راحت قمرة للكوزينة دات قرعة ما غير دارت لقات واحد من الحراس يخزر فيها بخبث ؛ طلعت حاجبها
قمرة : خير
علي : خير خير يا وجه الخير
قلبت عينيها و جازت و هو جبدها عندو
علي : علبالك بلي صعيبة تخدم وحدة شابة كيما نتي هنا
قمرة : امممم و صعيبة يكون الحارس ماشي راجل
جبدها حست ظهرها تقسم
علي : كلش يجوز من عندك يا حلوة
قمرة : اطلقني خير ما نوريلك الحلوة واش قادرة ديرلك
تبسم منبعد جبد روحو بلخف وقت سمع الحس و هي راحت
.......
وقت وصلت قدام الباب قالتلهم
قمرة : افتحوا الباب راح ندخل القهوة للاغا
فتحولها الباب و هي دخلت ؛ قعدت تخزر من و من
قمرة : يوووه شمبرته دار
حطت السنيوة فوق الطابلة و خزرت فالتاقة لي كانت كبيرة بزاف و مغطية بالريدو راحت دنات الريدو فتحتها و غمضت عينيها تشم فالهوا وقت فتحتهم شافت قدامها جنان كبير
قمرة : ااااه شحال شباب بصح منين الدخلة تاعها مشفتهاش كامل
دنات راسها تسيي تشوف منين تدخللها حتى حبست وقت سمعت صوته
اسلام : واش راكي ديري
دارت بلعقل و سقمت روحها
قمرة : جبتلك القهوة يا اغا
اسلام : واش داك للتاقة
قمرة : اهه فتحت برك ....
اسلام : معندكش الحق تمسي حتى حاجة فهاد الشمبرة
قمرة : مكانش علبالي
اسلام : ماشي حتى يكون علبالك باش متمسيش حاجة خاطياتك
قمرة : اممم عندك الحق
زيرت على يدها و راحت
اسلام : قتلك اخرجي
قمرة : باردون ؟
اسلام : كيما سمعتي
قمرة : لازم حتى تقولي باش نخرج !!
دارلها براسو ايه و هي غمضت عينيها تسيي تشد لسانها
فتحت يدها لي كانت غالقتها
قمرة : انا نخرج وقتمتا نحب و كيما نحب منستناش منك ولا من غيرك يامرني
اسلام : حتى اذا كان الاغا
قمرة : اذا كنت الاغا انا قمرة و مكانش لي يخليني ندير لي يحبه
راحت للباب خبطت
قمرة : افتحوا الباب
اسلام : مراحش يفتحو حتى نقول علبالك
حست روحها تغلي دارت ليه رايحة عندو حتى تلقاه جبدها و خبطها فالباب
اسلام : خيرلك تسقمي روحك بارسكو لليوم راني عاقل بزاف معاك
طلعت عينيها و تلاقاو عينيهم لاول مرة عن قرب معلبالهمش شحال من دقيقة جازت و هوما غايسين فبعضهم ؛ اول مرة تحس بحاجة كيما هادي دنات عينيها و تكذب لوكان تقول حبت دنيهم ؛ وقت رجعت خزرت بلعقل لقاته مزاله يخزر فيها هدرت بصوت شبه مسموع
ŞİMDİ OKUDUĞUN
عشيرة الاغا _ باللهجة الجزائرية _
Romantizmحكايتنا هاد المرة غير ؛ فيها نوع من الخيال تحكي على عشيرة الفارسي و ابطالها هما قمرة و اسلام و الباقي تعرفوه فالحكاية ملاحظة : الكرونيك من تأليفي و هي خيالية لا علاقة لها بالواقع
