فالليل :
كملت زينتها و تبسمت
قمرة : فوالا راهي واجدة
خزرت فالساعة لقاتها قريب 12 تاع الليل حطت الشمعة فالتارت لي خدمتها و طلعت .... طبطبت شوية و دخلت
قمرة : نقدر ندخل
اناهيد : قمرة ادخلي ادخليدخلت لتارت لي دارتها
قمرة : لعقوبة ل 100 سنة ان شاء الله طاطا
اناهيد : اهههه .... معرفتش واش نقول علبالك مكنتش نستنى منك تتفكريني 🥺
قمرة : وقت دخلت لهنا على اساس خدامة نتي كنتي اكثر وحدة مليحة معايا منقدرش ننسى خيركتبسمت و دارتلها ارواحي ؛ عنقتها
اناهيد : ربي يعيشك بنتي الزينة
قمرة : و دوكا مراحش تشعلي شمعتك
اناهيد : ههه قعدلي غير نشعل و نطفي الشموع
قمرة : مزالت البركة طاطا ... هيا خليني نشعلك و نتي طفي
اناهيد : ههه روحي بركوقت سمعو صوت الباب دوروا راسهم
اناهيد : هذا سوور اسلام ... ادخخل
غير دخل قاللها
اسلام : ربي يطولي فعمر الغالية تاعي joyeux anniversaire يما
اناهيد : تعيش وليديسلم عليها و قاللها
اسلام : لعقوبة لكل عام يما
اناهيد : ان شاء اللهطلع حاجبو و خزر فقمرة
اسلام : راني شايف بلي كاين لي فاتوني اليوم
اناهيد : malheureusement
قمرة : المرة الجاية لازم تخف يا اغا ... ايه طاطا هاكي تمناي حاجة و طفي الشمعةدناتلها لتارت عندها و اناهيد طفاتها منبعد قمرة قطعت زوج مورصوات
قمرة : جبت غير زوج طباسا دقيقة نروح نزيد واحد
اناهيد : متشقيش روحك
اسلام : غير ماكلاه انا منحبش الحلو
قمرة : سوور
اسلام : محسوب حشمت منك
قمرة : خلاص فهمت
اناهيد : بنينة تهبل يعطيك الصحة
قمرة : الله يسلمك .... انا نخليكم تصبحوا بخير
اناهيد : و نتي بخير
......
اسلام : يا مدام مطيحيش عليه حتى تكمليه
اناهيد : سمحلنا يا اغا
اسلام : كي يطلعلك السكر نتفاهمو
اناهيد : هاااه خلاص حبستحطت الطبسي و هو سلملها على راسها
اسلام : تصبحي بخير
اناهيد : و نتا بخير وليدي
اسلام : ما تسحقي والو
اناهيد : لالا يعيشكخرج رايح لشمبرته حتى يسمع فقمرة تهدر
قمرة : اهه واش هاد الحس ... واش راهم يديرو اييييي
عقد حواجبو و تبع الصوت حتى للبالكون يلقاها معلقة طل و تهدر
قمرة : واش راكم ديرو هنا ... كيفاش واش قلتلي ... عاود مسمعتكش مليح ...
رجعت للور قريب ما تقلبت
قمرة : اييي شكون الحابس هذا .... اههه هذا نتا يا اغا
عقدت حواجبها
قمرة : وعلاش جبدتني
اسلام : مشفتيش رجليك لي كانوا فالسما حابة تنتاحري
قمرة : اوهوه الاغا راهو يحوس على قمرة اذا تموت ولا لالا ملييحعقد حواجبو و طلع صبع منبعد خبطته لكتفه و ضحكت
قمرة : كنت نقسر برك وشبيك امنت وقيل
وقت لقاتو مزال عاقد حواجبو غمضت عينها
قمرة : عميتها وقيل
دارلها بعينيه ايه
قمرة : هو يعني ... البالكون تاعكم عالي بزاف مقدرتش نطل و نشوف واش راهم يديرو لتحت
اسلام : نتي لي قصيرة بزاف ماشي البالكون لي عالي
قمرة : 1.58 م و راك تقول قصيرة
اسلام : لالا طويلةضيقت عينيها و جبدت الكرسي طلعت فوقو كملت تشوف و هو ضحك
قمرة : واش راهم يديرو
اسلام : راكي تشوفي هاد الجهة
قمرة : اممم
اسلام : خليتهم يديروها غير ورد
قمرة : اههه مليح و وعلاش
اسلام : خممت واش نجيب ليما فلانيفارسار لقيت بلي عندها كلش و علبالي بلي تحب بزاف الورد على هديك الجهة هادي تاع الجنان خليتهالها
قمرة : اههه على هاديك البالكون تاعها معمر بلي فاس تاع الورد ... عجبتني l'idée ..... و البالكون وعلاش عالي كامل هكذا الناس ميبنيوش هكا
اسلام : ايه بصح كي كنا صغار شوية لميس طاحت من البالكون و الضربة جاتها فراسها و دخلت كومة قريب عام من وقتها بابا بنا لي بالكون تاع القصر كامل و طلعهم للفوق باش ميطيحوش الصغار
قمرة : اييه باينة جاتها الضربة فراسها على هاديك الطفلة تخلخلت
اسلام : قممممر
قمرة : خلاص فهمنا يا اغا محبيتش على خطيبتك كيما تقول ..... اهههه مروماركيتش بلي تعيطلي قمر ماشي قمرة
اسلام : قمر يعجبني خير من قمرة
قمرة : و انا يعجبني اسلام خير من الاغاغلقت فمها و حمارت كي مرقت لروحها
اسلام : ايه عيطي اسلام شكون شدك
دورت راسها تفرك فصباعتيها حست روحها حشمت
اسلام : ايه مقلتليش كيفاش حتى تفكرتي يما
قمرة : يماك اكثر واحد كان مليح معايا هنا يعني ... كيما شفت لاماجوريتي ميحملونيش بنات عمك نساء عمومك و الفيونسي تاعك بيانسورتبسم باستهزاء
قمرة : وشبيك
اسلام : مراحش تلقاي كامل الناس تحبك انا هنا و لاماجوريتي ميحبونيش و منهم عمي جات برك كي انا الاغا هذا ماكان سينون راهم خرجولي للعيب كيما نتي
قمرة : مليح مرانيش وحدي
اسلام : مليح مليحو هكذا هدرة جيب هدرة حتى جاز الوقت ولقاو الفجر لحق
قمرة : اياااه لحق الفجر محسيناش للوقت
اسلام : ايه
قمرة : افففف انا مرقدتش و عندي طريق اليوم
اسلام : لوين !!!
قمرة : للمدينة عندي شغل تما
اسلام : وشمن شغل
قمرة : حاجة متخصكش يا اغا
اسلام : دصرتيني نتييتبع 💚💚💚 ......
YOU ARE READING
عشيرة الاغا _ باللهجة الجزائرية _
Romanceحكايتنا هاد المرة غير ؛ فيها نوع من الخيال تحكي على عشيرة الفارسي و ابطالها هما قمرة و اسلام و الباقي تعرفوه فالحكاية ملاحظة : الكرونيك من تأليفي و هي خيالية لا علاقة لها بالواقع