي
سيبال : ماما خلينيدخلت غالقة موراها الباب و فايزة ما فهمت والو شوية و تلقى الياس جاي حكمتو من يدو
فايزة : الياس وشبيها بنتي واش درتلها
الياس : ماشي وقتك عمتي
فايزة : الياااس لوكان تكون كشما درتلها القصر نهدو على راسكدخل للشمبرة يحوس عليها ملقاهاش عرفها فالدوش قعد يخبط فالباب لي كانت مغلوقة
الياس : سيبال افتحي نهدرو
اما هي فكانت فعالم واحد اخر طايحة فالارض عينيها جامدين و دموعها يسيلو هذا كان جزاء طيبتها و حبها ليه .....عمرها ما ايماجينات يكونوا يلعبوا عليها و هي كي البهلولة وسطهم و معلبالها بوالو ....عياطو و خبيطو كانت تحسهم بعاد غمضت عينيها مستسلمة للوجع لي حاستو فقلبها
.........
اسلام : كيفاش كيفاش ؟؟؟
هند : اههه ... انا قصدي ... يا اغا
اسلام : راني نهدر معاك بصفتي خوك ماشي اغا وعلاش تشوكيتي كي قلت بلي خطبوك ؛ كشما كاين
هند : لالا ، بصح ... يعني مكنتش مستنيتها برك
ليندة : يا اغا لي تشوفوا مليح هداك هو
اسلام : يعني قابلة تمدي بنتك
ليندة : ايه قرايتها و كملتها راهي فعمر الزواج
اسلام : و نتي هند
هند : .... لي تشوفوا يا اغا
اسلام : هادي حياتك ماشي حياتي انا هند ... سيد هذا سقسيت عليه مربي و خدام و ما عندو ما خصو بصح منقدرش نرايي من عندي
ليندة : واش عندها باش ترفض مدام لقيتو مليح خلاص ....دارلها بيدو حبسي
اسلام : خالتي تقدري تخرجي و تخلينا
حمحمت ليندة و خرجت و هو ناض وقف على ركايبو مقابل هند لي كانت مهبطة راسها
YOU ARE READING
عشيرة الاغا _ باللهجة الجزائرية _
Romanceحكايتنا هاد المرة غير ؛ فيها نوع من الخيال تحكي على عشيرة الفارسي و ابطالها هما قمرة و اسلام و الباقي تعرفوه فالحكاية ملاحظة : الكرونيك من تأليفي و هي خيالية لا علاقة لها بالواقع