اسلام : افهمي حاجة عقلية الدراري تاعك متديناش لبعيد ... حبسي متدخلي روحك فيا و فكل حاجة نديرها و تحاسبي لي نهدر معاهم
لميس : عليمن راك تقصد ... اههه على قمرة هكذا
اسلام : مدام لحقك الميساج تقدري تخرجي
لميس : مليح وليت تضارب مع ناسك على جال خدامة
اسلام : الحاجة الاولى هديك راهي بنت عمك ماشي خدامة الحاجة الثانية مضاربتش معاك على جالها بصح المشاكل لي راكي ديري فيهم راهم يصغرو فيك برك ، ماشي اذا مهدرتش معنتها راني قابل ؛ حكايات النساء مدخلني فيهم بصح باش تولي ترمي هذا على هذا و ديري مشاكل فلفامي غير على جال الغيرة انا منقبلهاش ...
لميس : ايه فهمت ... بصح حبيتك تعرف حاجة بلي اذا نتا تشوفها بنت عمك انا نشوفها خدامة و حاجة واحد اخرى انا خطيبتك و ما جاياش تحطني انا وياها فمقام واحد
اسلام : كي نتي كي هي كي بيلسان مقامكم واحدعقدت حواجبها
لميس : هكذا
اسلام : هكذا مكلاه نفكرك بلي هاذ الزواج تفاهمو عليه بابا و باباك ماشي انا و نتيسكتت و هو دار
لسلام : اغلقي معاك الباب
خرجت تاكل فروحها و هو مسح على وجهو
اسلام : خطيبتك خطيبتك ... واش هاد الكلمة
........
قمرة : ايه و وين راكم قاعدين دوكا
اسيا : رانا فدار عمي بصح لوكان تشوفي مرت عمي كيفاش راهي تخزر فينا بنص عين
قمرة : تحبي نسلفلك دراهم حتى الدراهم لي كانوا عندي مديتهملك كامل
اسيا : لالا قمرة اصلا هكذا و راني حشمانة منك ؛ بين ليلة و نهار تشردنا و خرجنا مول الدار
قمرة : معليش نتي الدراهم لي عندك اشري بيهم الدواء لباباك و انا نسيي نشوفلك حق الكراء
اسيا : لالا قمرة وعلاش دايمن ديريلي هكذا
قمرة : اذا معاونتش صحبتي شكون نعاون نتي ختي و كلش عندي فهاد الدنيا متمنية لوكان راني معاك دوكا
اسيا : عمري
قمرة : اسيا دوك نعاودلك الباب راهو يدقدق
اسيا : ايه
.........
قمرة : انعم
....
سمرة : قمرة تقدري تطلعي للفوق مدام اناهيد راهي تعيطلك
قمرة : ايه......
طلعت وين كانوا كامل قاعدين فالصالون و زوج نساء متعرفهمش حاطين الحوايج و الذهب و المكياج ... المهم الصالون رجع حانوت
زياد : راهي جات
اناهيد : ارواحي قمرة
لورين : تقدروا تروحوا راح نخيرو و الباقي و الدراهم نبعتوهملكم غدوة صباح
🧕 : ايه مدام
....لميس دورت عينيها
بيلسان : الطفلة هادي شحال صعيبة نتوما مشفتوش وين كانت اليوم ... اليوم نهار كامل و هي مع الاغا برا
هند فتحت فيها عينيها
لميس : كيفاش !!!
بيلسان : كيما راني نقولكزيرت على يدها و خرجت ؛ بيلسان تبسمت و هند خبطتها
هند : وعلاش ديري فالمشاكل
بيلسان : قلت الحق خليها تعرف خير
هند : استغفر الله.....
اناهيد : قمرة خيري واش عجبك للخطبة تاع سيبال و الياس
فايزة : ايه كاين حاجات بزاف شابين
قمرة : اههه لالا صحاناضت سيبال و قعدتها قدامها
سيبال : متحشميش راهي خطبتي نحبكم كامل تكونوا شابين
شاهين : عماد نوض نوض وليدي عياني سوق النساء
عماد : ههه عندك الحق
ليندة : بوووه
عماد : بوووه على ليندووشجبدها من خدها و ناض مع شاهين
لورين : قمرة شوفي واش رايك فهاد الروبة جيك شابة
قمرة : اممم
فايزة : خلاص مالا خيرتو كامل
ريمة : ايه انا سيبون هادو لي نديهم
عائشة : هاد الزوج سنسلات نديهم و خلاص حرت اما لي شابة
فايزة : هند بيلسان ارواحو ستفوهم فساشيات و الباقي منبعد نبعتوهم
لورين : و ني قمرة معجبك والو ... تدي الروبة
قمرة : اهه لالا صحا تعيشو بصح منسحقش .... اذا متسحقو والو نقدر نهبط
اناهيد : تقدري تروحي قمرة
.....
اناهيد : خلاص حبسي متقلبي فوجهك لورين ارفدي واش عجبك و ديهولها
لورين : زعما
اناهيد : ايه.......
قاعدة وسط الشمبرة تبكي ؛ كلش كسرتو مخلات حاجة فبلاصتها
لميس : يعني انا تهيني و هي تخرجها معاك و تقسر معاها نورمال وعلاش واش الفرق بيناتنا
راحت للمراية و تمس فوجهها
لميس : حتى انا شابة واش خصني فواش راهي خير مني .... البارفان لي نحطو برك غالي على حوايجها كامل ؛ تطلب مني عينيا نمدهملك وعلاش وعلاش هكذا مدايرليش حساب
طاحت على ركابتيها تبكي
لميس : اذا مندمتهاش منتسماش لميس لعبت مع البنادم الغالط
........
قاعدة تقطع فالخضرة و غايسة حتى جرحت يدها
نور : اههه قمرة وشبيك قستي روحك
قمرة : نورمال ماشي حاجة
نور : حطي اغسلي ... وين كانوا عينيك شوفي شحال تجرحتي
سمرة : نجيبلك بونصمون
نور : ايه غير جيبيقعدوا فالطابلة و وقت سمرة جابتلها واش تسحق و راحت دارتهولها
قمرة : صحا
نور : بلا مزية
قمرة : .... نور قوليلي .... مكانش كيفاش نسلف دراهم من عند كاش واحد هنا
نور : وعلاش تسلفي قولي لوالدي ... قصدي ...
قمرة : منسحق من حتى واحد يمدلي ... معلباليش اذا بية تقدر تمدلي و تنحيلي من الخلاص بارسكو نسحقهم
نور : معلباليش جامي سييت بصح شوفي معاها مراكي خاسرة والو انا سمحيلي علبالك باش راني نصرف على دارنا و نجهز مراهو يقعدلي حتة دورو
قمرة : صحيتي انا دوك نشوف مع بية
YOU ARE READING
عشيرة الاغا _ باللهجة الجزائرية _
Romanceحكايتنا هاد المرة غير ؛ فيها نوع من الخيال تحكي على عشيرة الفارسي و ابطالها هما قمرة و اسلام و الباقي تعرفوه فالحكاية ملاحظة : الكرونيك من تأليفي و هي خيالية لا علاقة لها بالواقع