جازوا اليامات هادوك و قمرة كل يوم تحوس على خدمة بصح كيما قالتلها لورين صعيب بزاف باش تلقى و الدراهم لي كانو عندها خلاصو ؛ الليلة هديك باتت تخمم و فالاخر قررت ترجع للقصر هذا هو حلها الوحيد
.......
في اليوم التالي :
اناهيد كانت قاعدة تشرب فقهوتها فالجنان حتى جات ليها نور
نور : مدام قمرة جات و حابة تشوفك
تبسمت اناهيد
اناهيد : ههه كنت مستنيتها اصلا خليها تدخل
خرجت ليها نور
نور : راهي تستنى فيك
.........
منى : مامااااااا
جات تجري
لورين : خير منى
منى : ماما مديلي دراهم و قولي لكاش واحد يديني للمدينة لازم نروح نشري
لورين : مني وين تروحي تاني راكي فكل مرة تطلعي
منى : ماما معنديش حوايج
دلكت راسها
لورين : خلاص ديري لي تساعدك
خرجت من تما و راحت لشمبرتها
لورين : شاهين بنتك راهي حابة تروح للمدينة تشري
شاهين : السمانة لي فاتت كانت تما
لورين : روح فهمها نتا انا خلاص موليتش نقدر عليها عقليتها راهي ماشية و تزيد تصعاب
شاهين : معندها وين تخرج اصلا الحالة راهي مخلطة شوية متقدرش تخرج من العشيرة
لورين : خير تاني
شاهين : كاين مشاكل مع عشيرة هشام و اذا اسلام مسقمش العلاقات راح تنوض حرب بيناتنا
لورين : ربي يجيب الخير مالا روح هدر معاها نتا مرانيش قادرة على عياطها
شاهين : ايه
خرج قاصد شمبرتها
منى : باباتي
شاهين : الزينة تاعي واشراكي
منى : شوية بابا
شاهين : خير وشبيك
منى : زعفانة منك رجعت متسقسيش عليا
شاهين : ههه هذا ماكان يا سيدي سمحيلنا ... قاتلي يماك بلي حابة تروحي للمدينة
منى : ايه
شاهين : متقدريش بنتي تروحي
منى : وعلاش بابا لازم قبل ميخلاص الصيف نكون شريت علبالك منبعد نرجع لاسبانيا و مع القراية منقدرش نخرج
شاهين : مزال الوقت بنتي هداوين بدا الصيف اصلا
منى : بصح منقدرش
شاهين : مننى خلاص بنتي قلت متروحيش
قلبت عينيها متشنفة و هو حرك راسه و خرج
.......
اناهيد : ايه مالا قلتيلي حابة ترجعي تخدمي
قمرة : ايه
شربت من القهوة متبسمة و قالتلها
اناهيد : يعني درتي درتي و وليتي
قلبت عينيها
قمرة : راني مسحقة هاد الخدمة على هادي رجعت سينون منوليش و زيد نتوما تاني تسحقوني كيما راني مسحقة هاد الدراهم
اناهيد : ....... بيييية
جات بية وقت عيطتلها
بية : مدام عيطتيلي
اناهيد : ايه ؛ ادي معاك قمرة و وريلها القصر و عرفيها بالنظام هنا و الماكلة لي توافق كل واحد راح تكون هي المسؤولة هنا على الطياب ... ااهههه و وجديلها شمبرة لتحت مع البنات
قمرة : بصح عندي دارنا نبات فيها
اناهيد : و حنا الخدامات ممنوع يخرجو فالليل و نتي متكمليش حتى لليل اذا كشما صرالكم برا حنا لي نتحملو المسؤولية ؛ راح تولي كل خميس عشية يوصلك واحد من الحراس للدار و ترجعي بالاحد و فالويكاند قولي لفريدة هي تستلم الطياب
بية : حاضر
قمرة من جهة فرحت هكذا متتلقاش بباباها بصح هكاك و راح يقعد بالها مع ختها و يماها ؛ راحت مع بية وراتلها القصر و داتها للكوزينة تهدرلها على كل واحد واش يحب
بية : اسمعيني مليح قمرة هنا لازم قهوة الصباح تكون واجدة على السبعة ؛ و الاغا توجديلو قهوتو وحدو لشمبرته و تكون بلا سكر ولازم قبل ما يكون جا من التدريب تكوني وجدتيها ؛ الخبز لازم كل يوم يطيب للفطور و العشاء بلا خبز و راح نمدلك ورقة فيها الحاجات لي يتحسسو منها العائلة و ايه و مدام لميس منسحقكش ديري معاها مشاكل و ماكلتها توجدهالها الاخصائية تاع الرجيم تاعها و الماكلة لازم تتحط فالوقت
قمرة : ايه فهمت
بية : مليح و دوكا روحي خممي للفطور كلش راهو قدامك
قمرة : امممم
خرجت بية و قمرة شافت لميس جايزة لي وقت شافتها عقدت حواجبها و قمرة تبسمت معاها و دارتلها بصباعتيها هااي
لميس : واش جابك
قمرة : ... اهههه سقسي عجوزتك ... قصدي مدام اناهيد هي لي جابتني
غزرت فيها مكرزة و راحت
قمرة : دوكا هادي تاع رجيم قعد فيها غير العظم وين راهي حابة تزيد ..... مفهمتش كيفاش خزر فيها الاغا مسكييينة
دارت جبدت الخضرا و راحت عند بية
.......
قاعدة فوق الفوتاي تتبسم مع الكتاب لي تقرا فيه حياتها كامل و هي تموت على الكتابات ؛ وقت سمعت صوتو قلبها خبط تبسمت و ناضت
......
كان جايز حتى حبستو
سيبال : اليااس
الياس ( دار عندها ) : ... اههه سيبال خير !!
YOU ARE READING
عشيرة الاغا _ باللهجة الجزائرية _
Romanceحكايتنا هاد المرة غير ؛ فيها نوع من الخيال تحكي على عشيرة الفارسي و ابطالها هما قمرة و اسلام و الباقي تعرفوه فالحكاية ملاحظة : الكرونيك من تأليفي و هي خيالية لا علاقة لها بالواقع
