كان جايز حتى حبستو
سيبال : اليااس
الياس ( دار عندها ) : ... اههه سيبال خير !!
سيبال : هو ... هو كنت .... هو
الياس : وشبيك تتعقني
حشمت و حمارت
الياس : ههه راني نقسر برك .... ياك مسحقيتي والو
سيبال : اااههه ... لالا
تبسم معاها و راح و هي حمارت و رجعت تتبسم وحدها ، رجعت لبلاصتها قاعدة تمروح على وجهها
........
هند : بففف مفهمتش كيفاش ماما قبلت جيب هديك الطفلة تخدم هنا
لميس : لوكان تشوفي انا وحدة كيما هديك متستاهلش تدخل لهنا
هند : ايه
لميس : راح نخرجها منا ولا منتسماش و زيد مشفتيهاش كيفاش هدرت مع اسلام و هكاك و جابتها وقت يجي تشوفي واش راح يدير فيها
هند : ايه سور يحاوزها
لميس : زعما بصح هو ميحبش يعارض يماه
هند : خويا و نعرفو ميحبش لي يهدر معاه هكاك
بيلسان : هههه وحدة فيكم متعرفو قدي ؛ مراح يحاوزها مراح يخرجها ياك هو لي حبها تقعد
هند : هديك قبل ما هدرت معاه هكاك
بيلسان : ههه الاغا مراحش يحاوزها و راني سوور
لميس : و وعلاش راكي سوور
بيلسان : بلاك عجباتو ... الطفلة بومبا و زيد عندها شخصية قوية مدام هدرت و مخافتش و وليد عمي يعجبوه البنات لي هكاك
ناضت لميس من بلاصتها و عيطت عليها
لميس : لي راكي تهدري عليه خطيبي اذا نسيتي
بيلسان : بصح مراهوش راجلك
هند : بيلي حبسي
ريمة : يا بنااات واش راهو صاري
هند : والو طاطا راهم يتناقشو برك
ريمة : و وعلاش العياط
لميس : ماما قولي لبيلسان تعرف واش راهي تهدر اذا نسيتي راح نكون مرت الاغا و القصر تاعه على هادي اعرفي كيفاش تهدري
بيلسان : انا و نتي و كامل لي راهم هنا علبالهم بلي خطبتكم خطبة مصلحة لا اكثر ولا اقل مكلاه تتبهاي بزاف
ريمة ( عيطت ) : بيلسااااان
بيلسان : وشنو طاطا وقت نهدرو الحق نرجعو غالطين
ريمة : اليوم عرفتك شحال تغيري من بنتي و تحسديها هدا كامل كي خيرها الاغا هي و نتوما لالا
بيلسان : وقت يكون يخزر فيها و يعبرها وقتها بلاك نغيرو
هدرت هدرتها و خرجت ؛ هند راحت للميس
هند : لميس مديريش عليها
خبطتها و قالتلها
لميس : اخرجي منا .... اخرجيييي
خرجت هند و ريمة دارت ليها
ريمة : ان شاء الله يكون عجبك الحال
لميس : وشنو !!
ريمة : مالاول قتلك خطيك من هاد الزواج لميس نتي تستاهلي واحد اخر الاغا ميحبك مراهو يحوس عليك نتي مالاول علبالك وعلاش رضا بالزواج هذا نفذ وصية باباه باش يرجع الارض اذا قعدتلك شوية كرامة حبسي يا بنتي يهديك ربي نتي و باباك
لميس : من صغري تقولو لميس لاسلام و حاجة مراح تبدلي رايي و مع الوقت راح نوريلك بلي راح يحبني
ريمة : ايه ان شاء الله واش حبيتيني نقولك
........
وقت العشاء :
تلموا كامل على الطابلة يستناو غير فاسلام يجي ؛ دخل و معاه صهيب قعد و صهيب قعد واقف متردد
اسلام : صهيب اقعد
صهيب : يا اغا .....
اناهيد : ريح صهيب
فوزي : من وقتاش يقعد واحد فالطابلة معانا ميكونش من العائلة الحاكمة
اسلام : و من وقتاش واحد يعارض الاغا
غمضت لميس عينيها معجبتهاش كيفاش هدر مع باباها
اسلام : صهيب منعاودش
قعد صهيب و اناهيد تبسمت معاه تسقسي فيه على حوالو و حوال دارهم ؛ صهيب بنفس عمر اسلام لي يشوفهم يقول عليهم خاوة من صغرهم و هوما كيف كيف و هو لي يتكل عليه اسلام و يامن كلش عنده ؛ دخلوا الخدامات يحطو الماكلة و بداو ياكلو اناهيد خزرت فاسلام وقت حط اول لقمة في فمه و قالتله
اناهيد : عجباتك الماكلة
اسلام : ماشي فريدة لي طيبت !!
اناهيد : ايه فريدة راح ترجع طيب فالويكاند برك سينون قمرة هي لي راهي مستكلفة بالطياب .... شفيت عليها الطفلة لي كانت هنا نهار الحفلة
اسلام : ايه شفيت عليها
لميس قاعدة تخزر تستنى فيه يهدر والو تغزلت و خزرت فهند دارتلها بعينيها اهدري ؛ و هي قعدت تفرك فيديها معرفتش كيفاش تهدر
هند : بصح .... يا اغا ... مكانش لازم تقعد هنا مور واش دارت
اناهيد : وعلاش واش دارت
ليندة : شششت واش دخلك هند
دارلها بيدو حبسي
اسلام : خير كشما دارتلك ؟؟
هند : لالا بصح ...
اسلام : مالا وعلاش راكي دخلي فروحك
هبطت راسها و قاتلو
هند : مكانش قصدي
.........
بية : قمرة كاين زوج شنابر فارغين تقدري تخيري لي عجبتك كاين وحدة مع نور و لوخرى مع ياسمين
نور : اهههه قمرة راح تعجبك تاعي تقدري تقعدي معايا
قمرة : خلي نقعد مع هادي
ضحكت نور و تبعتها للشمبرة توريلها فيها
قمرة : مخيرتهاش على جالك غير بارسكو ياسمين متعجبنيش
بوزت شفافها
قمرة : متزعفيش بصح منحبش الصحابات بزاف
نور : وعلاش ... يعني نتي عجبتيني بزاف متمنية نولي كيما نتي قوية و نقدر نهدر مع اي واحد كيما نحب
قمرة : و منحبش المجاملة تاني
خرجت و نور قلبت عينيها
نور : حق الخير جبتك لشمبرتي ... معليش واش فيها
راحت قمرة للكوزينة دات قرعة ما غير دارت لقات واحد من الحراس يخزر فيها بخبث ؛ طلعت حاجبها
قمرة : خير
علي : خير خير يا وجه الخير
YOU ARE READING
عشيرة الاغا _ باللهجة الجزائرية _
Romanceحكايتنا هاد المرة غير ؛ فيها نوع من الخيال تحكي على عشيرة الفارسي و ابطالها هما قمرة و اسلام و الباقي تعرفوه فالحكاية ملاحظة : الكرونيك من تأليفي و هي خيالية لا علاقة لها بالواقع
