اسلام : من اليوم نتي لي راح تستلمي طياب تاع القصر
اناهيد : سبحان الله هذا واش كنت نقول بصح مراهيش قابلة
اسلام : وعلاش متقبلش
اناهيد : هدا واش حبيت نعرف
قمرة : عندي اسبابي
اسلام : لي هوما
قمرة : ملازمش تعرف كلش يا اغا
لميس : نتي مراكيش عارفة روحك كيفاش و معامن راكي تهدري
قمرة : كلاك لسانك نتي
اناهيد طلعت حواجبها متعجبة منها
اسلام : على حساب الشوفة المدينة مخلاتكش تعرفي القوانين تاع العشيرة
قمرة : نعرفهم و مليح و نظن من حقي نرفض حاجة مرانيش حابتها جيت خدمت و كملت خدمتي ندي حقي دوكا و نروح
اسلام : علبالك هنا مكانش كلمة فوق كلمة الاغا
اناهيد : مدامك جيتي معنتها كنتي مسحقة هاد الخدمة
قمرة : ايه بصح دوكا مرانيش حابتها
تبسمت اناهيد و حطت يدها على راسها و مسحت عليه
اناهيد : نقدر نعرف وعلاش ؛ انا راني حابتك تقعدي تخدمي هنا و حتى تكوني مسؤولة عليا
قمرة : ... وقت يتعاملو الخدم كيما هوما كيما الناس وقتها نخدم هنا اكبر غلطة درتها كي جيت
سمعت بزاف يقولو بلي الاغا اسلام عادل و اذا كان مفهومكم للعدل هذا هو فمنسحقوش
فايزة : احترمي روحك
طلع حاجبو و ربع يديه
اسلام : ايه و واش لي معجبكش
قمرة : شايفين الخدامين لي هنا حيونات باش ترميولهم فضلتكم ؛ استسخرتو لقمة فيهم حتى تخليوهم ياكلو واش قعد فالطباسا تاعكم
اسلام : من وقتاش هادي
خزر فيماه
اناهيد : معلباليش اسلام جامي دخلت فالتسيير تاع الخدم
عائشة صفارت و قعدت تفرك فصباعتيها
عائشة : ااا ... انا هو يعني قلت واش فيها باش منخسروش النعمة و ...
حبسها بيدو و دار للخدم
اسلام : تقدرو تخرجو و نتي تاني
اناهيد : زيدي خممي مليح
خرجو كامل ؛ و لورين قلبت عينيها و خرجت
اسلام : من وقتاش ديري من عندك
عائشة : يا اغا انا خممت على ....
اسلام ( عيط ) : متخممي ما والو .... بيييية
جاتو تجري
بية : يا اغا عيطتلي
اسلام : من اليوم اي حاجة تامر بيها مدام عائشة متتنفذش صلاحياتها كامل راحو و الخبر هذا يروح للخدم لي هنا تاني
عائشة : كيفااااش هبلت
دخل الياس و محرز مع فوزي ؛ لي غير شافته عائشة راحت تجري ليه
عائشة : محرز شفت شفت واش دار وليد خوك نحالي كامل الصلاحيات
محرز : كيفاش وعلاش
عائشة : انا خممت فالعشيرة و فدراهمها و قلتلهم الماكلة لي تقعد تتوزع على الخدم مكلاه يحطولهم ماكلة جديدة و كي سمع شوف واش دار
الياس غمض عينيه عيا يقوللها مديرش هكذا بصح محبتش من بكري و عائشة امرتهم بلي الخدم ميديوش من الماكلة حتى تقعد بلعاني باش تشوه صورة صابر و دوكا اسلام و تخلي شعبه و الخدم تاعه يكرهوه
الياس : اسلااااام حدك حد روحك ماشي كي راك اغا معنتها دير كيما تحب
محرز : اسلام متخليش اسم الاغا يدخل بيناتنا داخل القصر و احترم مرت عمك
اسلام : هنا لي ميحترمش القوانين يتعاقب و مكان مدخلها اذا كانت من العائلة الحاكمة ولا لالا ... هذا شحال و انا ساكت على واش راهي دير هي و وليدها و بلي دارته اليوم فيضت الكاس على هادي معندها حق تأمر ولا تدير حاجة من راسها ؛ اي حاجة تصرا هنا تصرا بعلمي و كل واحد يغلط راح يتعاقب و نتا الياس خيرلك لوكان توالف اسم الاغا فبلاصة اسلام
قال هدرته و خرج خزرت فيه فازية برضا و دارتله برضا و اناهيد تنهدت و تبسمت
.......
دخلت لورين للكوزينة باش تشرب الما حتى سمعت قمرة تحكي فالتليفون
قمرة : اففف اسماء عييت تعرفي و مرانيش حابة نرجع للدار هداك ..... اممم حتى انا حاب نرجع للمدينة اصلا نزيد يامات و نطلع عندي حساب نصفيه ...... لازم نلقى خدمة بابا معلبالوش بينا و فالدار قاعدين غير على الماء ... امممم صحا باي
غير دورت راسها شافت لورين واقفة موراها
لورين : مكنتش قاصدة نسمع بصح انا ليا اقبلي بالعرض تاع الاغا و يماه خير هنا صعيب تلقاي خدمة و اذا لقيتي خلاصها يكون قليل بصح اذا نتي شرفتي على الطياب هنا راح تقدري تعيشي داركم بالمليح
قمرة : نشكرك على نصيحتك بصح مرانيش حابة
لورين : الاغا مكانش علبالو بلي صرا فالخدم هنا و دوكا راح يتلهى بحالتهم كثر نتمنى تزيدي تخممي مليح
دارتلها براسها ايه و خرجت و غير لحقت قدام الباب شافت اناهيد طالعة و وقت شافتها دارت
اناهيد : راح نزيدو نتلقاو قمرة
طلعت و خلاتها و هي خرجت
...........
صباح جديد :
تفاطنت صباح غسلت وجهها و راحت للكوزينة جبدت تفاحة قاعدة تاكل فيها و تخمم
قمرة : لازم نلقى خدمة باسرع وقت كمال معلبالوش كامل وين راهي صادة بفففف
ناضت بدلت حوايجها و خرجت ؛ قصدت المارشي كشما تحوس تخدم تما ملقاتش موراها راحت للمسيد كيفكيف ملقات والو و هكذا جاز نهارها تتقلب من و من باش تلقى خدمة بصح والو و رجعت للدار يائسة
YOU ARE READING
عشيرة الاغا _ باللهجة الجزائرية _
Romanceحكايتنا هاد المرة غير ؛ فيها نوع من الخيال تحكي على عشيرة الفارسي و ابطالها هما قمرة و اسلام و الباقي تعرفوه فالحكاية ملاحظة : الكرونيك من تأليفي و هي خيالية لا علاقة لها بالواقع
