لميس : سراج وشراك يوووه شحال عندنا متلاقيناش علبالكم مكنتش مستنية جيو
سراج : كيفاش ما نجيوش و طاطا فايزة عيطتلنا
سيرين : ههه ايه حقا كلشي مبروك اسلام و لميس على الخطبة كنا حابين نجيو بصح مقدرناش
لميس : العقوبة ليكم
سيرين : ان شاء الله
سراج : انا وقت سمعت بلي اسلام خطب جاتني بيزار الاغا دارها يااه
اسلام : ايه واش حبيت
لميس : ههه جا كلش بالزربة معليش
سراج : يا سيدي ربي يهنيكم ان شاء الله
قطع كلامو وقت شاف قمرة واقفة و قعد يخزر فيها
لميس : وين رحت .... سراااج
دورت راسها شافتو يخزر فقمرة و سيرين تاني زادت دورت راسها
سيرين : اوهوه قمرة راهي هنا
لميس : تعرفوها !!
سيرين : ايه كانت خدامة عندنا بصح تحلبت ههه مخليينها توقف مع ضيوف العائلة الحاكمة
سراج : سيرييين
قمرة تسرسبت للكوزينة و محبتش تخرج كان خايفة سيرين دير المشاكل بارسك تعرفها مليح و تعرف واش قادرة دير قعدت لتما حتى وقت سيبال و الياس هبطوا باش يلبسوا الخاتم خرجت غير بسيف
.......
وقت لبسوا الخاتم و قطعو الباتيسري بداو يسفقو و يزغرتو ؛ قمرة ديرونجات من سراج و سيرين لي جاو سورتو سراج لي محبش ينحي عينو عليها ؛ راحوا الناس يباركو للعرسان وقتها سيرين راحت عند قمرة
سيرين : اوهوه قمرة الدنيا شحال صغيرة رحتي رحتي و رجعنا تلاقينا
قمرة : يااا شفتي ... راني سور بلي فرحتي شفتيني
سيرين : بزاف ايه محكيتيليش كيفاش درتي مور ما تحاوزتي كي سرقتي يعني كيفاش حتى لحقتي لهنا
قمرة : سيرين مسكينة شحال قلبك كبير و تخممي على الناس لدرجة انك تسرقي و تمسحي فيهم الموس واو
سيرين : هههه تتت عيب عليك قمرة تقوليلي هكذا و انا دايراتك كيما ختي بصح عندك الحق انا نخمم عل الناس بزاف و الصراحة منقدرش نخليك تزيدي تسرقي ناس واحد اخرين نخاااف
دورت راسها غمزت لميس و رجعت لقمرة
سيرين ( بدات تعيط ) : اههههه هادي السراقة واش راهي دير هنا
سراج : سيريين
لورين : واش راكي تهدري نتي
سيرين : اهههه طاطا معلبالكمش اهههه غضتوني .... طاطا فايزة الطفلة لي قدامكم سرقتنا وقت كانت تخدم فدار سراج
لميس دارت يدها على فمها
لميس : اههه كيفاش
سيرين : ايه سقسيوها على الشي لي خلاها ترجع من المدينة لهنا .... هي تحاوزت و كي ملقاتش وين جات تزيد تنصب عليكم
لورين راحت عندها تهدر
لورين : اعرفي واش راكي تهدري خير ما نعوجلك وجهك
شاهين : لورين
شدها من يدها و دارلها بعينيه حبسي
شاهين : يا بنتي اعرفي واش راكي تهدري
سيرين : عمو راني نهدر فالحق اذا حبيتو سقسيوها الذهب لقيناه عندها فالشمبرة مور ما حوسنا عليه
قمرة : ايه لقيتوه عندي بصح ماشي انا لي سرقت حياتي كامل عشت محتاجة بصح جامي مديت يظي لحاحة غيري و مراحش نمد
بيلسان : ههه وحنا راح نامنو
هند : سيرين عندها الحق وحدة كيما نتي ...
لورين : هنننند
سيرين : سمحولي بلاك مكانش لازم نهدر معلباليش بلي متحبوش على لخدامة تاعكم
شاهين : الله يهديك الطفلة لي راكي تهدري عليها بنتي و راكي غالطة قمرة مراهيش مالنوع لي يسرق
لميس تبسمت و رجعت شعرها للور
سيرين : مالا مزال متعرفوش قمرة مليح
سراج : سرين خلاص
سيرين : وشنو سراج وعلاش راك تخبي عليها ياك سرقتلك يماك ولا نسيت
عقدت حواجبها و ربعت يديها
قمرة : لوكان كان عيني فالدراهم صح لوكان مرانيش اليوم خدامة عند والديا
دنات عندها و قالتلها بلعقل
قمرة : تخلصيها غالية ولا منكونش قمرة
......
فايزة : خلاصت الحفلة سمحولي على واش صرا
ودعت ضيوفها و وقت خرجوا راحت جبدت سيرين من يدها لي نخلعت من لارياكسيون تاعها
فايزة : كيفاش ديري هكذا
سيرين : واش درت
فايزة : واش درت اسمعي منسمحلكش جي للفيونصاي تاع بنتي و تخربيه
سيرين : طاطا انا ...
فايزة : لي هدرتي معاها تكون بنتنا و تكون من العائلة الحاكمة فهمتي معندكش الحق جي و تحاسبيها هكاك و ماليوم متزيديش جي لهنا
لميس : اههه عمتو وعلاش ... هي بلاك غلطت بصح
فايزة : بلعي نتي .... و دوكا اخرجوا عليا منسحقكمش
سراج : مدام فايزة سمحيلي فبلاصة سيرين على واش صرا
فايزة : كان لازم تفهمها قبل ما جيو بلي عيب دير التبهدايل فديار الناس
شدها من يدها و خرجوا و فايزة طلعت منارفية
عائشة : اوووه كل يوم فيلم جديد
لورين : عائشة مدابيك تفهمي بنتك و تعلميها كيفاش تولي تهدر
YOU ARE READING
عشيرة الاغا _ باللهجة الجزائرية _
Romanceحكايتنا هاد المرة غير ؛ فيها نوع من الخيال تحكي على عشيرة الفارسي و ابطالها هما قمرة و اسلام و الباقي تعرفوه فالحكاية ملاحظة : الكرونيك من تأليفي و هي خيالية لا علاقة لها بالواقع
